شحاتة ... غبية جداااااااا

**A7MED_PHARMA** · 02-01-2011 02:23 AM

المشاركة الأصلية كتبت بواسطة heshamzaky

ههههههههههههههه أصل بجد أزاى يعنى تلم 500 جنية من الشحاتة الا لو كان شكلها كويس و ناس بجد عندها عبط بيدولها فلوس و السلام طب ما الشحاتين مالين الدنيا اشمعنى يعنى دى بتلم 500 جنية من الشحاتة و الله ناس دماغها مريحاها هههههههههههه فكرتنى بهند رستم لما كانت فى فيلم باب الحديد ((( هنومة )))) علشان حلوة الناس كلها بتشترى منها هههههههههههههههههههههههه

بالظبط كده

المشاركة الأصلية كتبت بواسطة dr ahmed

الموضوع دا قديم جدا

أنا فاكر وأنا صغير خالص حاجة بتاع ستة إبتدائى وانا خارج من الجامع وأنا طفل مش أكتر قابلنى شحط وقال لى انه مسافر وفلوسه ضايعه والقصة الحمضانة ... بس بالنسبة لى كانت جديدة لنج... صعب عليا جدا وقلت له استنانى وروحت البيت جبت كل الفلوس اللى محوشها ومش هقول لكم على المبلغ ... وأخدهم ال....... ومشى

مكدبش عليكم ساعتها كنت فرحان وأكيد مش هتضيع عند ربنا .... لكن الحرامى معندوش أى مانع ياخد مصروف وتحويشة طفل

والمشكلة يادكتور أحمد
يا إما مسافر ...وفلوسه ضايعة
أو
مريض وعاجز وبيعمل غسيل كلوي
أو
أخرس (هبا هبا) ماشي بيوزع ورقة بجنيه..على اساس انها وصل تبرع للصم والبكم

نفس الذات نفس
بدون تطوير في منظومة منهجية العملية الشحاتية..لازم يشوفوا مدير تسويق يعمل لهم أفكار جديدة

**heshamzaky** · 02-01-2011 02:25 AM

أنا مرة زمان قوى و انا فى ثانوى كان برضو بيجى راجل لابس بدلة كدة و متأنتك و لابس نظارة شمس و يصطادنا و يقولنا أنة موظف من محافظة اخرى و فلوسة ضاعت و يعرض أنة يديلك الساعة أو قلم حبر مقابل 2 جنية مثلا و بعدين أكتشفنا بعد كام مرة أنة نصاب لو اقولك الراجل دة أخد كام شلوت و الله ما حا تصدقو و جرى و نص المدرسة مثلا بتضرب فية بالشلاليت و الاقلام على قفاة هههههههههه

**shaddadfalcon1** · 02-01-2011 07:08 AM

خلو بالكو وخصوصا اللي في الأرياف زي حالاتي
الحراميه دلوقتي بياخدو الشحاته وسيله للأستكشاف

قبل مانتسرق كان كل يوم والتاني ييجي شحات وبسم الله ماشاء الله زي الطور وتلاقيه حاطط عينه في الأرض ومغطي راسه وجزء من وشه ويطلب اي حاجه - تيجي تديله عيش يقولك لا انا عايز رز او فلوس
بيحاولو يشوفو البيوت النظيفه ولو طلبو فلوس ياخدو ولا لآ وبعد كده ييجو بالليل يعملو نفسهم بيصطادو ويراقبو المكان كويس ويشوفو مين بينام بدري ومين بينام متاخر لحد ماينشوو علب بيت ويطلعو طلعتهم

لما مسكنا الحرامي في بلد تانيه في ست كبيره حلفت انها لسه شايفه الواد اللي سرق المغرب وفي ناس تانيه شافوه بيصطاد

الأسبوع اللي فات واد شحات والله ياجماعه يتعلق في ساقيه وكنت في شقتي في الدور التاني وفضل ينادي ويقول يامحمد (طبعا بيسال في البيوت اللي قبلنا علينا وطيبة او خيبه الفلاحين بتخليهم يقولو اي حاجه) انا نفضتله قامت مراتي طلعت من الشباك وبتقوله مفيش حاجه هنا الشقه نضفت قالها انتي مكسله تنزلي طيب احدفيلي شوية رز من عندك
بصراحه كنت عايز انزل اولع فيه

الظابط وامين الشرطه يوم السرقه قالولنا لو اي شحات جه اسالوه علي بطاقته ولو قاوح دغدغوه وهاتوه علي الأسم لانه ببساطه لو فعلا محتاج مش هيعترض لكن لو واحد من اياهم مش هيرضي يكشف عن نفسه

**shaddadfalcon1** · 02-01-2011 07:09 AM

لما كنت في الكليه كان دايما واحد يطلع جنب جامعه القاهره ويقولي انا عايز اروح بني سويف ومحتاج فلوس
المهم اول مره كان في سنه تالته ونفضتله طبعا

في سنه رابعه طلعلي تاني وبيحكي حكايته قوللتله هو انت لسه مروحتش قام سايبني وماشي وفضل يبرطم

**amribrahim** · 02-01-2011 07:27 AM

يا باشا هو أكيد لم فلوس المواصلات بس هو دلوقتي بيلم فلوس علشان لما يروح بني سويف ميروحش و أيده فاضية ههههههة

