الموضوع: بدون تجريح و بموضوعية شديدة

المشاركة الأصلية كتبت بواسطة truthstrike

كلام غير صحيح بالمرة... بيوت الاقباط كانت بتتحرق في الصعيد و يضربوا و يتهانوا و في الاخر بيتم اعتقال العشرات منهم لاجبارهم علي الصلح وغيره و غيره كتييييير ..... يا أخي الفاضل كفاية الغاز المسيل للدموع اللي اتضرب علي الناس اللي بتلم اشلاء ضحاياها في الاسكندرية....

يا راجل حدث بما يعقل
يعني الناس كانت بتلم اشلاء الضحايا فالامن دخل ضربهم بالغاز ؟؟؟؟؟؟؟؟؟؟

المشاركة الأصلية كتبت بواسطة egyzizo

أنا شايف ان الناس مستغربة لما بأقول ان فيه أكتر من 20 حالة عنف طائفى ضد الأقباط فى السنين الأخيرة ، فيا إما أنا مش عايش فى البلد دى أو انتم اللى مش متابعين اللى بيحصل فيها ..

أنا مش هاتكلم عن نفسى لأن فيه واحد اعترض على ذكر مواقف شخصية ولا حتى هاتكلم عن مواقف من البلد اللى أنا عايش فيها ، هأحيلكم لدراسة منهجية عملها مركز لحقوق الإنسان وده ملخصها:

وطبعاً بعد ما شفت التبريرات اللى بتقولوها ، راعيت ان الدراسة يكون عاملها واحد مسلم مش مسيحى تأكيداً للمصداقية، هه حد مهتم يقرا هذه الدراسة بالتفصيل واللا الحقيقة اللى ماتبسطش حد بلاش منها؟

زيزو مش مشهم اللى عامل الدراسة مسلم ولا مسيحي ما مركز ابن خلدون صاحبه مسلم وبيعمل اسوا دراسات ممكن تتعمل عن الموضوعات الاجتماعية
والدراسات ممكن تتعمل بطريقة موجهة بسهولة بحيث انها تؤدي للنتيجة المطلوبة
وفي كل الاحوال ما زكرته غير صحيح ولو كل مسيحي اتسحبت رخص عربيته لانه مخالف هايقول الشرطة بتضطهدني علشان انا مسيحييبقي مش هانخلص ومعظم الحالات اللى رصدتها الدراسة دي من نفس العينة

المشاركة الأصلية كتبت بواسطة truthstrike

انا مش فاهم ايه موضوع الادعاء الباطل اللي اخترعه البعض و يردده الناس بدون حتي التفكير فيه...
و اقصد ادعاء ان المسلمين مضطهدين في مصر ...
هل المسلمين مضطهدين في مصر ؟؟؟ و علي اي اساس ؟؟ باعتبار ان حكام مصر من غير مسلمين مثلاً ؟؟
و من اين اتي هذا الادعاء ؟؟
الجميع يعلم تماماً ان هناك حرب قديمة و قائمة بين اجهزة الدولة و بعض الجماعات في مصر...
جماعات يداها ملوثة بدماء المصريين, المسلمين منهم قبل المسيحيين...
جماعات الناس تعرفها تماماً حتي و لو تلونت و غيرت اسمائها و اعلنت عن مراجعات مشكوك بها ...
جماعات رفعت السلاح في وجه الجميع قتلوا من قتلوه و مات منهم من مات في حرب شرسة معلنة احياناً و خفية احياناً, ليس للمصريين بمسلميها و مسيحييها لا ناقة فيها ولا جمل...
غير المسلمين المنضمين لتلك الجماعات, من هم المسلمين المضطهدين ؟؟ و ما هي مظاهر الاضطهاد المزعوم ؟؟
@دكتور محمد... بصفتك رجل تربوي و تشرف علي العديد من الطلاب, الم تفكر و لو لحظة ما سبب تقوقع الطلاب المسيحيين داخل الجامعة ؟؟

