انت ليه فرحان بموضوع تونس؟

**M.Mostafa80** · 16-01-2011 02:36 PM

المشاركة الأصلية كتبت بواسطة ahmed4000

مع احترامى لكل المشاركين ولكن صدق من قال "العرب ظاهرة صوتية"

كل الاراء كلها تقريبا متفقة على انه ياريت اننا نعمل زى تونس وانا مستعد اضحى بنفسى وايه يعنى العربية تتدشدش وميهمنيش مين يموت

طيب مدام فى شجاعة وحب للوطن بالشكل ده يبقى اسمحولى اسال شوية اسئلة:

ياترى كام واحد في اللى اعترضوا خرج فى مظاهرة سلمية او وقفة احتجاجية (حتى لو كانت اعتراضاً على حل مجلس إدارة الزمالك) فى العشر سنين الاخيرة
مش معنى ان حدفينا مشاركش قبل كدا يبقى مش من حقه يعترض ويقول لازم نغير
كام واحد عمل اى حاجة ايام خالد سعيد ..الا اذا اعتبرنا ان وضع البوستر فى التوقيع نوع من "النضال"
ممكن اللى حط البوستر فى الصفحه بتاعته دا احسن منى ومن حضرتك لأن عمل اللى قدر عليه انت عملت ايه وغيرك وانا عملنا ايه

مدام احنا اقويا كده...ياترى كام واحد ناوى يشارك فى 25 يناير؟

الله اعلم هنبقى كام واحد دى حاجه فى علم الغيب

لما نجاوب على الاسئلة دى نبقى نشوف موقعك حيبقى فين فلو حصل اى حاجة وفى الاغلب حتبقى من الجزء من الشعب اللى بيتضرب وبيتنهب لانك راكب عربية وبالتالى "دى عيال اغنيا" وفى الاغلب وقتها الاخوة "المناضلين" حيكونوا بينزلولك من العربية وبياخدوها كنوع من الدعم للحركة الشعبية المناضلة

لو مقدرتش تحمى نفسك يبقى انت متستهلش اللى تملكه ولو بتلكه بتعب يبقى هتدافع بأستماته عنه ومش هتسيبه يروح بسهوله وافتكر ان اللى هيعمل دا هيبقى مش مناضل دا حرامى
وعشان بس معلومات حضرتك السرقه والنهب تمت لمحلات العائله الحاكمه وللموايين لنظام بن على
لكن الأعلام موصلكش دى عشان يأثر عليك ويحبطك لو عايز تقول لأ
بس يا أستاذ احمد انا مبشجعش على العنف والتكسير والنهب والسرقه وميرضنيش انى انا او غيرى يتأذى بس ممكن حضرتك تشرحلنا حقنا وحقوق الناس اللى ميته ترجعلهم ازاى واحنا نبقى نسمع كلامك ونفذه لو فى عقلانيه وتقدير للشعب المقهور وتقبل احترامى ليك ولشخصك ومعارضتى لرأيك

**Egyzizo** · 16-01-2011 02:37 PM

المشاركة الأصلية كتبت بواسطة ahmed4000

لكن بصراحة الشعور اللى جالى هو الخوف مش الامل ولا الفرحة

أنا كمان خايف يمكن أكتر منك شوية.

اللى مذاكر تاريخ هيلاحظ أن غالباً ما تكون هناك فترة انعدام أمن بعد الانقلابات والثورات وما أكثر (الجياع - المجرمين - المتطرفين - منعدمى الضمير) فى مصر الذين ينتظرون مثل هذا الوقت.

مع العلم ان ماليش دعوة بعبد المنزل ولا عبد الحقل لأنى مش سعيد بالحالى. بس ضرر أهون من ضرر.

ربنــا يستــــــر.

**تامر.محمد** · 16-01-2011 02:37 PM

ايها الاخوة
كمان مرة
احذروووووووووووووووووا نظرية عبد المنزل و عبد الحقل

كل واحد النهارده سليم و مش مضرور ياخد باله كويس ان فيه في الدنيا غيره و يعمل حسابه انه ممكن لا قدر الله في لحظة الظلم يطوله ساعتها هايندم على كل كلمة كان بيقولها قبل كده

**SHNORY** · 16-01-2011 02:51 PM

احنا مش طالبين كتير
1: دخل كويس وده مش مستحيل
2: رقابه حازمه علي المنتجات والاسعار والجوده
3: القضاء علي البطاله بدل سرقه فلوس مشروعاتهم
4: المواطن يحس بكيانه ويكون ليه احترام
5: الحد من الضرايب المجحفه واعفاء اصحاب الدخل الضعيف منها
وبس كده
مش عاوزين اكتر من كده ويعملوا اللي يعملوه في البلد
احنا مش كارهين مبارك
الكره لحكومه مبارك ولشله الحراميه الي حواليه
يغير حكومته لناس نزيهه ويقعد علي الكرسي لحد ما يتحلل لو يحب
ويوررثه لولاده وولادهم ولقطط الجيران كمان

