الموضوع: ايه السؤال اللي ما تحبش تتسأله ؟ يالا نفضفض :)

بصراحة كدة ومن الاخر انا شايف ان الموضوع دة كان دمل وانفتح 00 او كما يقول اللبنانيين سيرة وانفتحت ! عموماً من الواضح لنا جميعاً ان سبب المضايقات فى الاسئلة لايتكرر لدينا جميعا
بدليل ان كل منا قال انه بيتضايق من سؤال معين 000 فمن الجائز إلا تستصيغ سؤال من شخص قد يكون نفس السؤال من شخص اخر على قلبك زى العسل ! اذن الامر لايتعدى استحسانك وتقبلك للسؤال من شخص لاخر
اذن وكما قال رسولنا الكريم ( خاطبوا الناس على قدر عقولهم ) فعلا هذه هى احلى مقولة فى الدنيا
لان عليك ان تخاطب الاخرين على قدر عقولهم ! اى اذا سألك احد سؤالاً بحسن نية لاتحاول ان تصدة وتردة بعنف ولكن باللين وحسن الخلق
فليس من المعقول ان احد اقاربى يسألنى وخاصة الناس الكبار ( يا بنى انت بتشتغل فين وبيدوك كام ؟ ) ثم اعنفها او اسخر منها ولكن من الافضل ان تحاول تغير الموضوع كله والهروب بطريقة لاحرج للاخر فيها !
اذن الملاحظة الهامة فى الامر هى اننا نتقبل اسئلة من البعض والبعض الاخر لا الف لا !
وايضاً طريقة عرض السؤال ايضاً ممكن ان تجعلك ترفض الاجابة
وفى الاخر بقى فية حد عايز يتزوج ؟ طبعا السؤال على قلبكم زى العسل ( انا بهزر محدش ينتظر منى خير فى الموضوع دة )

المشاركة الأصلية كتبت بواسطة حماده عزو

سؤال رخم جدا ومببأش عارف أرد عليه
وبيتسأل من ناس نعرفهومش غير بالشبه
وسعات معرفهمش خالص
هوا أنتا الى كسبت المليون جنيه ؟
كسبتهم أزاى ؟
صرفتهم فى أيه؟
هوا أنتا مش ناوى تخس ؟؟؟؟؟؟؟؟؟؟؟؟؟؟؟
جرررررررررررررررررر
يا ولاد التيييييييييييييييييييييي ييييييييييييييييت

الا صحيح انت كسبتهم ازاي؟؟؟؟؟:p:p:p

المشاركة الأصلية كتبت بواسطة sab3aawy

قبل ان اتزوج كان ارخم سؤال بسمعه هو:"انت متجوزتش ليه لحد ديلوقتى؟" ، لدرجة ان احد االسببين الأساسيين لزواجى فى سن الثانية والثلاثين هو الهرب من هذا السؤال السمج ، بالمناسبة فإن السبب الآخر هو انى مكنتش لاقى حاجة تانية اعملها فتزوجت

لكن يبدو ان آفاق السماجة لا سقف لها، حيث ان اكثر سؤال يشلنى حاليا، ومن ناس علاقتهم بيا سطحية جدا(هو انت ليه مجبتش عيال لحد ديلوقتى)، وكأن العيال بياعون مثلا عند محل الأدوات المنزلية الموجود فى أول الشارع، وانا اتكبر عن شراءهم من هذا المحل
عموما فإن من يسألنى هذا السؤال السخيف حاليا اجيب عليه بأننى"مقدم على واحد بنظام القرض التعاونى بس لسة اجراءات البنك مخلصتش"

