الموضوع: دعوة للمناقشة فى شوية مشاكل فى السيراتو مضيقانى جدااا

المشاركة الأصلية كتبت بواسطة beckss

انا ما شوفتش كل الردود ودي اول مرة ارد اصلا علي حد في حياتي بس مشكلة الصوت ده بتحصل معايا بس عملت حاجة هبلة اوي والصوت راح ... الحزام اللي جنب السواق خليه مربوط كأن حد قاعد جنبك ورابطه ... وجرب كده , انا عارف انه حل تافه بس انا كنت معتقد ان الصوت مر بره العربية ... طلع انه من الحزام ... جرب يمكن تنفع معاك انت كمان وترتاح من كل حوارات العفش والمساعدين ده وقولي حصل ايه :)))

انا عارف الصوت اللى انت تقصده بس الخبطة ف العفشة

المشاركة الأصلية كتبت بواسطة yasserelsayad

انا كدا بالنسبالى العفشتين زى بعض .. فرق مكان المساعد زى بالظبط درجة انحناءه كلها تعديلات متعتبرش جذرية وتختلف من عربية للتانية حسب الوزن والحجم وحسب اللى مصنعها كان عايز ايه

بالنسبة لك.. ممكن , لكن علميا وفعليا لأ.. ده فرق جامد جدا... بس خليك fair وانت تشوفه..!!
زاوية ميل المساعد هى اللى ممكن تكون مش جذرية آه... يتتضبط عشان مساحة التخزين فـ الشنطة تزيد أو تقل...
لكن..شكل القنطرة وحجمها و وضعية المساعد بالنسبة للسوستة .. لأ معلش دى تعديل جذري, هو ده الـsetup
ودى بتتضبط حسب المطلوب: راحة ولا ثبات ولا الأتنين.. وللأسف كيا حاولت توجهها فـ أتجاه الثبات rather than الراحة.. ومطالتش لا دى ولا دى..!!!

المشاركة الأصلية كتبت بواسطة yasserelsayad

وبعدين السيراتو ثباتها مش ضعيف ولا حاجة مجرد تجربتك ليها متخلكش خبير فى قيادتها زى ما انا قربت البرافو كدا ومعجبتنيش لما تعدى على عين القط او الفواصل فى الملفات او عالى وواطى فى الاسفلت بتعوم من ورا لكن مقدرش اقولك مش ثابتة عشان تجربتى لها كانت مرات معدودة ومنهم مرة طلعت بيها لحد 225 او قول 230 بس دى بالـ 150 حصان بس كان الطريق مستقيم فا الموضوع كان عادى.

لو على قد تجربتى أنا .. ماشى , لكن ده كلام كل (السواقين) اللى جربوها: مش ثابتة..!
ولو أن البرافو مش موضوعنا.. لأن السيراتو تتقارن بالـ الألنترا, الصنى, الكورولا والشارك ممكن, لكن أى أوروبى.. لأ حاسب. ولا حتى السيفيك والمازدا3 فـ الثبات..!
وأنا أثبتلك ده (بالصور) أن فيه فرق "تكنولوجى" لكن أنت مش شايفه..؟؟؟!!

والبرافو عمرها ما عومت (dynamic جنط 16") على أى سرعة وأى أسفلت.. وأنت بتقولى برافو150 حصان (سبورت جنط 17" + ESP) وعامت..؟؟؟!! عايزنى أصدقك أزاى..؟؟؟؟؟!!!

المشاركة الأصلية كتبت بواسطة yasserelsayad

وبعدين موضوع التعليق الخلفى للسيراتو قتل بحثا وانت جاى متأخر اوى تتكلم فيه وابقى اعمل بحث عن المواضيع كدا فى المنتدى وشوف قد ايه

لو قتل بحثا بمعلومات غلط زى "عفشة السيراتو والميجان واحد (بالمللى)" ... آه أتكلم وأصحح كمان... سواء الناس أقتنعت أو لم تقتنع ...!
حضرتك أبقى أعمل بحث عـ النت (مش عـ المنتدى) فـ الـTorsion-Beam: وانت هتعرف أن الـSuspension ده من الـBlack Arts فى صناعة السيارات (يعنى مش أى حد يعرف يعمل عفشة سبورت)...!