**mahmoud_afifi** · 16-01-2011 02:58 PM

كل الي خايف ان عربيته تتكسر او بيته يتسرق, طب هيتسرق ازاي وانت ساكن وسط جيرانك واهل حتتك ؟؟
ساعتها الكل ايدهم هتكون في ايد بعض وهيدافعوا عن ممتلكات بعض وده الي بيحصل دلوقتي في تونس. كان في خبر ان اهالي بعض المدن والقرى عملت مجموعات للدفاع عن الممتلكات قصاد اي اعتداء من المعتدين ( المشهد ده خلاني افتكر مسلسل Jereko) وان كل الناس اتكاتفت وعملوا نظام من الاول مؤقت لغاية لما الحكومه تمسك ذمام الامور.

وماتخافوش خالص من 25 يناير, ده كلام على النت ومش كل الناس على النت ومش كل الناس عندها فيس بوك. بو عزيزي ماكانش عنده لا فيس بوك ولا حاجه وشوفوا عمل ايه؟؟
دي محتاجه اراده قبل ماتبقى محتاجه تنظيم ودلوقتي وقتها والدنيا لسه واقفه قبل ما الكل ينسى ويهدى.

حوالي 60 واحد ماتوا في تونس خلال شهر في حين ان في محافظة الشرقيه 34 واحد ماتوا في حادثتين في يوم واحد !!!
وكل واحد فينا بيحصله موقف انه يبقى هيتعرض لحادثة ويموت فيها كل يوم ولكن لولا ستر ربنا بيتكتبلنا عمر جديد. يعني لو مامتناش في سبيل التغيير ممكن نموت في اي حادثه عاديه.
لازم نبقى مؤمنين ان ده قدر ربنا وان ممكن نموت دلوقتي واحنا قاعدين في بيوتنا.

**تامر.محمد** · 16-01-2011 02:59 PM

المشاركة الأصلية كتبت بواسطة shnory

احنا مش طالبين كتير
1: دخل كويس وده مش مستحيل
2: رقابه حازمه علي المنتجات والاسعار والجوده
3: القضاء علي البطاله بدل سرقه فلوس مشروعاتهم
4: المواطن يحس بكيانه ويكون ليه احترام
5: الحد من الضرايب المجحفه واعفاء اصحاب الدخل الضعيف منها
وبس كده
مش عاوزين اكتر من كده ويعملوا اللي يعملوه في البلد
احنا مش كارهين مبارك
الكره لحكومه مبارك ولشله الحراميه الي حواليه
يغير حكومته لناس نزيهه ويقعد علي الكرسي لحد ما يتحلل لو يحب
ويوررثه لولاده وولادهم ولقطط الجيران كمان

للأسف , معادلة لا يمكن تحقيقها واقعيا
لو فكرت فيها واقعيا هاتكتشف ان كل فساد لازم له ضحايا , و عشان واحد ينهب لازم ينهب حد تاني
ماتنفعش حتى لو قاعدين على بير فلوس او حتى بير بترول

**mahmoud_afifi** · 16-01-2011 03:01 PM

المشاركة الأصلية كتبت بواسطة shnory

احنا مش طالبين كتير
1: دخل كويس وده مش مستحيل
2: رقابه حازمه علي المنتجات والاسعار والجوده
3: القضاء علي البطاله بدل سرقه فلوس مشروعاتهم
4: المواطن يحس بكيانه ويكون ليه احترام
5: الحد من الضرايب المجحفه واعفاء اصحاب الدخل الضعيف منها
وبس كده
مش عاوزين اكتر من كده ويعملوا اللي يعملوه في البلد
احنا مش كارهين مبارك
الكره لحكومه مبارك ولشله الحراميه الي حواليه
يغير حكومته لناس نزيهه ويقعد علي الكرسي لحد ما يتحلل لو يحب
ويوررثه لولاده وولادهم ولقطط الجيران كمان

ماعتقدش ان ده ممكن يحصل لأن ديل ال....* عمره مايتعدل والي فيه عاده عمره مايعرف يغيرها.
بقاله كااااااام سنه بيسرق هيجي في يوم وليله يبطل ؟؟
ده الي بيسرق موبايل مابيعرفش يتوب

-

الموضوع: انت ليه فرحان بموضوع تونس؟

LinkBack

أدوات الموضوع

عرض

-

-

-

-

-

المواضيع المتشابهه

فرحان بالاسترا أوي

طلعت الرخصه من غير ولا مليم رشوه انا فرحان جدا

واحد فرحان انه بياخد مخالفة !!

الكلمات الدلالية لهذا الموضوع

المفضلات

المفضلات

ضوابط المشاركة