الموضوع: كل مايخص مواتير الهوندا بمميزاتها واسعارها

عشان تحول ال ex الى si

لازم تعمل الاتى مع حذف فتحة السقف من التعديل عشان ماتلعبش فى اساسيات العربية :

اولا بالنسبة للتغيرات اللى هتحصل على المحرك :

المحرك هيجى سواء ال 1600 عادى او b16a ( sir + ضفيرة + كنترول + عفشة امامية + تغير عداد عشان لمبة الاعطال + تغير تانك عشان مكان الطلمبة الكهرباء بتاعة الانجيكشن + تركيب فلتر بنزين + تركيب عمة محرك بفلتر اسبور رياضى لان الحوض بتاع ال ex مافيش فية فتحة لعلبة الفلتر زى بتاعة الsi فطبعا مش هتخرم فى الحوض فلازم تركب فلتر اسبور

هيتم تغير الشكمان ويجى شكمان مقاس 2 بوصة بدل من 1.8 كامل ويكون فية حساس شكمان

ثانيا بالنسبة للعفشة :

1- هيتم تغير العفشة الامامية من حيث الكبالن والطنابير

2- هيتم تغير العفشة الخلفية من حيث تحويلها من طنابير الى ديسكات

ثالثا : من حيث الصالون :

1- هيتم تركيب كونسول مخدع مابين الكورسين ويفضل انك تجيبة كامل عشان حامل الاكواب اللى بيبقى موجود فى الكونسول الامامى

كدة انت حولت السيارة الى مواصفات ال si بس غير شاملة فتحة السقف وطبعا حبة حاجات كدة غير مؤثرة زى الازرع اللى بتبقى موجودة فى السقف بتبقى حتة واحدة لكن بتاعة ال si سوستة بتطلع وتنزل بمجرد مابتسيبها , ال si فيها مراية فى الشماسات ال ex مافيهاش الخ.........

بس كدة عايز تعرف التكلفة قولى وانا اقولك كل حاجة بسعرها

ياباشا ربنا يخليك

اولا بالنسبة للمحرك : محرك ال si الاوريجينال ( 2 كامة بدون vtec ) دة مش هتلاقية خالص لانة مش بينزل فى الخارج ولو لقيتة هيبقى ب7000 مش شامل اى حاجة غير ضفيرة وكنترول

بالنسبة للمحرك d16z6 ودة اللى انا ارشحهولك دة 1600 كامة واحدة vtec 130 حصان لو فى بورسعيد هيبقى 4500 جنية شامل الضفيرة والكنترول فقط

بالنسبة للمحرك الصاروخى b16a دة 1600 سى سى 2 كامة مزود بvtec بيخرج 170 حصان الى 175 حصان حسب الموديل وفية منة 160 حصان بس ودة بيعمل الجيل الثانى اوتو 7000 الاف جنية , الجيل الثالث مانيوال 9000 الى 10000 الاف دة بيجى بالكنترول + الضفيرة +العفشة + الشكمان الجزء بتاع الهيدر لحد حساس الشكمان

بالنسبة للتانك : هتجيب بتاع ال si بطلمبة البنزين + العوامة ب 700 جنية

العداد هيعمل 200 جنية تجيبة بتاع شمال بالكيلو مش بالميل وسرعة 220 كم عشان فية اليابانى 180 كم فقط

فلتر البنزين اصلى ب200 جنية يابانى ب125 ممتاز جديد طبعا

ماسورة بوابة او عمة ب150 جنية + فلتر هواء ب85 سيموتا الاصلى

شكمان الهوندا كامل استيراد ب1200 جنية من اول الهيدر لحد المافلر او العلبة الاخيرة

بالنسبة للعفشة :

جنبين كاملين امامى ( كبالن + اكسات + كبالن داخلية ) ب700 جنية

جنبين امامى كامل طنابير + سورر + بيض شمعدان ب400 جنية

العفشة الخلفية : تغير الجنبين الخلفيين كاملين ب700 جنية وممكن يتعمل فيهم واجب

الصالون : المخدع + الكونسولة ب250 جنية الى 300 جنية حسب الحالة

المشاركة الأصلية كتبت بواسطة medoakef

الف شكر علي الموضوع الرائع يا باشا
بس هو ايه معني ال sir و ال type r بقا؟!
و ياريت توضح الفرق بين الاوروبي و اليباني في الكود لان الفكره موصلتشي لي كويس

SiR MEAN SPORT INJECTION RACING ودية خاصة بالمواتير الرياضية اللى بتنتجها زى الB16A مثلا

TYPE R دة تحديث لل SIR ونزلت بهورس باور من نفس السعة اللترية زى ال B16B مثلا ودة اول نزول لية فى ال EK9 موديل 1996 بقوة 185 حصان من محرك 1600 سى سى

اما بعد كدة فايضا سمى بال TYPE R بس بتكنولوجيا مواتير اعلى فى السى السى والقوة وبقت بتنزل 2000 سى سى بقوة 200 حصان وتكنولوجيا ال I-VTEC الجديدة ودية كانت بكود K20A

طبعا انا بديلك اختصار للموضوع بقدر الامكان لكن فية اختيارات كتير ومواتير اكتر على حسب البلد اللى هتستقبل السيارة

وبالنسبة للكود مابين الاوروبى واليابانى

لو مثلا B16A فقط يبقى دة نسخة يابانية وبيبقى اقوى فى الهورس باور

اما لو بعدية رقك زى مثلا B16A1,B16A2,B16A3 بيبقى مخصص للسوق الامريكى وبيبقى اضعف ماعدا محركين فقط هما اللى بيبقوا اقوى من اليابانى B16A4,B16A5 ودول بيخرجوا 174 حصان والاختلاف ان ال B16A4 بينزل مانيوال فقط اما ال B16A5 بينزل اتوماتيك فقط

يارب اكون قدرت اوضح الصورة ولو اى استفسار انا فى الخدمة