الموضوع: دعوة للمناقشة فى شوية مشاكل فى السيراتو مضيقانى جدااا

المشاركة الأصلية كتبت بواسطة formulator

أستاذ morasystem واضح ان حضرتك مش فاهم...
انت اللى "جبت سيرة" عربيات تانية لما قولت انك ركبت ملتى لينك كتير... ومقولتش ايه

علشان بتكلم على المالتى لينك مش بتكلم على العربيات التانية ... و انا أسف أنا ركبت حاجات تانية غير التورشن بيم معرفش ده كان مالتى لينك ولا لأ بس مكانش تورشن بيم

وأيه التناقض ده:
"مقابل ثبات سيئ جدا خصوصا فى الملفات لأن العربية عالية من ورا و وزنها كبير"
"و فين عدم الثبات ده ؟؟؟ السيراتو ثباتها عالى جدا و مفيش 2 مختلفين على كدة"

ده الكلام ده لو ركبت حاجة تانية غير التورشن بيم للسيراتو ... انت مقريتش كويس بس

؟؟؟؟؟؟؟؟؟؟؟؟؟؟؟!!!!!!!!!!!!!!!!! تانى
والياريس لأن التويوتا عرفت هى عايزة ايه.. وضبطوا الـsetup فـ اتجاه النعومة rather than الثبات...!

Setup إيه يا سيدى الفاضل ... هو أى كلام و خلاص ... حضرتك طلبت مثال فاديتك مثال ... ممكن أفهم يعنى إيه Setup ??? التركيب يعنى ؟؟؟
و بالنسبة للنعومة ... طب مالسيراتو الجنط ال 15 ناعمة ... ممكن تفسير ؟؟؟ ... و هل لو ركبنا لليارس جنط السيراتو ال 17 هتكون برضه ناعمة ؟؟؟
الإجابة اللى حضرتك مش عاوز تقولها إن اليارس وزنها أقل و حجمها أقل و ملهاش نفس الجنط بتاع السيراتو و بالتالى ادت نتيجة حلوة مع التورشن بيم ... اللى يعتبر نظام رخيص و مش مكلف و بيدى نتيجة كويسة عالطريق ... أى نعم لما يركب مع جنط حجمه كبير بيبقى ناشف ... إنما دى حاجة ناس كتير بلعتها و قبلتها
بالنسبة للعفشة التورشن بيم فيه زى علاقة عكسية بين حجم الجنط و النعومة ... لو قدرت تزبط حجم الجنط مع النعومة هتحصل فى النهاية على عربية ثبات عالى جدا و نعومة مقبولة نوعا ما و عربية اقتصادية فى تكلفة التصنيع (تقدر تحط فيها كل الأوبشنز اللى انت عاوزها من غير ما تعلى السعر) و دى النقطة اللى أنا بأكد عليها


وخد عندك كل العربيات دى أتقل وزنا من السيراتو.. وكمان torsion-beam وحققوا المعادلة... ثبات+نعومة:
بيجو 308: 1387 كجم, أوبل أسترا: 1373 كجم, فيات برافو: 1360 كجم, رينو ميجان: 1355
ومتقوليش هاتشباك... هقولك نسخ السيدان زى الفلونس والأستيشن زى الـ308SW أتقل أكتر وتورشن برضه وكمان ثبات ونعومة...

و هو برضه حضرتك هتقارن Torsion Beam معمول فى كوريا بالتورشن بيم بتاع البيجو ولا الأوبل .... ده كلام ؟؟؟ ولا هو التورشن بيم واحد هنا و هناك ؟؟؟


وآه انا سوقت نيو سيراتو كوب خليجى ... ومعجبتنيش خالص لا فـ هاندلينج ولا ثبات وكانت هتـunder منى كذا مرة عـ الدائرى.. لأنى سوقتها زى مابسوق الجولف والبرافو...!!!

كمان الكوبيه ... طيب ده الكوبيه ارتفاعها عن الأرض المفروض أقل من السيدان .. يعنى المفروض ثباتها يكون أعلى ... دى أذواق مقدرش أتكلم فى كدة ... بس يكفى إنه الكوبيه كسرت حاجز الخوف عند المصريين و خلت المصريين يتطمنوا للكوبيه بعد ما كانوا خايفين من سعر إعادة البيع بتاع العربيات الكوبيه

يعنى إيه تUnder ??? هتقع يعنى ولا العفشة هتسقط فى الأرض ولا إيه دى ؟؟


ياريت تبقى المناقشة عملية ومبنية على أساس دون تعصب لسيارتك...؟؟؟!!!

و الله حضرتك انا مش متعصب لعربيتى و عارف إنه فيه عربيات كتير أحسن من السيراتو (إنما مش فى نفس الفئة السعرية) و مش محتاج أتعصب أصلا لعربية أثبتت نجاحها و فرضته على ماركات كتيير ... إنما كتر الكلام بقى على النشوفية و مش النشوفية لازم يكون فيه وقفة ... حضرتك ممكن تكون مهندس أو طالب فى هندسة و دارس و فاهم التركيب بتاع العفشة ازاى و حافظ المكونات و الأنواع و عمال تقول مصطلحات ... على عكس رأيى المتواضع كمستخدم ... أنا بحاول أوصللك فكرة إنه النشوفية حاجة و الثبات حاجة ... الثبات يعتمد بشكل أساسى على المساعد الخلفى و حاجات تانية كتير زى عرض العربية (قاعدة العجلات) و عرض الكاوتش و وزن العربية و Aerodynamics ... إنما النشوفية دى حاجة تانية و بتعتمد على حاجات تانية أخرها ال Rear Suspension ... بدليل أهه محدش بيشتكى من النشوفية إلا اللى راكب جنط 16 و 17

و فى النهاية ده رأيى ... سواء اتفقنا أو اختلفنا أنا قولته و السلام ... و التورشن بيم مناسب للسيراتو سواء كانت شركته مركباه من باب التوفير علشان يعملوا عربية اقتصادية أو علشان التورشن بيم فعلا هو المناسب لحجم السيراتو ... إنما علشان أدخل نفسى فى متاهة تقصير و تطويل و تغيير مساعدين و الله أعلم بالنتيجة النهائية ... ده كلام