الموضوع: انت ليه فرحان بموضوع تونس؟

انه ثمن الحرية

يدفعه الرجال .... ويهرب منه الجبناء

انا على الاقل

نفسى اشوف رئيس تانى واعرف الفرق

حتى لو طلعت غلطان احس وقتها بغلطتى واندم عليها

وعامه هو ممكن يمشى لو طلع كان كويس

نبقى ننتخب جمال

المشاركة الأصلية كتبت بواسطة ahmed4000

السلام عليكم

انا عارف انى حخد هجوم للصبح بس حاولوا تتقبلوا راى تانى ومش معنى تقبله انك موافق عليه

بس ليه الناس فرحانه بموضوع تونس اوى ونفسهم يحصل عندهم...................................

السلام عليكم و رحمة الله و بركاته

ألف شكر يا باشا , أنك فتحت الموضوع ده لأن زى ما سيادتك شايف أن كل الأخوة الأعضاء الأفاضل و أنا معاهم, بندعى أن ربنا ييسر و الموضوع ده يحصل عندنا و نتخلص من الدكتاتورية اللى بقالها 30 سنة لحاااااااااااااااد دلوقتى, حاجة تقرف .

أولا: أننا كشعب من حقنا التغيير و لو لمجرد التغيير , يعنى الرئيس الحالى , لو كان ممتاز و ميه ميه , الا أننا من حقنا أننا نغيره و نشوف حد تانى , يمكن يكون أحسن و لا أوحش و لا ليه فكر تانى و يطلع أحسن, ماهو الرئيس الحالى مش هو اللى ماجابتهوش ولادة يعنى و لا هو الملهم اللى بيعمل كل حاجة صح و مابيغلطش أبدا, ده بفرض أن الأوضاع اللى احنا عايشين فيها دلوقتى , 100 فل و 14 و أننا أحسن من قطر مثلا فى مستوى المعيشة و أحسن من سويسرا آدمية الانسان .

ثانيا: بالنسبة للناس اللى ماتت و الشركات و المحلات اللى اتنهبت , ففعلا ممكن يكون اللى مات دى أخويا و لا أبويا و لا أختى, ok بس خلى بالك, أن أخويا ده و لا أبويا ده, هو اللى بيموت هو و زيه كتييييييييييييير من التعذيب فى المعتقلات و ماحدش بيسمع عنهم و أن الشركات اللى بتتنهب دى , ماهو بالفعل أبناء السلطة و المقربين نازلين مشاركة لرجال الأعمال فى شركاتهم و أموالهم و هما نفسهم بيحتكروا أكبر المشاريع فى البلد ليهم و للمقربين منهم و أنت أكيد عارف , يبقى مش فارقة , أنا و لا أبويا و لا أخويا , نموت فى سبيل أننا نطيح بالحاكم الدكتاتور ده أفضل من أننا نموت من الضرب فى قسم شرطة و لا فى أمن الدولة .

و أحب أقول شئ أخير, أن مش معنى أننا قادرين نعيش بالوضع الحالى , يبقى خلاص بأه, خلينا كده و خلاص, لأننا مش عايزين نعيش و السلام , احنا عاوزين نعيش بكرامة و نعيش أحلى عيشة و لا بلاها خالص ( ده رأيى و ماليش دعوة بأى حد تانى عاوز يعيش جنب الحيط و عنده عيال عاوز يربيهم ) لأن اللى عنده عيال عاوز يربيهم و خايف عليهم, هو مفكر أنه بكده بيربى العيال و بيحافظ عليهم و مايعرفش أنه بيساهم فى أنه يخلق ليهم مستقبل أكتر عبودية و ذل و مهانة و مستقبل أكتر سوادا من الحاضر اللى احنا عايشين فيه.

أقدر لك خوفك على مصالح الناس و تمتعهم بالأمان

لكنى انقل لك حاليا خوفى من أن امشى بالشارع آمنه بعد ما تكررت فى الشهر السابق فقط

حالات سرقة شنط زميلاتى بالشارع فى طريقهم للعمل و دون أن يصلوا للجناة بعد ابلاغهم الجهات الأمنية

كما تكررت حالات سرقة الشقق و السيارات بين المعارف و غيرها من منغصات الامن العام

فى بلد يصل فيها اعداد قوات الأمن إلى مليون و نصف المليون ضابط و عسكرى و مجند !!!!!!!!!!!

فليرحمنا الله و ليحفظنا جميعا و لمصر و المصريين الخير كله ياااااااا رب

هو في حلاوة في الدنيا من غير نار

لا اعتقد أن هناك حلاوة أكثر حلاوة من رفع الظلم والحرية

المشاركة الأصلية كتبت بواسطة ahmed4000

فى اول يوم للتغيير مات كام واحد؟

وكام واحد بيموت عندنا يوميا على ايد الشرطة وآخرهم خالد سعيد وسيد بلال

وكام واحد بيموت في حوادث الطرق المصرية بسبب السوء احوال الطرق

وكام واحد بيموت في المستشفيات الحكومية بسبب الأهمال

وكام واحد بيموت في طوابير العيش والبوتجاز

وكام واحد بيموت مريض بالضغط والسكر وفيرس سي و...........

بسبب النهب الحكومي وغلاء الأسعار على المواطن المقهور

المشاركة الأصلية كتبت بواسطة ahmed4000

فى اول يوم عصابات السلب والنهب عملت ايه؟

وعصابات النهب اللي شغاله عمال على بطال وباعت كل مؤسسات البلد وأراضيها بارخص الأسعار لرجال الأعمال زي افندي و ارض مدينتي وغيره وغيره وغيره