الموضوع: حدث الان فى ميدان الجزائر فى المعادى - ظابط شرطه و سائق ميكروباص

المشاركة الأصلية كتبت بواسطة shnory

حاضر يا دكتور
علي راسي من فوق علشان اللي بيننا
وليك عليا مش حشارك تاني في المواضيع دي علشان رايي ميزعلكش
وحروح اكمل قعده في البيت

يا عم اقعد يمكن يجي زبون يصلح الموبايل
انت حبيبي يا شنر وانت عارف ده كويس
بس مش كل ظباط الشرطة ولاد 30 في 40
وبتوع الميركوباس الكل ادري بيهم

المشاركة الأصلية كتبت بواسطة human12

انت هتفضل رايح جاى كده؟
شارك وقول رأيك بحريه
و الدكتور فاضله اتنين بونت نجيبهمله بسهوله
لا يا باشا انت اللى فاضل لك زلطة وتطلع برة انا لسة بدري اوي معنديش غير نقطتين بس
فى ايه حصل؟؟
ما طول عمرنا بنختلف و طول عمرنا بنتخانق و على اققل من كده
و طول عمرنا مش بنزعل من بعض
شنورى ياما دخل فى مواضيع و ضلمها و فعلا ببقى ماسك نفسى عشان لا انقض عليه بس ده لا يقلل من رأيه
و حضرتك يا دكتور طبعا نص المنتدى فى خلاف معاك بس ده لا يمنع ان لك مطلق الحريه حتى فى الاختلاف و مش عارفينك اول امبارح عشان لما تقسو فى الكلام نزعل منك
زى شنورى برضه
فيه ايه؟؟؟
مش عارفين نستحمل بعض؟؟

وهانفضل كدة على طول نختلف مع بعض وبردو واحنا بنحب بعض دي مش معرفة نت وبس دي ناس الواحد قابلهم واتكلم معاهم واحترمهم واكل معاهم عيش وملح كمان

المشاركة الأصلية كتبت بواسطة elassar2010

طاب ماهو برضة ممكن واحد يدخل ويدعيلك انك وانت ماشى ظابط يخبط عربيتك ويبلطج عليك بمسدسة ويبهدلك
حضرتك ليك قريب ظابط محترم فى قدامة 20واحد مش محترم
لو بتتعامل معاهم هتعرفم ان اغلبهم يهود(واسال محامى مبتدىء وهو يقولك)

اولا انا قلت مش هدعي عليكم يعني نفيت انما انت بتدعي عليا
وعامة ميفرقش معايا لان اللى مش محترم هاتحاشي انى اتعامل معاه اصلا يا اما فيه الرئاسة بتاعته تربيه يا اما النائب العام موجود ومش اول مرة ومش هاتفرق معايا في حاجة بردو
المشكلة انكم اعتبرتم الكل زي ال20 اللى حضرتك بتقول عنهم ومش ناقص غير انكم تطالبوا بسحل اي ظابط شرطة في الشارع ايا كان وراجع المشاركات وانت تعرف
وبعدين هاسئل مين على ظباط الشرطة الفاسدين ؟
محامي ؟
كأن حضرتك بتقولي اسئل شيخ منصر على حرامي ؟

المشاركة الأصلية كتبت بواسطة i_am_legend

صلوا على النبى وروقوا يا جماعة.............


فى ستين داهية الف ظابط حتى _ما ياما عملوا مع الشعب بلاوى.............
اللى يجمعهم كلهم ويقول كدة ميزعلش لو رديت عليه جملته


وياما خدوا من بتوع الميكروباصات عينى عينك وقدام منى كنت بركب ميكروباص احيانا يروح امين الشرطة قافش منة

الخمسيناية _او المياية___ويوم مابيغلط بيجيبوه من قفاه وبيهروه ضرب فى الشارع احسن يستاهل وياريتهم يعلمو عليه فى

وشة بعلامة مميزة حلوة كدة ___وللعلم انا ماليش الشرف ان يبقى ليا حد فى الشرطة لان من الاخر مافيش حد فى مصر محترم
بيدخل شرطة لانة داخلها بالواسطة وبالرشوة 100%100
انا بقة ليا واحد منهم ومحترم غصب عن اي حد وداخلها بمجهوده ومن غير ما يدفع مليم ولا اي واسطة



انا عن نفسى لو ظابط فتح بقوا معايا وانا مش غلطان هات.....فى وشة
يبقي في المقابل بتقول ان لو انت اللى غلطان هو كمان هات.......وفي وشك
المفروض فيه قانون يتطبق عليك وعليا وعليه


انا شخصيا سبت اكترمن بنت ارتبط بيهم لمجرد انى اعرف ان ابوها او اخوها او حتى ابن خالتها او ابن عمها ظابط............


كل واحد حر فى رائية_____واللى بيحب الظباط يناسبهم ويقعد معاه......

عايز بقى تقول بيه وباشا ومش عارف مين براحتك..........

انا ماليش فى الليلة دى انا عندى حقى وحقك وانت داخل شرطة علشان تخدمنى انا وتحمينى انا مش تتنك على اهلى........

شئ لا يخصني انك تركت كام بنت او كام بنت تركتك والاسباب عند الله
وانا حر في رايي وبحب اي ظابط شرطة محترم ويشرفني انى اقعد معاه زي ما بقعد مع اي حد محترم بغض النظر عن مهنته
واي حد محترم منهم داخل الشرطة علشان يخدم المجتمع والمجتمع يحترمه مش علشان يتهزأ من اللى يسوا واللى ميسواش

سبحان الله شئغريب اول جملة لك كانت صلوا على النبى وروقوا يا جماعة
والمشاركة تتعارض تماما مع اول جملة

المشاركة الأصلية كتبت بواسطة mahmoudysf

اللهم اهلك الظالمين بالظالمين واخرجنا من بينهم سالمين

يا رب

المشاركة الأصلية كتبت بواسطة elassar2010

انا مادعتش على حضرتك ابدا لااننا فى الاول والاخر اخوات

انا بقول لحضرتك محامى مبتدىء لانة بيتعامل معاهم وبيكون لسة ابن ناس ولسة مااحترفش النصب والاشتغالات وكل شغلة فى الاول تنطيط فى الاقسام وعارف المعاملة بتاعتهم شكلها اية

يبقي سوء فهم متبادل يا فندم حضرتك افتكرت انى بدعي عليكم وانا افتكرت انك بتدعي عليا
حصل خير
ومعظم المحامين اللي بيكملوا في المهنة دي بيبقوا اسوا من ظباط الشرطة بالف مرة