ايه السؤال اللي ما تحبش تتسأله ؟ يالا نفضفض :)

**ahmedateya** · 01-04-2008 05:15 AM

اسخف سؤال في اي interview هو:

قول لي اوحش و احسن 3 حاجات فيك؟

جرررررررررررررر

مرة قلت لواحد بعد ما بقى عندي خبرة محترمة في العمل: ما تفكك من السؤال ده و خش في المفيد!!
لقيته بررقلي و فعلا دخل في المفيد

**noon_eg** · 01-04-2008 05:58 AM

المشاركة الأصلية كتبت بواسطة aif

اكتر سؤال مش باحبه .. اعتقد انه سؤال شائع وكلكم مش بتحبوه ... هو : " اعملكم أكل إيه النهاردة "
ياااااه سؤال مكرر ورزل ... وكل الزوجات دايما تسأله للأزواج.... مع فاصل من الزن ... لازم تفكر معايا انا زهقت من كتر التفكير ...
لكن عزائي الوحيد ان الرد بيكون ارزل من السؤال :" أي حاجة " :p

واللي يغيظ انك لما مرة تقوللها علي نوع معين .... تعمل حاجة تانية

... بصراحة الستات دول ...... زي العسسسسسسسسسسسل .... العسسسسسسسل .... فاهميني ;)
جرررررررررررررررررررررررر ررررررررررررررررر زي كريم

العجيب يا اخى ان الموضوع بيحصل معايا مافيش مره سئلت تحب تاكل ايه بكره وجاوبت اجابه مباشره
الا وفوجئت ان اللى انا طالبه ده مش ممكن يتعمل بكره
سبحان الله

السوال االى بيتعبنى جدا ومكرر هتغير عربيتك امتى ؟

وطبعا لانها عربيه عشريه ومش مسببه اى مشاكل حتى بعد 9 سنوات من الاستخدام
فمش ناوى اغيرها الال لما احس ان فيه داعى حقيقى لكده

وكل الناس اللى معى فى الشغل مستنكره ده مش عارف ليه

هو الاواحد المفروض يغيير العربيه لمجرد انها قدمت شويه حتى لو حالتها جيده

شىء عجيب

**AhMeD EzZ** · 04-09-2008 12:59 AM

اعملك اكل ايه اكتر سؤال رخم
و كمان لو كنت ماشي مع زميلة و لا صديقة عادية حتي
ايووووة يا عم ؟ ماشية معاك حلاوة اسمها ايه ؟

**ayman_elkholy** · 04-09-2008 01:58 AM

موضوع جميل جدا .
طبعا كلنا عارفين ظروف الحياة وصعوبتها فى هذة الايام فجميعنا يعمل ليل نهار لكى يكفى مستلزمات بيتة .
فأحيانا اكون بعملى والاقى تليفونى بيرن غالبا على الثامنة اوالتاسعة مساءا فعندما ارد ويعرف المتصل اننى فى الشغل يقوم البية يقولك ايية

يااااااااااااااااة انت لسة فى الشغل ياعم ارحم نفسك شوية . بصراحة مببقاش عارف اقولة اية بس بيستفزنى جدا وعلى فكرة الموضوع دة بيتكرر كتير جدا .

لأ واية ممكن اكون انا بتصل بية عشان اطمن علية والاقية يقولى اية .

معلش متصلتش بيك بقالى كتير لانى عارف انك على طول فى الشغل زى ما اكون انا الوحيد اللى فى الدنيا دى الى بيشتغل او الشغل عيب او حرام او المفروض الواحديقعد فى البيت والرزق هايجلة لحد السرير

**M!NA** · 04-09-2008 02:19 AM

هو مش السؤال اللي بيكون مستفز بقدر ما هو الشخص صاحب السؤال... فمثلا فيه ناس ممكن أرحب جدا حتى لو سألوني أسئلة شخصية و أجاوب كمان (و دول الأصدقاء المقربين) و في ناس تانية ممكن متقبلش منهم حتى الأسئلة بسيطة....