الجماعات اللى حضرتك تقصدها الدولة قامت بتصفيتها وكل افرادها اما داخل السجون من سنوات او تراجعوا عن افكارهم وعايشين حياة عادية فمش عايزين تكون هي الحجة او الشماعة
وحكام مصر لا يعنيهم الديانة في شئ يعنيهم السلطة فقط
وفعلا المسلمين مضطهدين بدليل بسيط قالوه الاخوة عن غلق المساجد وبدليل ابسط الافراج عن كل المسيحيين مرتكبي جرائم التجمهور والعنف في الشوارع وابسط مثال اخر شهر من كسروا شارع الهرم بسبب كنيسة العمرانية المزعومة ومن قطعوا الطريق الدائري مرات ومن تظاهروا في سمالوط وملوي وغيرهم لم يقبض على واحد منهم ومن قبض عليه تم الافراج عنه زي كل مرة
وبصفتي مشاهد يا سيدي تجمعات الطلاب المسيحيين في الجامعات لم تبدا الان لكنها موجودة منذ الثمانينات وما زالت مستمرة وسببها الرئيسي ان لم يكن الوحيد هو الكنيسة التي تحفر داخل الاولاد انهم لازم يكونوا مع بعض ويبتعدوا عن المسيحيين والكلام ده من الطلاب المسيحيين نفسهم

المشاركة الأصلية كتبت بواسطة egyzizo

شفت يا أخويا الفاضل ..
أهو الرد بتاع حضرتك بيعبر عن موقف غالبية الأعضاء اللى بيردوا فى المواضيع دى ، وملخصه ان حضرتك واخد (حكــم مسبق) بنكتب ردود لإثبات موقف احنا واخدينه من الأول مش مبنى على اللى بيحصل بالفعل.

لو تفتكر موضوع حادثة اسكندرية ، نفس السيناريو اتكرر ، وكتير من الزملاء دخلوا وقالوا ان الحادثة مش طائفية وممكن يكون المقصود الجامع اللى قدام الكنيسة ومشاركات كتير من هذا القبيل بدون قراءة الوقائع ولا معرفة من اللى مات ومين اللى اتصاب.

نفس الكلام حاصل دلوقتى فى موضوع قطر سمالوط لدرجة انه بناءاً على الموقف المسبق فيه ناس بتنكر فيديوهات المصابين وبتقول عليها مزورة وبتصدق نظريات داخل عقلها بس.

ونفس الكلام حضرتك عملته فى ردك بالتشكيك فى مصداقية الدراسة قبل قراءتها وتحليلها قبل ما تعرف مضمونها.

لا حادث اسكندرية طائفي ولا سمالوط لان في الحالتين الموقف لا يعبر الا عن فاعله فقط ولا يعبر عن راي اغلبية المسلمين
لكن استمرار حوادث العنف غير المبرر والخروج في الشوارع وتحطيم السيارات وضرب المارة وتكسير ممتلكاتهم وترك الدولة الحبل على الغارب لهم وحين تقبض على احد سرعان ما تفرج عنه خوفا من راس الكنيسة الارثوذكسية كل ذلك يهدد فعلا بعنف متبادل يعني يخرج شوية مسيحيين يقطعوا الطريق يطلع لهم شوية مسلمين يضربهم ونبقي فعلا دخلنا في الحرب الطائفية وهو المطلوب حدوثه من جانب الصامتين على هؤلاء الحمقي ووقتها ندخل في حوار السودان والتقسيم

المشاركة الأصلية كتبت بواسطة truthstrike

قصدي بمنتهي البساطة ان "بعض" المساجد تم استخدامها لغسل ادمغة بعض الشباب لضمهم للجماعات المذكورة و وصل الامر لاستخدامها في عقد اجتماعات الجماعات و التخطيط لبعض العمليات الارهابية, ده غير الاسلحة و الذخائر اللي اتلقوها في بعض مساجد اسيوط بعد احداث مقتل السادات....

