الموضوع: انت ليه فرحان بموضوع تونس؟

المشاركة الأصلية كتبت بواسطة shnory

احنا مش طالبين كتير
1: دخل كويس وده مش مستحيل
2: رقابه حازمه علي المنتجات والاسعار والجوده
3: القضاء علي البطاله بدل سرقه فلوس مشروعاتهم
4: المواطن يحس بكيانه ويكون ليه احترام
5: الحد من الضرايب المجحفه واعفاء اصحاب الدخل الضعيف منها
وبس كده
مش عاوزين اكتر من كده ويعملوا اللي يعملوه في البلد
احنا مش كارهين مبارك
الكره لحكومه مبارك ولشله الحراميه الي حواليه
يغير حكومته لناس نزيهه ويقعد علي الكرسي لحد ما يتحلل لو يحب
ويوررثه لولاده وولادهم ولقطط الجيران كمان

يالهوي على الطمع .... ناقص تقول لي كمان عايز هواء نظيف ومياه نظيفة؟؟
ومش بعيد تقول لي عايز تعليم نظيف :d

المشاركة الأصلية كتبت بواسطة ahmed4000

بشكرك يامدام نور على النقطة دى لان الناس بلا استثناء معتقدة ان الرئيس لما يتغير يبقى حندوس على زرار التقدم فى الريموت كنترول بتاع الشعب فنصحى الصبح نلاقى:


حنلاقى الفساد مش موجود -كان مش كلنا فينا فساد اومال مين اللى بيحط جنيه للعسكرى علشان يركن صف تانى او يدى بريزة لامين الشرطة علشان مسكه وهو بيتكلم فى الموبيل- ولا ده مش فساد

حنصحى الصبح منلاقيش واسطة ولا محسوبية -كان مفيش واحد فينا لما بيتوقف ردار وهو مخالف فعلا مبيحاولش باى طريقة يكلم فلان بيك ولا علان بيك علشان يشيله المخالفة

حنلاقى التعليم والصحة بقت تماما فجاءة - كان المدرس والدكتور والمهندس محتاج حكومة كويسة علشان هو يبقى كويس-

الناس حتبقى فجاءة متحضرة ومحترمة وبتراعى الذوق والاخلاق والجيران حتحب بعض والعنف حيقل وكل شئ حيبقى جميل....بس بمجرد مالرئيس يتغير...لكن الشعب ده فلة واحسن شعب فى العالم واذكى شعب فى العالم واكتر شعب متحضر فى العالم....بس حظه قليله بخته وحش...غيرولوله الرئيس بس وهو حينطلق وحيبنى هرم جديد

أنا هكلم حضرتك عن نقطتين مهمين:

النقطة الأولى:

اسمحلي أقول لحضرتك من غير زعل ، (اللي ايده في المياه مش زي اللي ايده في النار) الكلام ده موجه ليا أنا ولحضرتك ولناس كتير هنا في المنتدى....

احنا مش هنتكلم عن المواطن اللي معاه عربية ومتجوز وقاعد في شقة تمليك وعياله في مدارس
ولا هنتكلم عن المواطن اللي عايش مستور وكافي خيره شره

احنا عايزين نتكلم عن:
1. الناس دخلها ما بيزيدش عن 400 جنيه في الشهر وليهم ابن أو اتنين مرضى
2. الناس اللي عايشين في القبور ، عايشين مع الأموات يعني
3. الست اللي بتربي يتامى وسايبة رزقها على رب العالمين
4. الناس اللي عايشة في جزيرة محمد والكيلو 4 ونص والدويقة وبقية العشوائيات
5. الناس اللي باعت عفشها بل وشقتها علشان تصرف على العلاج (وجمعة الشوان ليس منا ببعيد)
6. الناس اللي معهاش فلوس تتعالج في حتة نظيفة ، فيا إما يموتوا موتة ربنا ، يا إما يموتوا من الإهمال في أي مستشفى حكومي
7. الناس اللي ماعهاش وسايط علشان تخلص مصالحها.

الناس دي مش بني آدمين؟ مش المفروض ليهم حق يعيشوا زينا؟

الطبقة اللي في الوسط (اللي أغلبنا فيها دلوقتي) دلوقتي بتضمحل وبتنتهي ، ويا إما هنندرج تحت القائمة السابقة يا إما نطلع فوق خالص... لكن للأسف الشديد ، مع بقاء الحال كما هو عليها ، هنندرج تحت القائمة اللي فوق دي في يوم من الأيام.

