سيراتو ولا مازدا 3 ولا فلوينس

**bero0o0o0** · 25-01-2011 03:26 PM

المشاركة الأصلية كتبت بواسطة mhdside;3873252826

الأهم في المقارنة هوا [color=red

الوسع الداخلي ووسع الشنطة والأوبشنز[/color] والتصميم الداخلي والخارجي وأسعار قطع الغيار وسعر إعادة البيع وقلة الأعطال وكدة. أظن إن عمليا الفلوينس تكسب في أغلب النقط دي.

طبعا الفلوينس تكسب في ال 3 نقط اللي باللون الاحمر
لكن في التصميم دي اذواق و انا بتعجبني المازدا اكتر
و اسعار قطع الغيار غير مستقرة في العربيتين لحد دلوقتي بس الواضح انهم زي بعض تقريبا
و سعر اعادة البيع للمازدا مش الفلوينس لانها منتشرة اكتر لحد دلوقتي
قلة الأعطال بردو في صالح المازدا لان الغربية مجربة و في ظروف صعبة و اعطالها قليلة بعكس الفلوينس اللي ماتجربتش فترات توضح اعطالها
و في الآخر محدش محتاج مبرر عشان يجيب عربية
اللي تعجبه عربية تبقى هي احسن عربية بالنسبالة عشان هيرتاح فيها

**bmw3m007** · 07-02-2011 03:34 AM

المشاركة الأصلية كتبت بواسطة free5800

خلى بالك الماذدا عربيه جميله جدا من حيث المنظر والتصارع

مع احترامي الشديد لرأي حضرتك هي كمنظر دي اذواق
اما من حيث ( التصــارع ) فأعتقد احسن واحد اندر تيكر
ههههههههههههههههههههههه
بهزر معاك طبعا

**mazennet2010** · 07-02-2011 02:05 PM

المشاركة الأصلية كتبت بواسطة smartchoice

عندك كمان النيسان بلوبيرد تحفة و واسعة جدااااااااااا من ورا و قدام و الشنطة و تقفيل العربية تحفة و ب 145,000 أتوماتيك فل أبشن
لكن لازم تتعامل مع التوكيل لأن قطع الغيار مش موجودة برة لقلة أعداد العربيات المباعة يعنى زيها زى الفلوانس

بالنسبة للمازدا و الفلوانس فأنا بفضل المازدا بحس أن موتورها أقوى و الفتيس أفضل و كمان التقفيل بتاعها تحفة المشكلة الوحيدة ضيق المساحة الخلفية و دى ميزة الفلوانس أنها واسعة من ورا و شنطتها أوسع

و نصيحة روح أركب العربيات و شوف مين هيريحك أكتر لأن أهم حاجة الراحة النفسية
و ربنا يوفقك للى فيه الخير

**Ahmed Eldreny** · 14-09-2011 03:34 PM

السلام عليكم.
اولا انا عارف ان الموضوع قديم بس انا حبيت اقول تجربتي لعل حد يستفيد منها:
انا كنت في نفس الحيرة دي بين المازدا3 2011 او الفليونس او السيراتو بس اول حاجه قارنت بيها الصنع المازدا ياباني 100% الفليونس فرنساوي تقفيل تركي السيراتو كوري فالمازدا تكسب
الخامات الداخليه المازدا والفليونس ممتازه بالنسبه للسعر اما السيراتو اقل مستوي بكتير
الوسع الداخلي الفليونس ثم السيراتو ثم المازدا او ممكن تحط السيراتو والمازدا في نفس المستوي والشنطه نفس الموضوع بس المازدا الهاتش باك شنطتها اكبر فتبقي اعلي من السيراتو
قطع الغيار السيراتو اوفر وارخص والمازدا منتشره اكتر من الفليونس وسعر اعادة بيعها احسن بس قطع غيار المازدا معمرة ودي نقطه تحسب ليها
الاوبشن الفرق بين الفليونس والمازدا مش كتير ممكن حساسات خلفيه وكراسي كهربا بس المازدا فوانيس زينون والباقي مشترك
الشكل المازدا احلي في رايي من الاتنين ودي حاجه نسبيه
اما اخيرا والاهم بالنسبه للثبات والاتزان فالمازدا الاقوي بلا منازع وعن تجربه وعن اراء اخرين .

**Ahmed Eldreny** · 14-09-2011 03:35 PM

وللعلم انا اشتريت المازدا في الاخر (هاتش باك فل ابوشن مواصفات خليجي)

**Mahmode** · 14-09-2011 05:56 PM

المشاركة الأصلية كتبت بواسطة aaldrene

وللعلم انا اشتريت المازدا في الاخر (هاتش باك فل ابوشن مواصفات خليجي)

مبروك عليك يا باشا. المازدا عربية ممتازة أنا بس معجبنيش فيها ضيق الكنبة واسعار قطع الغيار الآخر استهبال (فانوس شبورة بـ 2200 جنيه)

أنا صاحب الموضوع وصدق أو لا تصدق لسا مجبتش عربية لحد دلوقتي :). بس المهم إني صرفت نظر عن التلاته وعديت في المقارنة على عربيات كتييير من ضمنهم الجيتا واستقريت في الآخر على سيفيك 2009 مستعملة وقعدت أدور على واحدة كويسة بتاع 3 شهور. وحاليا قدامي واحدة كويسة إن شاء الله بس مستني معرض أوتو ماك عشان أشوف الكيا سبورتج ال1600 لحسن بشاور عقلي :)

**Ahmed Eldreny** · 15-09-2011 08:41 AM

الله يبارك فيك ياريس وربنا يوفقك في العربيه اللي هتشتريها
وبصراحه السيفيك ممتازه احسن من المازدا في موضوع الوسع وكده وكاداء الاتنين تقريبا واحد والمازدا تفوقها كمان في الثبات بس الهوندا كمجمل ممكن تكون احسن من المازدا وربنا يوفقك