سيراتو ولا مازدا 3 ولا فلوينس

**stormboy** · 23-01-2011 04:45 AM

انا هختار الفلونس
علشان وسعه و توكيلها
اما لو مازدا كانت وسعه زيها
و توكيلها مش غبور
كانت هتبقى الافضل
ده وجهه نظر من ناحيه المساحه الداخليه و توكيل كل سياره
مع عدم الاهتمام بقوه الموتور و خلافه
انا علشان عيله هفضل الفلوينس اما لو مش فارقه معاك يبقى مازدا
و ربنا يوفقك

**wawoo** · 23-01-2011 04:49 AM

المشاركة الأصلية كتبت بواسطة mhdside

لحد دلوقتي المازدا واخدا تصويت أكتر وهيا جامدة الصراحة. أنا لسا حأستنى عشان مازدا 2011 متوقع تنزل قريب. يمكن يخلو الفتيس 5 نقلات ولا حاجة. هل من مؤيد للفلوينس بالأدلة؟

المازدا عربية جيدة لكن الفلوينس حاجة تانية خالص الفرق فى الاداء ة الثبات و الفخامة و الكماليات لصالح الفلوينس بجدارة
المازدا يابانى اة لكن الفلوينس تركى بمكونات اوروبية افتح كابوت الفلوينس و شوف كل قطعة من بلد فى اوروبا
و الكوايتش ايطالى و مكونات من المانيا العربية دى بتنزل فى السوق الاامانى جنب البى ام و المرسيدس

طبعا موضوع اعادة البيع دة ثقافة شعب و ترويج اشعات من التجار لمصالحهم انما كل دة حيتغير و التوكيل مش ملاحق على الطلبات و اتوقع سعرها يرتفع تانى سعرها زاد 5 الاا جنينة و حيزيد تانى بسبب الطلب

طبعا مافيش اى اوبشين اتشال من العربية و تقدر تروح بنفسك تحجز طلب اختبار قيادة و تشوف ادائها بنفسك

**yasserelsayad** · 23-01-2011 02:35 PM

المشاركة الأصلية كتبت بواسطة wawoo

المازدا عربية جيدة لكن الفلوينس حاجة تانية خالص الفرق فى الاداء ة الثبات و الفخامة و الكماليات لصالح الفلوينس بجدارة
المازدا يابانى اة لكن الفلوينس تركى بمكونات اوروبية افتح كابوت الفلوينس و شوف كل قطعة من بلد فى اوروبا
و الكوايتش ايطالى و مكونات من المانيا العربية دى بتنزل فى السوق الاامانى جنب البى ام و المرسيدس

طبعا موضوع اعادة البيع دة ثقافة شعب و ترويج اشعات من التجار لمصالحهم انما كل دة حيتغير و التوكيل مش ملاحق على الطلبات و اتوقع سعرها يرتفع تانى سعرها زاد 5 الاا جنينة و حيزيد تانى بسبب الطلب

طبعا مافيش اى اوبشين اتشال من العربية و تقدر تروح بنفسك تحجز طلب اختبار قيادة و تشوف ادائها بنفسك

يا باشا مين اللى قلك كدا ثبات واداء المازدا على الطريق هو اللى احسن من الفونس بكتير
اداء الفلونس دا يعتبر متواضع قدام المازدا 3

**ashouhdy** · 23-01-2011 02:50 PM

المازدا مشهورة بثباتها مش الفلوانس !

**wawoo** · 23-01-2011 03:28 PM

هو فى فى السوق مازاد 2011 اساسا و لو فى يترى ممكن فى التوكيل اعمل تجربة ..طبعا لاء

كل الحكاية ان غبور حب يتخلص من الكام العربية اللى متباعوش خلال سنة بحلها و نزل 10 الاف جنية على سعر العربية و برضو مافيش مابيعات

العربية نزلت قبل الفلوينس بسنة وليسة مشوفتش واحدة فى الشارع

عموما انا قولت اللى فى ضميرى و اللى يشترى مزاد و تخبط بعد كدة فى المطبات و يدفع 6000 جنية فى زجاج ولا فنوس يبقى هو اللى اختار و براحة ..

**medo_msmsa** · 24-01-2011 09:34 AM

المشاركة الأصلية كتبت بواسطة wawoo

هو فى فى السوق مازاد 2011 اساسا و لو فى يترى ممكن فى التوكيل اعمل تجربة ..طبعا لاء

كل الحكاية ان غبور حب يتخلص من الكام العربية اللى متباعوش خلال سنة بحلها و نزل 10 الاف جنية على سعر العربية و برضو مافيش مابيعات

العربية نزلت قبل الفلوينس بسنة وليسة مشوفتش واحدة فى الشارع

عموما انا قولت اللى فى ضميرى و اللى يشترى مزاد و تخبط بعد كدة فى المطبات و يدفع 6000 جنية فى زجاج ولا فنوس يبقى هو اللى اختار و براحة ..

على فكرة اللي نزل عليهم العرض 2010 ومعظمهم خلص يعني لو حد حب يشتري مش هيعرف يجيب اللون اللي هو عاوزة ده لو لقى وبعدين ايه حكاية 6000 دي جبتها منين

**gasco** · 24-01-2011 02:18 PM

عن تجربة الفلوانس على سرعة 190 كم/ساعة على الطريق الصحراوى بسافر بيها كتير ولا اروع من كده بجد ثبات مذهل ياجماعة

**Mahmode** · 25-01-2011 01:11 PM

واضح جدا من الردود إن العربيتين كويسين بس كل واحدة أحسن في حاجات وكل واحدة ليها محبينها اللي بيدافعو عنها جامد. أنا شايف إن الموتور والثبات والتوكيل مش أساسيين في المقارنة على أساس إن الفروق مش كبيرة بين العرابيتين فيهم إضافة لإن الواحد مش لازم يعني يتعامل مع التوكيل لو وحش. بيبقى فيه مراكز صيانة بديلة.

الأهم في المقارنة هوا الوسع الداخلي ووسع الشنطة والأوبشنز والتصميم الداخلي والخارجي وأسعار قطع الغيار وسعر إعادة البيع وقلة الأعطال وكدة. أظن إن عمليا الفلوينس تكسب في أغلب النقط دي.