يا جماعة صلوا على النبلى مش كدة يعنى
زى ما 90 % من ضباط الشرطة و سواقين المكروباص وحشين مينفعش نعمم لان فى 10% منهم كويسين لازم نراعى شعور الناس دى برضوا
كدة كدة اصلا مش وزارة الداخلية قالت ان الضابط ده فى اجازة مرضية شايل ليه سلاحه الميرى و يعنى ايه اضرب نار عشان واحد شتمنى او حتى ضربنى هو مش فيه قانون اقبض عليه و سلمه للشرطة او اى حاجة غير انى اضرب نار عليه يا سيدى نفض
و بكرة تعالى بحملة و نضف المنطقة من سواقين المكروباص لكن نعمل ايه فى عقلية 90% من ضباط الشرطة انهم مينفعش حد يبصلهم بصة وحشة
نفس الكلام للسكان المفروض ما كانوش ضربوه ضرب موت لا ضرب يجيب عاهة مستديمة و بعدين اسلمه للجيش لازم نبقى اذكياء فى التعامل علم عليه ماتموتوش و حرام العربية كنتوا جبتوهالى او فصصتوهاله و ودتوها عند البيت متفصصة برضه لازم نحرق قلبه عليها
عارف ان كلامى فيه تكهم كتير جدا بس بجد لازم نشوف حل فى الداخلية لازم ينضفوا و نفس الوقت لازم ينزلوا عشان يحفظوا الامن و يلموا البلطجية اللى هما اصلا اللى عملوهم
و هما اللى خاللوا سواقين المكروباص يقللوا ادبهم عليهم بالاتاوات اللى كانوا بيفرضوها عليهم و لا الرشاوى اللى كانت بتتدفع عشان المكروباص المفوت و المقلوب مرتين يمشى فى الشارع لو كان القانون اتنفذ و مكانش فيه التحرشات اللى كان الامناء و الضباط بيعملوها مكانوش عملوا كم الحقد و الكره وقلة القيمة دلوقتى دول-بتوع المكروباص- اكنهم بينتقموا و عارفيين يستغلوا الظروف اسوء استغلال
الحل
ظباط مشهود لهم بالصرامة و الحزم و الامانة (50%من ال10% المحترمين) يمسكوا المراكز القيادية و هتتزبط ان شاء الله
د\محمد الصراحة ان غير متفق معاك فى 99% من ارائك بس من حقك تقول رايك فلو محدش عاجبوه راى د\محمد ميردش بسيطة و الله و ده اللى بعمله
او يرد برائيه بس بدون تجريح و ياريت منحاولش نقنع بعض بارائنا لاننا للاسف متعلمناش فى المدارس او الجامعات ان لو عرفت ان رائيك غلط تغيره للاسف بتثبت على رايك و دى الحمد لله من نعم النظام السابق علينا
اسف على الاطالة
المفضلات