الموضوع: حدث الان فى ميدان الجزائر فى المعادى - ظابط شرطه و سائق ميكروباص

واضح جدا ان معظم التلعيقات هنا ليس لها علاقة بالحادث نفسه وانما كل واحد بيفرغ كبته من الشرطة كلها في اي شرطي ومش مهم الشرطي ده كويس ولا وحش


انا جوز اختى وهو ابن عمي ظابط شرطة وفي المرور ومصلي وعمره ما اخد مليم من حد وبيطبق القانون على الكل بما يرضي الله واخدني مخالفتين انتظار في الممنوع منهم واحدة وانا منتظره لو دخل في مشكلة مع اي حد وهو بيشتغل وكان الحد ده غلطان كل الناس هاتعمل زيكم
الاسبوع اللى فات سواق تاكسي خطف اللاسلكي من امين شرطة معاه وهم واقفين في الشارع وجري ولما بلغوا غرفة العمليات والونش قفل عليه الطريق والظابط نزل يجري عليه طبعا السواق نزل وعمل الفيلم الهابط والشرطة بتضربني وفعلا الناس اتلمت وضربت الظابط لولا زمايله لحقوه بسرعة واتخانقوا مع الناس وفهموهم اللى حصل وطلعوا اللاسلكي من التاكسي وطبعا البهوات اللى في الشارع محدش فتح بقه بس ظابط وامين شرطة اصيبوا

مش بقول كل الشرطة وحشة ولا كلها كويسة بس بقول لا نتعامل مع الكل على انهم فاسدين
وفي نفس الوقت لو لم نعيد للمحترمين منهم الثقة انتظروا سيطرة البلطجية سيطرة تامة على كل الشوارع


اما البهوات اللى ميسوطين ان سواقين الميكروباس قتلوا الظابط ونفذوا القانون بايديهم فمش هقول يا رب كل واحد منكم قبل نهاية الاسبوع يقع في مشكلة مع سواقين الميكروباس ونبقي نشوف هايحصل له ايه
لا هقولكم افتكروا سواقين الميكروباس هما مين وكانوا وما زالوا بيعملوا فيكم ايه

المشاركة الأصلية كتبت بواسطة shnory

خلفيه الموضوع كله
الخناقه حصلت ازاي ومين قال ايه لمين
زي بالظبط لما يقولك واحد موت واحد بسبب لعب الاطفال
اكيد فيه كلام اتقال هو اللي ادي لكده

واكيد الكلام من الطرفين
واكيد الكلام مالهوش علاقة بالظابط بيشتغل ايه لان واضح انه لم يكن يرتدي ملابس رسمية
يعني واحد بيتخانق مع سواق ميكروباس اتلم عليه السواقين واول ما اكتشفوا انه ظابط شرطة خلصت الليلة اصبح الخروف اللى لازم يندبح طلع السلاح دفاع عن النفس طلقة جات في واحد منهم والباقيين قتلوه ومثلوا بجثته وشوف الفيديو بعد دقيقة و30 ثانية هاتلاقي واحد بيسرق الحاجة من العربية وبعد كدة ولعوا في العربية

ولما هما ليهم لزمه بتوع المرور سابو المنطقه ليه ؟؟؟

لا يقفوا علشان يتقتلوا
والنبي مش عايزين كلام ناس قاعدة في البيت وبالراحة يا شنوري
جوز اختي كان موجود امبارح في وادي النيل لما البلطجية ضربوا نار وسرقوا المحلات وضربوا عليه نار لانه لابس ميري ومعاه الطبنجة ومقدرش يضرب بيها وبعد بسرعة
عارف ليه ؟
لانه لو ضرب وقتل بلطجي منهم كان الوضع هايتقلب ويبقي بلطجة الشرطة وقتل المواطن البرئ

ولما هما كان ليهم لزمه من قبل الثوره مجابوش ليه اللي سرق شقتي ومحلي
واللي سرق عربيه عضو معانا هنا وهو اللي رجعها بنفسه وقالوا ملناش دعوه

عرفت انى كان عندي حق لما قلت ان كل واحد له موقف سابق مع الشرطة بيصفي حساباته دلوقت على الاقل بالشماتة في اي حاجة تحصل لاي واحد فيهم حتي لو مظلوم ؟

عموما انا شايف ان اللي بيحصل ده يعتبر العادي
طوابير العيش ناس اتقتلت فيها
خناقات مرور وناس ماتت
طول عمر الناس بتتثبت في الشوارع ومحدش بيعمل حاجه
مش بيتحركوا غير في المصايب الكبيره
واهي المصايب بقت بتتعمل فيهم

كل ده وكان فيه شبه امان لوجود الشرطة
ودلوقت مش عايزينهم خلاص يقعدوا فعلا في بيوتهم علشان يريحوا الناس

المشاركة الأصلية كتبت بواسطة human12

لازم يبقى فيه تحرك شجاع
يعنى قرارات جريئع لعقاب الشرطه و لعقاب المواطنين

هو ده المطلوب على الطرفين لكن تفتكر لو حصل اي حاجة من ظابط شرطة دلوقت هايطلع صح ابدا حتي لو كان هو اللى صح ؟ ولا الناس كلها هاتعمل زي ما حصل هنا ويبقي بتاع الشرطة هو اللى ابن كلب

احنا داخلين على فوضى و لن تتوقف
العشوائيات و الخروج عن النظم العامه و القوانين العامه اللى بتنظم التعامل بين المواطنين يجب ان تطبق بيد من حديد و ده مالوش اى علاقه بحريه التعبير
لسة واخد بالك يا طارق ؟
لما انا حذرت من ده كنت عدو الثورة

انا مش خايف من الحكومه ولا خايف مت الحزب الوطنى ولا من الجيش
انا فعليا خايف من رفقاء الوطن

والله انا بقيت خايف من الكل وخايف الجيش يزهأ ويرجع ثكناته ويقول مشوها انتم