سيراتو ولا مازدا 3 ولا فلوينس

**Mahmode** · 19-01-2011 11:23 PM

مازدا اعلى من السيراتو و اضمن من الفلوينس و اقوى من الاتنين

أنا معاك ان المازدا أعلى من السيراتو وأظن الناس كلها متفقة على كدة. أنا خلاص طلعت السيراتو من الحسبة. لكن أضمن وأقوى من الفلوينس دي محتاج تفسرلي على أي أساس

. ياريت حد كده يرصلي مقارنة على أساس علمي بين الفلوينس والمازدا من حيث الأوبشنز, وسع المقاعد والشنطة, قوة الموتور, سعر قطع الغيار, نضافة التوكيل, الرفاهية, وأي خواص تانية.

أنا مايل أكتر للفلوينس حاليا بس المازدا لسا فدماغي. صعب جدا تحديد مين أحسن.

بالنسبة لقطع الغيار وسعر إعادة البيع أنا عارف إنهم وحشين فالعربيتين بس دي ضريبة الرفاهية وربنا يستر.

**simon659** · 20-01-2011 12:27 AM

ماتنساش تضيف للمازدا من امكانيتها انا بتحك في كل مطب وتضيف ميزه ان الكنبه الي وره تسيع 3 اطفال وميزه اسعار قطع غيارها وميزه توكيل غبور الجميل يا راجل دي فازده ..في يا باشا عربيات افضل كتيييييييييير مش هؤلك سيراتو علشان انا معايا سيراتو لا في ياباشا هوندا سيفك توكيل تمام وقطع غيار غليه بس معمره ومش لدرجه المازدا وفي فولكس جيتا اول فئه ومليانه اوبشنز وعربيه علي الجد وقطع غيرها متوافره جدا.وفي عربيه في الجون سوبارو امبريزا لا يعلي عليها عربيه تماااام وتوكيل زي الفل بصراحه ناس محطرمه جدا انما بصراحه مازدا بلاااااش

**Mahmode** · 20-01-2011 12:59 AM

ماتنساش تضيف للمازدا من امكانيتها انا بتحك في كل مطب وتضيف ميزه ان الكنبه الي وره تسيع 3 اطفال وميزه اسعار قطع غيارها وميزه توكيل غبور الجميل يا راجل دي فازده

بيتهيألي هيا مش واطيا أوي يعني بس بالنسبة لباقي الملاحظات هي فعلا صح بس أنا بأحاول أتغاضى عنها عشان هيا عربية تحفة الصراحه

ماهو عشان كدة الفلوينس هي اللي فدماغي أكتر دلوقتي.

مش هؤلك سيراتو علشان انا معايا سيراتو لا في ياباشا هوندا سيفك توكيل تمام وقطع غيار غليه بس معمره ومش لدرجه المازدا وفي فولكس جيتا اول فئه ومليانه اوبشنز وعربيه علي الجد وقطع غيرها متوافره جدا.وفي عربيه في الجون سوبارو امبريزا لا يعلي عليها عربيه تماااام وتوكيل زي الفل بصراحه ناس محطرمه جدا

أولا انا ماباقولش إن السيراتو وحشه, هيا مليانه أوبشنز وسعرها حلو بس أنا مش حاببها عشان مرطرطه أوي ومبستريحش للكوري عامة. الجيتا والسيفيك غاليين بالذات إني عاوز أوبشنز مش عاوز أول فئة. الإمبريزا كويسة بس مش قد كدة فالأوبشنز. شكلها كدة حترسى عالفلوينس

**omskmaher** · 20-01-2011 02:21 AM

متنساش ان الفلوانس بدأت تنتشر سريهآ وقطع غيار معقوله و رفاهيه توكيل محترم جدآ ارشح الفلوانس

**abouetta** · 20-01-2011 03:34 AM

لو هتختار ما بين التلاتة بس، يبقي فلونس ثم مازدا و استبعد سيراتو

**bero0o0o0** · 20-01-2011 03:56 PM

بص يا باشا انا لما بقولك المازدا اقوى ده مش كلام و خلاص
بالنسبة للموتور بتاع الفلوينس هو اقوى شوية110 حصان و العزم 155 نيوتن عند rbm 4400
المازدا 106 حصان و العزم 150 نيوتن عند 4000 rbm (خد بالك بتطلع العزم بدري عن الفلوينس)
لكن الفرق في الوزن مابين العربيتين اكتر من 120 كيلو يعني كأنك مركب في الفلوينس واحد زيادة و تخين اوي كمان
انا اسف طبعا على التشبيهات دي بس بحاول اقرب الصورة
عشان كده يا كبيييييييير المازدا اقوى من الفلوينس
و لو مش مقتنع قوللي بردو

