الموضوع: بدون تجريح و بموضوعية شديدة

السلام عليكم
يسعدني أن تكون هذه أول مشاركاتي معكم في القسم الاجتماعي
بدون الدخول في نقاش كثير مع بعض التعليقات التي أتفق أو اختلف معها أحب أوضح بعض النقاط التالية :
1- جميع تشريعات الدين الاسلامي الحنيف لا يوجد فيها بل و يحرم ايذاء المعاهد و المؤتمن في بلدنا على نفسه و دينه و عرضه
2- كون ان الدين عند الله الاسلام , فهو ايضا لا اكراه في الدين , و ليس معنى ذلك أن العقيدة واحدة ولا يوجد اختلاف و لكن لا يجبر أحد بقوة السيف على الدخول في الدين
3- الأمر في الدين هو البر بهم و القسط كما ذكر في القران ولكن لا يصل الى حد التولي و هو موافقتهم على دينهم أو الحرب معهم ضد المسلمين
4- من المؤكد و الواضح للجميع أن المصلحة في هذا الأمر لأصابع خارجية تريد تهديد الاستقرار في هذا البلد الامن ( إدخلوا مصر إن شاء الله امنين ) , سواء كانت الصهيونية أو المخابرات الأمريكية أو أقباط المهجر أيا كانت فلابد أن نتكاتف بيننا على التعايش السلمي و نبذ الاحتقان حتى لا نسمح لأعدائنا بالتسلط علينا و خراب الديار
أتمنى أن يكون قولى هادئا , هذا و إن كان من صواب فهو من الله و إن كان من خطأ فمن نفسي و من الشيطان و الله و رسوله من براء , و استغفر الله العظيم

المشاركة الأصلية كتبت بواسطة egyzizo

وأنا أيضاً أتمنى ان تستمر هادئة ..
بالنسبة لدوافع قبول الطرف الآخر عند المسيحيين فهى تختلف عن كونها مصلحة وطنية وإنما هى دوافع دينية بالأساس تنبع من تعاليم الإنجيل الذى يؤمنون به.

بس أنا عايز اسأل حضرتك، طالما الدافع عن المسلمين هو ان الدين يأمر بحسن المعاملة والإحسان والحماية .. فما معنى ان الدافع يكون (ظاهرى اضطرارى)؟؟ ما هو أوامر الدين صريحة ومافيش أحسن من كده وما بتقولش ظاهرى ولا حاجة ، واللا حضرتك تقصد أن الدين يأمر بحسن المعاملة والإحسان مع الحفاظ على بغضة وكراهية داخلية؟

أوامر الدين هو البر و القسط بغير المسلمين طالما لم يؤذوهم , و عدم التولي لا ينافي إرادتي للخير لغير المسلم بل أتمنى أن يعبد كل الناس الله و الدخول في الاسلام , و الدعوة إليه بالحكمة و الموعظة الحسنة

المشاركة الأصلية كتبت بواسطة dr ahmed

الوصف مش اختلاف فى العقيدة
دا نقيض ونقيض
كل عقيدة بتنقض وتهدم الأخرى
والشعب المصرى متدين بطبعه
فسيستمر الرفض ما بقيت العقيدة مع الإختلاف فى طريقة تشريع كل دين للتعامل مع الآخر

فعلا وصف النقيض ،،، أصح من وصف إختلاف ،،،

فعشان كده شايف إنه لا داعي لمناقشة العقائد

لأن البديهي و اللي كلنا معترفين بيه إنها نقيض ،،

و نكتفي بمناقشة إن إحنا علي أرض واحدة و إزاي نتعايش عليها

المشاركة الأصلية كتبت بواسطة Dr Ahmed

اعذرونى فى رأيى الصريح زيادة عن اللزوم بس احنا خلاص فتحنا كل الأبواب المغلقة:
من وجهة نظرى سبب الاحتقان الرئيسى بين المسلمين والمسيحيين هو عدم اعتراف المسيحيين بالرسول محمد عليه الصلاة والسلام واعتبار المسلمين ليسوا أتباع نبى ومحتلين للأرض المصرية وكبارهم بيتصرفوا على الأساس ده فى التخطيط لحاضر ومستقبل مصر

الحتة دى طبيعية على فكرة ...ماهى الفروق العقائدية معروفة بين الديانتين يبقى طبيعى ان يبقى ده الوضع وإلا الديانتين يبقى مفيش فرق بينهم كأنهم ديانة واحدة
--------------------
حضرتك الكلام ده مش صح ابدا انا صراحة مش متوقع ان كلامى ده يكون محل ثقة او مصدق عليه لكن الحقيقة مش كدا ابدا انا مسيحى وعايش وسط الناس دى وعارف كويس ان التفكير مش كدا ابدا....انا مش بحاول اطلع المسيحيين كلهم زى الفل و الدنيا حلوة والكلام ده ..لأ..انا مش هنكر ان فى ناس بتفكر كدا بس مينفعش عشان جزء منهم غلط او انا بصراحة بسميه الجزء ممسوح العقل معلش يعنى فى التعبير ... لكن مينفعش انى احمل غلطهم لكل اللى زيهم ..كدا مش هنخلص ابدا
لكن بالنسبة للجزء تبع القيادات دى انا بصراحة مش هفتى فيه لأن احتمال والله اعلم ان يكون ده صح ...بس بردو احتمال يكون غلط فالحل الوحيد انى ابقى فى حالة standby فى انتظار دليل
انما انا لو......لو هلتمس للناس دى عذر على تصرفاتها ممكن اقول انهم خايفين على رعيتهم ولو ان ده مش مبرر