السؤالين دول اكتر سؤالين مستفزين جدا جدا بجد الاول مستفز جدا جدا لا سيما لو بيتسأل لبنت و الثاني بيكون دمه تقيل اوي اوي لكلا الطرفين انا في ناس بقيت بتجنبهم عشان متسألش السؤال الرررررررررخم دة
و يا ريته بيتسأل كدة يا باشمهندس لأ تلاقي واحد معتبر نفسه ظريف جدا و الابتسامه ماليه وشه و مبسوط جدا من نفسه و يقولك هااااااااااااااااااا مفيش حاجة في الطريق؟؟؟
الاول مكنتش ببقا فاهم معنى السؤال اصلا لأن مكنش دة اللى بيتبادر لذهني بمسأله في حاجة في الطريق و لا لأ و افضل افكر شويه

هاااااااااااااااا ربنا لسه مرزقكمش؟؟؟؟
تلاقي الدعوة من اي حد عايز يخدمك و يدعيلك دعوة حلوة يقولك ربنا يعوض عليك

و في ناس بتكون الرخامه و التباته و الغلاسه و الحشــــــــــريه في شؤون الخلق انه لما تجاوبه و تقوله لأ مثلا

يقولك ليه؟؟؟:) لعل المانع خير

و يا سلام بقا في المجتمعات النسائيه اللى لا تخلو من السخافه و اسئله النساء لبعضها

طب هوا انتي مفكرتيش تروحي لدكتور؟؟؟؟؟؟؟

تعرفي دة انا اعرف واحدة ربنا مرزقهاش 20 سنه و ربنا رزقها في الاخر :)

طب انتي حد اشتكالك ؟؟؟ حد قالك تحكيلنا تجاربك في السخافه و التدخل في شؤون الغير

بجد حسبي الله و نعم الوكيل

الموضوع حلووو موووووووووووووووووووووووت

بالنسبه ليا بما اني في كلية الطب

اكثر سؤال هوا

انتا في اي سنه ؟؟!!

وتلاقي نفس الشخص بيسأله في اليوم اقل حاجه 5 مرات

والسؤال الثاني : حتتخصص ايه؟؟!!

سؤال ممممممممممممل


والسؤال الثالث بما اني مش مصر بس بدرس فيها

السؤال هوا : انتا منين؟؟!! وبتدرس ولا سياحه ؟؟!!

وطبعا دا السؤال المحبب لاصحاب التكاسي

ولو قلتله انا من موزنبيق او جزر الواق واق حيرد عليك ويقللك موزنبيق دي جميله اصل انا كنت فيها من كام سنه ورجعت وحيخش في موال الحياه وحيحكيلك تاريخ حياته من اول ماكان بيرضع لحد ماقابلك

وطبعا ياشباب لو تبغو تسمعو احلى تحليل للسياسه الحاليه والوضع الراهن اسمعو من سواقين التكاسي وادعيلي



باي

المشاركة الأصلية كتبت بواسطة aif

اكتر سؤال مش باحبه .. اعتقد انه سؤال شائع وكلكم مش بتحبوه ... هو : " اعملكم أكل إيه النهاردة "
ياااااه سؤال مكرر ورزل ... وكل الزوجات دايما تسأله للأزواج.... مع فاصل من الزن ... لازم تفكر معايا انا زهقت من كتر التفكير ...
لكن عزائي الوحيد ان الرد بيكون ارزل من السؤال :" أي حاجة " :p


واللي يغيظ انك لما مرة تقوللها علي نوع معين .... تعمل حاجة تانية ... بصراحة الستات دول ...... زي العسسسسسسسسسسسل .... العسسسسسسسل .... فاهميني ;)
جرررررررررررررررررررررررر ررررررررررررررررر زي كريم

غريبة هى مراتى و مراتك اخوات ؟؟!! .. فعلا السئوال بتاع اعملوكوا ايه النهارده ماركة مسجلة
يوماتى .. و نفس الحوار بالنص ..!!! و فى الاخر تعمل حاجة تانية خالص ..!


فيلم سيدتى الجميلة شرح احوال الستات تمام و فيه اغنية ترجمتها بتقول:

تطلب منك النصيحة .. و تستمع اليك بأهتمام ................ ثم تذهب و تفعل ما يحلو لها !!!