**Mahmode** · 20-01-2011 04:13 PM

بالنسبة للموتور بتاع الفلوينس هو اقوى شوية110 حصان و العزم 155 نيوتن عند rbm 4400
المازدا 106 حصان و العزم 150 نيوتن عند 4000 rbm (خد بالك بتطلع العزم بدري عن الفلوينس)
لكن الفرق في الوزن مابين العربيتين اكتر من 120 كيلو يعني كأنك مركب في الفلوينس واحد زيادة و تخين اوي كمان
انا اسف طبعا على التشبيهات دي بس بحاول اقرب الصورة
عشان كده يا كبيييييييير المازدا اقوى من الفلوينس
و لو مش مقتنع قوللي بردو

أنا الصراحة مش مقتنع أوي بس كدة كدة مش ده الفرق اللي يهمني فالإختيار. هما الإتنين كويسين وموتورهم قريب من بعض. والتخين اللي أعد معايا زيادة فالفلوينس يفيد في زيادة ثبات العربية

أنا ملاحظ فعلا إن الفلوينس بدأت تنتشر وآراء الأغلبية بتشدني نحو الفلوينس. إن شاء الله لما أنزل أتفرج عليهم فمعرض على أرض الواقع حاشوف أنا إحساسي إيه وانا قاعد جوة كل واحدة

وشكرا ليكو كللوكو على كلامكو الجميل

**kamalsalem** · 20-01-2011 04:20 PM

يا جماعة هي الفلوينس تجميع تركي؟

**mahmoud_anwar** · 20-01-2011 05:30 PM

مش هقولك غير ان ترس الدينمو في الفلونس علي السمع من واحد معرفه بي 200 جنيه

سيبك من الفرنساوي عربيه مالهاش لزمه منظر علي الفاضي

**medo_msmsa** · 20-01-2011 05:33 PM

العربيتين حلوين وانا كنت في الحيرة بتاعتك دي بالظبط من شهرين وفضلت المازدا لعدة اسباب اولا المازدا ياباني 100% فبالتالي التقفيل روعة واعتمادية اكثر ثانيا نازل فيها نفس الماتور بتاع الشكل اللي فات وفي ناس بتقول ان ده عيب بس ده اكثر سبب خلاني اشتريها عشان اضمن ان قطع الغيار هتكون موجودة بسعر كويس ده انا اتاكدت منه بنفسي ثالثا شكل العربية من جوة ومن برة بجد حاجة ما شاء الله انا عارف ان دي حاجة نسبية لكن بجد المازدا من جوة ومن برة فارقة عن مناسينها وده رد اغلب الناس اللي خدت رايهم
بالنسبة لموضوع قوة الماتور والفرق في الوزن بين العربيتين بامانة انا ركبت الفلوينس بس مجربتش التسارع على سرعات عالية او حتي على ار بيس ام عالي بس بالنسبة للمازدا وزن العربية وحجمها وقوة الماتور الفتيس مناسبين جدا لبعض عشان كده مش هتحس انها تقيلة ولا خفيفة وثبتها تحفة اما الفتيس فهو ناعم جدا ومريح مبتحسش بيه وهو بينقل ولو انت ماشي براحتك هتلاقي الار بي ام بين 1.5 - 2 ولو ماشي عادي بتلاقي الار بي ام 2-3 وبتلاقي العزم زاد معاك بشكل كبير جدا كل اللي راكبين معاك هيحسوا بيه مش انت بس اما لو عايز تشد والار بي ام عدي 3 بجد العربية بتتحول لعربية تانية لان هي اقوى عزم ليها عند ار بي ام 4 فبالتالي الار بي ام بين 3 - 5 بيديك تسارع ممتاز اما بالنسبة لانه 4 نقلات بالنسبة ليه مش ازمة لان وانت على سرعة 115 تقريبا بتلاقي الار بي ام على 3 ودي واعتقد ان ده مرضي جدا على بالنسبة ليه بالاضافة ان العزل كويس عشان كده وانت على 120 بتلاقي العربية هادية كانك على سرعة اقل ولو على قد المشي جوة المدينة فلو العربية على سرعة 85 بتلاقي الار بي ام على 2.
اسف للاطالة واتمنى اكون افادتك