بص نصحية , اللى يقولك مازدا مثلا او سيراتو او فلوانس و لا كانك قريت الرد . اللى يقولك مازدا علشان اقوى و لا كانك قريت برده , و دا اللى بيضايقنى , الناس بتخش بتقول كلام علشان عاجبها شكل عربية او لاى سبب من الاسباب فى مخها و غالبا بيكون مش سليم.
لازم اللى يرد يقولك كذا علشان كذا , مثلا علشان شكلها حلو , تقفيلها كويس , موتورها قوى و الكلام دا غير كدا يبقى كلام
بيشتت و خلاص,
مثال اللى قال نيسان وضح مميزاتها و عيوبها
النيسان السيلفى يمكن عربية كويسة بس معمولة فى الصين و الناس مش واثقة فيها و مشوفتهاش من ساعة ما نزلت من سنتين او اقل مش فاكر غير مرتين فى الشارع يبقى هتشتريها تعمل بيها ايه؟ 1-اكدي قطع غيارها مش هتبقى متوفرة و مش متجربة و مفيش سابق موديل ليها علشان يبقى فى حكم مبدئى و لا معروفة لينا و سعر اعادة البيع ضايع اكيد فرايى ابعد عنها.
المازدا 3 بقى ليها توكيل دلوقتى سمعتها ان اسعار قطع غيارها غالية كان بسبب عدم وجود توكيل و شوية مستوردين هما اللى بيبيعوا باسعار على مزاجهم , دلوقتى حضرتك تقدر تسال غبور فى التليفون عن اسعار قطع الغيار , بالنسبة لاعادة البيع اكيد هتبقى احسن من ايام لما العربية مكنش ليها توكيل و قطع الغيار كانت غالية , العربية بعد العرض بتاع ال10000 جنيه فى رايى سعرها مناسب و كمالياتها كويسة اوى و شكلها جميل و انا ارشحهالك , السيراتو موتورها اقوى (124 حصان@6300) و المازدا (105@6000) يعنى السيراتو اقوى و فتيس السيراتو 6 نقلات المازدا 4 نقلات , السيراتو فيها كماليات اكتر زى الsmart key و الparking sensor (بس دا يركب و رخيص اوى بس مهم جدا) و الفرش الجلد و الجنط ال17(دا عيب مش ميزة) و بتشغل USB IPOD و تقل حساس المطر و الcruise control و طبعا ضمان السيراتو 5 سنين او 100 الف و ضمان المازدا 3 سنين او 100 تقريبا برده مش متاكد , الاتنين توكيلات كبيرة , سعر اعادة البيع اكيد اعلى فى السيراتو , العربية كمان منتشرة جدااا يعنى ممكن اى حد يقولك مميزاتها و عيوبها مع اقتناعى ان المازدا ممكن تكون معمرة اكتر او ذات عيوب اقل.
لو جينا للفلوانس فهى عربية فرنساوى تقفيل تركى فى اشاعات كتير اوى طلعت على الميجان فاكيد دى سعرها مش هيبقى كويس فى اعادة البيع , شكلا هى احلى طبعا و فيها كماليات كتير احسن زى المرايات ظبط و طى كهرباء مع التسخين , فتحة سقف و مخارج تكييف خلفية و التكييف bi-zone يعنى كل واحد قدام يظبط درجة حرارة مختلفة و طبعا cruise control و رينو card (دى الفئة اللى ب150 الف).
مش عارف اسعار قطع الغيار بس ممكن حضرتك تكلم رينو و تسال و كان فى كذا حد كتبها بس الخوف هيبقى من اعتمادية العربية بناء على الشائعات بس انا كان فى حد اعرفه كان بيشتكى من الميجان و انه غير فتيسها فى الضمان تقريبا.
للعلم الفلوانس 105 حصان بس يعنى زى المازدا تقريبا و 110 لو مانيوال!!
انا رايى لو حضرتك مجازف و مش هيفرق سعر اعادة البيع يبقى المازدا , لو عايز عربية تغيرها كل 3-4 سنين لما الشكل يتغير و سعرها يبقى ماسك نفسه و مش محتاج ثبات شديد على الطرق المفتوحة (طرق السفر) يبقى السيراتو و ممكن تغير الجنط ب16 لو مضايقك, لو عايز عربية يابانى يبقى المازدا سعرها كويس اقل من السيراتو , شكلها مميز اوى و مش منتشرة زى السيراتو , سعر اعادة البيع هيبقى اقل من السيراتو و فيها كماليات كويسة اوى بالنسبة لسعرها و خصوصا لو خدتها على 153 تبقى لقطة لان سعرها بيرتفع تانى ل 163 تبقى كسبت الفرق فى اعادة البيع بعد كدا , هتتباع على انها كانت ب 163 جديد.
انا شايف المازدا كويسة لان الصراحة الفلوانس كمان استهبلوا و شالوا منها حجات كتير كانت مميزاها (نازلة 2 airbags) و الكاملة غليت اوى بقت ب 168 (دى اللى فيها الزينون و الparking sensors و airbags جانبية) .
عموما هنا مواصفات كل واحدة فيهم فى مصر
.:: KIA MOTORS ::.
mazda_landing-page2
Renault - specifications RENAULT FLUENCE
المفضلات