يعني أنا كشاب دلوقتي ، زي أي شاب نفسي أتجوز وأهلي مش قادرين يساعدوني على تكاليف الزواج... طب أتجوز ازاي؟ أجيب شقة منين؟
طب اتجوزت وخلفت والحمدلله عايش مستور ... عايز أعلم عيالي تعليم نظيف ، أعلمهم فين؟ في المدرسة الأمريكية أم 20 ألف في السنة؟؟؟؟؟ولا أوديهم أي مدرسة حكومة وخلاص؟

مش عارف أكلمك عن ايه ولا ايه؟

النقطة التانية:

الفساد ما بيخلقش إلا فساد
لو زرعت بذرة خبيثة في الأرض ، هتطلع شجرة خبيثة والشجرة هتتنتج بذور الخبث وهتصبح الأرض كلها فساد وخبث

علشان تتخلص من الفساد ، لازم تبدأ من البذرة ، الشعب كله ما بقاش معدوم الضمير مرة واحدة... فيه أسباب ، عايز حضرتك بس تفكر معايا شوية:
1. موظف الحكومة اللي مرتبه 200 300 جنيه ، تفتكر هيقضي مصالح الناس ازاي؟
2. دكتور التأمين الصحي اللي بياخد 150 200 جنيه ، هيعالج المرضى بضمير ازاي؟
3. المدرس اللي بياخد 500 أو 600 جنيه ، هو مش بني آدم عايش يعيش زينا؟ ما يديش دروس خصوصية ليه؟
4. القوانين الغبية اللي بتجبرك كمواطن شريف تتحايل عليها زي:
- شارع مفتوح أربع أو خمس حارات وعاملين أقصى سرعة 60 والشارع نفسه يسمح انك تجيب 100
- مفيش جراجات ولا معالجة للزحمة وانت مضطر تركن صف تاني ، ويطلع أمين شرطة أو أي حد عايز يسترزق منك وحضرتك تضطر تديله البريزة علشان ما يدكش غرامة وقدرها
- تخطيط غبي للشوارع بتجبرك أحيانا تمشي عكسي
وغيره وغيره


الخلاصة: الحل ، بيبدأ من معالجة الأسباب ، مش معالجة النتائج

انا على فكرة مكلمتش قراية الموضوع للاخر وطبعا موضوعك فوق راسى وكلام جميل
بس فى مقولة واحدة مؤمن بيها

من اراد الحرية يوما .... فلابد ان يدفع ثمنها

انا واحد من الناس اقبل انى اموت ويطلع عينى فى سبيل انى اشوف الحرية ولو دقيقة واحدة قدام عينى

المشاركة الأصلية كتبت بواسطة ahmed-moga

وهذه عينه لبداية ماتوقعته وماسيحدث من تفتيت للعزم والبقيه ستأتي تباعا

أبو الغيط: انتقال أحداث تونس لمصر "كلام فارغ"

| 16-01-2011 19:34

اعتبر وزير الخارجية المصري أحمد أبو الغيط، الأحد، أنّ المخاوف من انتقال العدوى التونسيّة إلى مصر أو دول عربية أخرى "كلام فارغ".

وقال أبو الغيط في تصريحات للصحفيين في شرم الشيخ، حيث بدأت الاجتماعات التحضيرية للقمة الاقتصادية العربية الثانية، الّتي تلتئم في المنتجع المصري الأربعاء: إنّ "الحديث عن امتداد ما يجري في تونس إلى دول عربية أخرى كلام فارغ"، معتبرًا أنّ "لكل مجتمع ظروفه فإذا ما قرر الشعب التونسي أن ينهج هذا النهج فهذا أمر يتعلق بشعب تونس".

وأضاف أبو الغيط "مصر قالت إن إرادة الشعب التونسي هي الأهم، أما هؤلاء الذين يتصورون أوهاما ويحاولون صب الزيت وتأجيج الموقف فلن يحققوا أهدافهم والضرر سيلحق بهم أنفسهم".

