الموضوع: كل مايخص مواتير الهوندا بمميزاتها واسعارها

المشاركة الأصلية كتبت بواسطة secondman

موضوع اكثر من رائع يا سمسم باشا تسلم ايدك
بس انا عندى سؤال انا معاية عربية هوندا سيفك 98 امريكانى فيها موتور 1600 وعاجبنى جدا الموتور vtec فا انا بسال سعادتك هو ممكن اركبة للعربية اللى معاية ويا ترى ممكن يكلفنى كام واجيبة منين من مصر او بالتحيد منين من الحرفين اثق انة هيدينى موتور كويس ارجو الرد وشكرا لمعاليك

ربنا يخليك ياباشا

بالنسبة للماتور فطبعا يركب بدون اى مشاكل وهيبقى كودة b16a

بالنسبة للتكلفة لو جيبتة من بورسعيد هيختلف السعر مابين جيل تانى وجيل ثالث

الجيل الثانى بيبقى الاغلبية اتوماتيك وسعرة هنا فى القاهرة شامل ( الضفيرة +الكنترول +العفشة الامامية+بالفتيس ) 7000 الاف جنية وسعرة فى بورسعيد 6000 الاف جنية ( سنة الصنع من 92-95)

بالنسبة للجيل الثالث دة الاغلبية بينزل بفتيس مانيوال وسعرة شامل كل حاجة من 9000 الى 10000 الاف جنية وهو موجود اكثر فى بورسعيد لكن فى القاهرة قليل ونادر والماتور دة انتاجة سنة ( 96-2000 ) وكلهم 1600 سى سى 170 حصان

وانا عن نفسى الماتور لما تيجبة من القاهرة يبقى من مجدى الدسوقى هو غالى شوية بس حاجتة مضمونة وورقة سليم من حيث تخليص الجمارك , وكمان لو فية اى حاجة يقدر يرجعهالك ممكن غير مناقشات

وبردة عشان تبقى عارف دية شوية ملحوظات :

1- اولا عشان توفر على نفسك مبلغ 500 جنية مصنعية للكهربائى انك تجيب ضفيرة الماتور شمال لان الاغلبية يمين ودة بيتكلف 500 جنية عشان الكهربائى يعدلها شمال وطبعا بيتلعب فيها وبيحلم ويقطع مابتبقاش على فابريكتها

2- سعر التسقيط 300 جنية الى 400 جنية ماتدفعش اكتر من كدة والافضل انك تلعب فى رينج 300-350

3- يجب تسقيط العفشة الامامية كاملة بالاكسات والكبالن والطنابير

4- الشكمان عندك يتغير بواحد خاص للsir عشان قطرة بيبقى اكبر من ال1500 وال 1600 العادى وبيعل كامل من الهيدر للعلبة الاخيرة 800 جنية الى 1000 جنية ( ومافيش جديد عشان محدش يضحك عليك الا فى التوكيل وبيوصل سعرة الى 6000 جنية كامل

5- لاوم واحد فاهم فى الهوندا كويس عشان يسقطلك الماتور صح وبعد مايسقطة تتطلع تختبر كبس الماتور ولازم مايقلش عن 80% وبعد كدة تعمل كشف كمبيوتر عشان تتاكد من سلامة كل الحساسات

واسف على التأخير فى الرد لانى كنت مسافر ولسة راجع من ساعة