بس عموما....من أكتر الأسئلة اللي ممكن تضغط على أعصابي جدا...(خصوصا لو حد مش هيعمل حاجة بالاجابة)

"أنتا فين؟"

%@$#*&%$@#

^^^ دا بيكون الرد عادة

**WalidAdel** · 04-09-2008 04:04 AM

هو طبعاً الاسئله اللي بتضايق كتير اوي بس اهمهم
ان مثلاً واحد ميعرفكش تبقي اول او تاني مره تشوفوا و يقولك ...... مش ناوي تخس بقي و واد رياضي كده ( برد عليه بطريقه ارخم ----> خليك في حالك يا نجم )
مستفز اوي السؤال ده
(اقرب موقف)
واحده مشوفتهاش بقالي مثلاً سنتين و اتقبلنا صدفه
ايه دا وليد انت عجزت كده ليه و شعرك ابيض
ياااااااااااه بحس ان عندي خمسين سنه و قربت اموت خلاص و طبعاً لازم رد يليق بمدي الدهشه و التعجب
الحياه كفاح و اكل العيش مررررررر و الكلام اللي مبيجبش همه دا
ياساااااااتر شعب سئيل والله اوووووووفف

**Ahmed Eraqy** · 04-09-2008 06:41 AM

المشاركة الأصلية كتبت بواسطة MoToRiZeR

و فيه سؤال بقي أمي بتسألهوني كل يوم .. تاكل صدر ولا ورك ؟
مع إني عمري في حياتي طوال 21 سنة ما كلت الصدر ده أبداَ

هههههههههههههههه

دا اكتر سؤال اتسألته فى حياتى

خصوصا لما باكون معزوم

ياعم اى حاجة

يقولى قول بس انت شكلك مكسوف !!

حاجة تخنق الصراحة

**AhmedGen2** · 04-09-2008 08:05 AM

بكاااام؟؟ سؤال رخم جدااا جدااا ، بكام التى شيرت؟ بكام البنطلون؟ جبت الشووز دة منين وبكااااام؟ ، يحسسك كدة إنه سؤال الغرض منه اشباع غريزة فضول رخمة ، يبقى عاوز يعرف عشان لو غالى يبقى انت كدة معاك فلوس وواد غنى بقى وحاجة تخنق كدة ، ولو رخيص يبقى انت واد لوكال مش قد كدة ، بجد فعلا سؤال مستفزززززز جداااا لا هو هيروح يشتريه ولا نيلة هو مجرد عاوز ينفسن عليك وخلاص

العربية كاش ولا قسط؟؟ ، يا سااااااتر وانت مال أهلك ، فعلا بحس إن الغرض منه يالحقد يا إما التقليل من نفسك على اساس انك جايب قسط بقى وبتاع وهو اصلا حافى معندوش عربية تلاقيه لو قلتله قسط تبص فى عينيه تحس براحة كدة إنه آه جايبها قسط يا فقير وهو اصلا معندوش تكتك.

عملت ايه فى الكلية ، سؤال يومى ويتكرر بطريقة مملة والإجابة " زى كل يوم " !!

والدك بيشتغل ايه؟ ، السؤال دة لو بتسأله من حد كبير ماشى ، لكن تلاقى حد زميلك فى الكلية يسألك أبوك بيشتغل ايه ، تستغرب فعلا يعنى انت هتناسبه مثلا؟ ، بيبقى مستفز برضه ، لأنى بحس إن السائل الجواب مش هيفيده ، هو بيسأل لمجرد إنه يصنفنى وخلاص

بصراحة انا بتضايق أكتر من الأسئلة اللى بتستهدف أوضاعك الإجتماعية والمادية وتصنيفك على اساسها ، المظاهر يعنى من الآخر وخاصة لما بتسألها من زمايلى فى الكلية

-

-

الموضوع: ايه السؤال اللي ما تحبش تتسأله ؟ يالا نفضفض :)

LinkBack

أدوات الموضوع

عرض

-

-

-

المواضيع المتشابهه

إجابة السؤال الشائع: هم اللي في التحرير فاكرين نفسهم الأغلبية؟

إجابة السؤال الشائع (هم اللي في التحرير فاكرين نفسهم الأغلبية؟)

إجابة السؤال الحائر (اللي في التحرير دول عازين إيه؟)

يالا ياشاركاوية

يالا نضحك :)

الكلمات الدلالية لهذا الموضوع

المفضلات

المفضلات

ضوابط المشاركة