**mahmoud5777** · 02-01-2011 09:53 AM

المشاركة الأصلية كتبت بواسطة a7med_pharma

بالظبط كده

والمشكلة يادكتور أحمد
يا إما مسافر ...وفلوسه ضايعة
أو
مريض وعاجز وبيعمل غسيل كلوي
أو
أخرس (هبا هبا) ماشي بيوزع ورقة بجنيه..على اساس انها وصل تبرع للصم والبكم

نفس الذات نفس
بدون تطوير في منظومة منهجية العملية الشحاتية..لازم يشوفوا مدير تسويق يعمل لهم أفكار جديدة

بمناسبة هبا هبا هههههه مرة دخلوا عندنا خمسة فى العمارة طلعوا على فوق رحت انا نازل على تحت وقافل باب العمارة بالسلسلة هههههههههه وحياتكم الخمسة نطقوا بعون الله وطلبنالهم الشرطة وكان معاهم دفاتر مطبوع فيها لغة الاشارات وعلى الضهر مكتوب واحد جنيه ومختومه هاهاها

**A7MED_PHARMA** · 02-01-2011 10:53 AM

المشاركة الأصلية كتبت بواسطة mahmoud5777

بمناسبة هبا هبا هههههه مرة دخلوا عندنا خمسة فى العمارة طلعوا على فوق رحت انا نازل على تحت وقافل باب العمارة بالسلسلة هههههههههه وحياتكم الخمسة نطقوا بعون الله وطلبنالهم الشرطة وكان معاهم دفاتر مطبوع فيها لغة الاشارات وعلى الضهر مكتوب واحد جنيه ومختومه هاهاها

كنت من كام إسبوع سهران على كورنيش النيل..قدام مبنى الاذاعة والتليفزيون
معدي واحد من بتوع الــ (هبا هبا ) دووول
بيدي صاحبي الورقة...صاحبي مكنش معاه فكة..وقاله ماعاييش
يدبوك بتاع الشاي إدانا الباقي فكة
صاحبي بكل تلقائية نده عليه "" كابتن.تعالى معايا فكة أهه""
الواد برضوو بكل تلقائية .. راح راجع
هههههههههههههههههههه
صاحبي راح مديله كلمتين في العضم..ومشي

**amribrahim** · 02-01-2011 11:44 AM

المشاركة الأصلية كتبت بواسطة wesam_salom

هحكى لكم عن موقف كوميدى جدا مع الشحاتين ولاد الناس حصل مع والد صديق ليا

والده على المعاش ومرتبه بيتحول على البنك

راح يسحب فلوس بالفيزا لقى واحده واقفه قدام البنك

ست كبيره ومحترمه وشيك جدا

طلعت له بطاقتها والفيزا بتاعتها و10 جنيه وقالت له وهى مكسوفه جدا

انها كانت منتظره تحويل من ابنها فى السعوديه والتحويل مجاش وهى دلوقتى مضطره ترجع اسكندريه

بس المشكله ان كل اللى معاها 10 جنيه وهى محتاجه 10 جنيه كمان علشان الديزل

طبعا اى انسان ممكن يقع فى ظرف زى ده

اداها 10 جنيه ودعت له وطلبت رقمه او اى طريقه علشان تعرف ترجع الفلوس تانى مرضيش

معدى بعدها بفتره لقاها واقفه بتعمل نفس الحركه مع زبون تانى

صمم ياخد حقه

رجع بعد فتره ووقف يسحب فلوس وفضل ماسك الفلوس وبيعدها لحد ما عملت معاه نفس الحركه

قالها بس انا معييش 10 جنيه فكه معايا عشرينات بس

هاتى العشره وخدى العشرين

اول ما مسك الفلوس قالها يا تيييييييييييت يا بنت التييييييييت

دى فلوسى اللى انتى نصبتى عليا فيها المره اللى فاتت

راحت مصرخه وماسكه فيه وفى الفلوس اللى فى ايده والناس اتلمت

قالت انه سرق منها الفلوس اللى لسه ساحباها من البنك وكان عاوز يسرق شنطتها وبيتحرش بيها من بدرى وماشى وراها بعربيته

طبعا لولا انه شكله محترم كانت الناس قطعته فى الشارع

وولاد الحلال قدروا يخلصوه من ايديها وايدين الناس اللى عاوزه تضربه بعد ما خدت ال300 جنيه اللى سحبهم وكان ماسكهم فى ايده

وفص ملح ودابت
وطبعا كان معاها تنين ستات شهدوا عليه

وطبعا الناس صدقتها اول ما طلعت الفيزا والبطاقه وانها موظفه فى شركه ولبسها يدل على كده

ولحد النهارده الموضوع ده مجننه

ومحسسه انه اتنصب عليه مرتين والناس بتحكم غلط وكل ما يشوف شحات يبقى نفسه يقتله

متخليك محترم فيزا إيه هو احنا بتوع فيزا احنا بتوع ماستركارد يا باشا هههههههة

هي وصلت انهم معاهم كروت فيزا طبعاً مسروقة بس إيه دة دول عادو يا جدعان

زمان كانو بيمشو بفوطة صفرة ههههههة

-

الموضوع: شحاتة ... غبية جداااااااا

LinkBack

أدوات الموضوع

عرض

-

-

-

المواضيع المتشابهه

حركة غبية قوي

مشكلة غبية قوي .. الفوارق من الجناب

نظرية لو صح تبقي جامدةةةة جداااااااا جداااااااا

بتركن ركنات غبية و اللا محترمة ؟؟؟

عملت حاجة غبية

الكلمات الدلالية لهذا الموضوع

المفضلات

المفضلات

ضوابط المشاركة