المساجد كلها مراقبة ومن يدخل ليصلي معروف ومعروف ماذا يفعل والمساجد كلها خاضعة لاشراف الاوقاف وتحت رقابة الامن لكن هل يعلم احد شئ عما يدور داخل الكنائس والاديرة ؟؟؟؟؟؟؟؟؟؟
خاصة بعد قضية ابن قسيس بور سعيد التي تم التعتيم عليها ومنع النشر

المشاركة الأصلية كتبت بواسطة mbhead

هيا فعلا مصر فيها طائفية و انا من رائي دا سببه الجهل الثقافي و السياسي و التربوي
يعني مثلا لو كل المصريين فاهمين ان لو حصل قتنة مصر حتخرب اكتر ماهي خربانة اصلا حتقل الطائفية
لو كل مصري اقتنع ان الدين دا شي بين الانسان و ربنا و يبطلو الحساسية في التعامل دي و التدين الشكلي لان مافيش دين بيقول اتعامل مع غير ديانتك او معبوديتك معاملة سيئة(حتي لو كان البوذية)
لو كل واحد يبقي مقتنع ان كلنا اخوات مسلمين او اقباط و ان مافيش اي فرق بينا ( و نبطل نشتم في بعض و نعلم اولادنا احترام عقدية الاخر)
لو بطل المصرين يسمعوا لللاطراف اللي يهمها حدوث القتنة و القنوات اللي بتحاول انها توقع بين المسلمين و الاقباط(و يعدوا يجبوا شوية ناس تشتم في بعض و في الاخر ما بيوصلوش للاي حل ) و رجال الدين المتعصبين زي اقباط المهجر و الشيوخ اللي بيقلوا ان اموال الاقباط مباحة للمسلمين و الكلام دا
انا رائي ان الطائفية حتقل لو الكلام دا اتطبق

المشاركة الأصلية كتبت بواسطة hagan

احييك علي رأيك
و اهو ممكن واحد دلوقتي يسيب كل اللي انته كاتبه
و ميمسكش غير في كلمتين اتنين و يقولك الاتي:-
اثبتلي ان فيه شيوخ قالو ان مال المسيحيين حلال للمسلمين
وواحد تاني يقولك
اصل اقباط المهجر بيتكلمو من اللي شافوه اهاليهم هنا
و نرجع لاصل الموضوع
هي الفرخة قبل البيضة و لا البيضة جت الاول
مع اني عارف ان الفرخة جت الاول

م.حاتم السباعي

فعلا مش عايزين جملة تترمي وسط الكلام ويتسكت عليها والا يبقي اقرار بما جاء فيها
يا ريت لااخ يجيب لنا راي احد العلماء الماخوذ عنهم او من اهل الفتوي قال ان مال النصاري حلال للمسلمين
في المقابل اقوال اقباط المهجر ليس لها حصر واخرها دعوزة موريس صادق لتقسيم مصر وكلام بيشوي الرجل الثاني في الكنيسة

المشاركة الأصلية كتبت بواسطة mbhead

ايه دا كلام م.حاتم السباعي متاخرش زي ما قال حصل
يعني جنابك سايب كل الكلام اللي انا كتبوا و ماسك في الجملة دي ....براحتك بس انا عايز اقول لحضرتك مش عشان انا مسلم اقوم اسكت علي اقوال شيخ متعصب (مليش دعوة ماخوذ برايه و لا بيصدر فتاوي ) لان لو كل يوم شيخ طلع قال اسلبوا مال النصاري ...و الاقباط حطيت سلاح في الكنائس(و مش حقول ان اسمه د. ... و طلع قال الكلام دا علي قناة الجزيرة ) الطائفية حتزيد و ممكن تتعاظم المشكلة و البلد تولع