واتهم الوزير المصري "بعض القنوات الفضائية" العربية بأنها "تسعى لإلهاب المجتمعات العربية وتحطيمها وللأسف كلها فضائيات غربية أو غربية الميول" من دون أن يحدد هذه الفضائيات.

وردا على سؤال حول ما إذا كان من المنتظر صدور قرار خلال قمة شرم الشيخ بشأن تونس، قال أبو الغيط "أشك"، غير انه استدرك: "ولكن إذا رغبت القمة في تناول الأمر التونسي فليكن وعموما فإن إرادة الشعب التونسي هي العنصر الأهم في هذا الخصوص ولا أحد يقاوم إرادة هذا الشعب ولكن الشعب التونسي سوف يسأل أيضاً عن هذا الوضع في المستقبل".

وأعرب أبو الغيط عن اعتقاده بأن "الخير سوف يأتي إلى تونس مهما كانت التحديات".

وتأتي تصريحات أبو الغيط في ظل أجواء من القلق بعد سقوط الرئيس التونسي زين العابدين بن علي تحت ضغط الشارع وتأكيدات من المعارضين في الدول العربية بأن ما حصل في تونس يشكل رسالة "واضحة" إلى الأنظمة العربية.

هما طبعا لازم يبقو شايفينه كلام فارغ عشان ضد مصالحهم ونهبهم اللى شغال اول بأول

المشاركة الأصلية كتبت بواسطة Dr Zezo

و مين يعمل الكلام الجميل ده ؟!
بن علي فضل 23 سنة في الحكم و معملش كده

يا تري كان مستني ايه ؟!!
اكيد الوقت مسمحلوش لأن تونس مستهدفة كما نعلم من الفرنسيين و الصهاينة و الامريكان
يا دوب الرجل كان يناضل لقتال المستعمرين و يذود عن تونس
تعليم و خلافه مش وقته
هناك اراء تقول ان لو انا و حضرتك غيرنا من نفسنا هنقدر نعمل كده لوحدنا

انا راضي ضميرك

ينفع الكلام ده

يعني انا و سيادتك لو اتفقنا نعدل حال التعليم

هنقدر

لو اتفقنا نصلح البلاعات في الشوارع عشان شوية مطرة بتغرقنا

هنقدر

طيب و هانفترض ليه

في المستشفي لا يوجد جبس طبي لتجبيس الكسور

فنكتب للمرضي ليشتروه من الخارج علي حسابهم من 60 ل100 جنيه او اكتر

ناس اغلب من الغلب
و لو دفعت لكل مريض يبقي اعمل حسابك في الفين ثلاثة الاف جنيه قبل ما تنزل من بيتك
تطلع لمدير يطوحك لمدير تاني

و من مكتب لمكتب

و في الاخر مفيش ميزانية تسمح

و هو صادق و كلامه صح

انا غيرت و سعيت اهو و لقيت انسان محترم سمعني بس هو كمان امكانياته و المتاح له - قهرا - لا يكفي

انا و هو و المرضي نعمل ايه بقي

و اسمع دعاء علي الحكومة من هنا لبكرة الصبح

هناك اشياء نستطيع تغيرها بتغيير انفسنا

تعاملنا مع بعض و مساعدتنا لبعض و تسامحنا مع بعضنا

لكن هناك اشياء اكبر منا تحتاج لادارة




غير صحيح

مشفي واحد في العاصمة تونس قبل هروب الرجل و كما اعلن نقيب الاطباء التونسي استقبل 14 قتيل و عشرات الجرحي
هذه حصيلة مشفي واحد و محافظة واحدة
من كثرة القتلي و الجرحي الاطباء اعلنوا انضمامهم الي الاضرابات قبل هروب الرجل
و الرجل كان يهدئ الجماهير ففي نهاية ديسمبر
اجري تعديل وزاري محدود

لم ينخدع به احد

فأقال وزير اخر لتهدئة الناس و تخفيف الضغط علي الامن

فلم ينخدعوا
فأقال مستشاريه و قال انهم كانوا يخدعوه و انه فهم مطالب التونسيين

هذه خطوات تنازل بسبب الضغط

فلا احد يتنازل بلا سبب

لو القذافي ممكن
باقي الرؤساء لأ

طالما كده بقى معناها مفيش أمل ...

يبقى ندور على جنسية تانية بقى و نهرب