وهو المطلوب ان اسكت عن كلمة غير صحيحة علشان ارضيك او ارضي المهندس حاتم
لو تقصد الدكتور العوا فلم يقل ان مال النصاري حلال او اسلوب مال النصاري
قال ان الكنائس فيها سلاح وطالب باخضاعها لاشراف الدولة مثلها مثل الجوامع
مش بتطالبوا بالمساواة يبقي في كل حاجة لو تتحملوا
الطائفية اللى بيغذيها الى بيحرضوا الناس تنزل تكسر الشوارع لاي سبب مرة العمرانية ومرة اسكنديرة ومرة سمالوط وملوي ومرة المقطم ومرات الدائري هم دول اللى بيغذوا الطائفية

المشاركة الأصلية كتبت بواسطة dr-mohamed

وهو المطلوب ان اسكت عن كلمة غير صحيحة علشان ارضيك او ارضي المهندس حاتم

تعقيب بسيط هادئ و بدون زعل
اولا - يا دكتور محمد لم اطلب من حضرتك ارضائي
ثانيا - حينما يكون هناك فكر متطرف يجب ان نشهد نحن (( مسلمين و مسيحيين )) و نحن نناقش المشكله المحتقنة التي تزداد كل يوم سوء بأن اصحاب هذا الفكر المتطرف لا يمثلون الاغلبية من الطرفين
و ان الوسطيه هي منهجنا فنحن امرنا ديننا بأن نتعايش مع غير المسلمين بما امر الله و الرسول
نؤدي الامانات و نحفظ الحقوق و نقيم العدل بين الناس و هم (( يرد منهم اصحاب الديانه المسيحيه اجدر مني ))
المهم طلب حضرتك عادل جدا بأن من يتهم شيخ بأنه قد احل مال النصاري فيجب ان يأتي بالدليل
بس الدليل ده حضرتك ممكن كان يكون شريط كاسيت من فترة التسعينيات او خطبة جمعة في مسجد ناء في
سنة 2000 مثلا ثم اتمسك كام واحد (( حرامي و بلطجي )) بعدها اعتدو علي محل جواهرجي مسيحي (( خد بال حضرتك ان المحل ايضا ما بين كام محل مسلم في الصاغة و قتلو عامل فيه )) و عند التحقيق البسوها في انهم سمعو من الشيخ ان مال المسيحيين حلال
سيدي الفاضل د.محمد لما احنا كمسلمين بين ايدينا علماء كبار جدا و شيوخ المفروض انهم اهل علم منهم شيخ راحل من كام شهر و دفن خارج القطر كان يظهر علي الفضائيات شيوخ تعلمنا علي ايديهم هنا في مساجدنا كان الخلاف يصل في مسائل زي (( اموال البنوك (( الربويه )) ) و غيرها من مسائل كبيرة حتي ان بعضهم كان يأمر بعدم اتباع فتواه لخروجه عن النص
هل حضرتك يا دكتور تجزم بأن شيوخ كل مساجد مصر عالمهم و جاهلهم من يقف للخطابه لما الامام يتأخر او يتخلف لظرف عن الخطبه هل حضرتك سمعت ما يقال منهم
هل حضرتك لا تعلم ان الجهال و منتسبي العلم في فترة التسعينات (( ايام الارهاب )) منهم من خلط بين حال اهل الذمه في حال السلم و الحرب و منهم من اعتبر مصر في حالة حرب و عليه يحلل مالهم
سيدي الفاضل اني اكاد ادمع و انا اناقش حضرتك الان لاني اجد ان هذا ليس هو موضوعنا و بدلا من ان نسلط الضوء للزملاء المسيحيين اننا كمجتمع مسلم نرفض هذه الاحداث جملة و تفصيلا و نرفض ايضا المظاهرات التي تؤدي الي تكسير و خراب المال و و جهنا لهم الدعوه بأن يتحدثو و كان بداية الموضوع اننا نريد ان نسمع منهم ما السبب في ما يحدث من المسيحيين (( ليه كل التوتر ده في البلد )) و جدتني اجادل حضرتك في امور تخص ديننا و السبب في ذلك ان العضو الذي كتب مشاركته قال اشياء جميله و في الاخر وجه كلامه للفئه الضاله التي تسمع لغير العلماء من الجانبين

م.حاتم السباعي