الموضوع: النظام الفاسد مستمر و الكدب علني و على عينك يا تاجر

مش معنى ان الجيش اول ما مسك معزلش شفيق يبقى بيحبه.. طب ماهو مشالش عائشه عبدالهادى وسامح فهمى الا لما الناس اعترضت الجمعه الى فاتت .. هل كان مقتنع بالاشكال دى كمان ولا ايه.. الجيش عايز يكسب وقت لان عليهم حمل تقيل جدا فى وقت قليل فطالما الناس مش هتعترض على شخصيه هيسيبوها ويكسبوا وقت ولما يسلموا البلد يبقى يقولوا للحكومه اعملوا الى انتوا عايزينه بقى..
وشفيق مينفعش ومش هينفع اكتر بعد ما برنامج واحد من الناس اتقطع سواء كان هو ورا الامر اى غيره المهم دا عشانه
وزى ما كانت الناس بتتظاهر وبيطلع عينها عشان تشيل رئيس ولا وزير الى عايز وزير يفضل ينزل يدعمه فى مظاهره...

السؤال بقه أنا ملاحظ الناس فاهمة كويس جدا في السياسة بدليل أنهم عايزين يشيلو شفيق لأن من رؤيتهم أنه لايصلح وبالتالي مطالبين بذكر البديل دي أول حاجة
التانية لو مافيش بديل الجيش هايختار صح ومع أنه هو المختار بالفعل شفيق ومش عاجب ناس كتير الأختيار
نضمن منين الأختيارالجديد هايعجب الناس!!!!!!!!!!!!!
ونفضل في دائرة مفرغة زي الشقيقة تونس بدل مانحمد ربنا أن فيه أمل أننا نطلع من عنق الزجاجة بسرعة هل ده من الحكمة........طيب ماتصلو أستخارة وربنا يهدينا للصالح
بالنسبة للنزول للدعم فغير منطقي العكس هو ألي صحيح ألي مابنزلش يبقى مؤيد لوجوده أو على الأقل مش معارض لوجوده المنطق والسياسة بتقول كده

يا ناااااااااااااااااااااااا ااااااااااااااااااااااااا ااااااااااااااااااس..لما تلاقي واحد عنده غرغرينا في حته من جسمه ينفع تكب عليها شوية ميه و تلفها بشاش و تصبر عليها كام شهر و تاخد مسكنات و مضاد حيوي لحد ما تخف؟ولا لازم تبتر الحته ديه وما ينفعش تديها مهله او فرصه؟عشان الفساد مايستشريش اكتر من كده؟!انا معلوماتي لازم البتر و لو حتشيل حته صغننه كمان سليمه احتياطي..احسن ما تخسر حياة البني ادم كلها

المشاركة الأصلية كتبت بواسطة medo2o1o

يا ناااااااااااااااااااااااا ااااااااااااااااااااااااا ااااااااااااااااااس..لما تلاقي واحد عنده غرغرينا في حته من جسمه ينفع تكب عليها شوية ميه و تلفها بشاش و تصبر عليها كام شهر و تاخد مسكنات و مضاد حيوي لحد ما تخف؟ولا لازم تبتر الحته ديه وما ينفعش تديها مهله او فرصه؟عشان الفساد مايستشريش اكتر من كده؟!انا معلوماتي لازم البتر و لو حتشيل حته صغننه كمان سليمه احتياطي..احسن ما تخسر حياة البني ادم كلها

لو عايز الحقيقة يبقى تطهير كلي وعلاج جذري لأغلب المصريين ماهم 60 سنة وأكتر مغموسين في الفساد بيدفعو وياخدو رشاوي بيكسرو أشارات بيشحتو في الشوارع أرص ولا كفاية .............والرشاوي ودي بقى أم الكبائر في الفساد أنما شيل شفيق هو التطهير يبقى !!!!!!!!!
أظاهر أننا بندور على المدينة الفاضلة والحكومة الفاضلة وده مش موجود في أي مكان في العالم للأسف

المشاركة الأصلية كتبت بواسطة otefa

لو عايز الحقيقة يبقى تطهير كلي وعلاج جذري لأغلب المصريين ماهم 60 سنة وأكتر مغموسين في الفساد بيدفعو وياخدو رشاوي بيكسرو أشارات بيشحتو في الشوارع أرص ولا كفاية .............والرشاوي ودي بقى أم الكبائر في الفساد أنما شيل شفيق هو التطهير يبقى !!!!!!!!!
أظاهر أننا بندور على المدينة الفاضلة والحكومة الفاضلة وده مش موجود في أي مكان في العالم للأسف

بص حضرتك
الناس بتدفع رشاوى ليه
الناس بتسرق ليه
الناس بتشحت ليه
الناس بتكسر اشارات ليه

الناس بقالها 30 سنة عايشة و مسروقة و مش لاقية تاكل
الناس بقالها 30 سنة بتشوف ظابط الشرطة لما بيتقفش رادار بيعدى من غير اى مخالفة
الناس بقالها 30 سنة .....................

الموضوع كبير و صوابعى هتوجعنى
المشكلة فى النظام الفاشل اللى كان موجود و مازاااااااااااااال اللى ف............
لازم تغييرة بنظام اخر عادل و حازم يطبق عل الوزير قبل الغفير

المصرى لما بيطلع بره تلاقيه ماشى زى الالف يجى مصر تلاقيه ..........

اللى مش عاجبه النظام لما يطبق على الكبير قبل الصغير هتلاقيه مجبر انه يمشى عدل و مع الوقت هيتعود عليه و يسلم بيه بل ممكن لو شاف حد مش ماشى على النظام تلاقيه بيستغرب

ادى لحضرتك مثال عشان تعرف ان كل دول العالم لو مفيش نظام صح ايه اللى بيحصل
الاجانب بعض شهر سواقة هنا بيبقوا العن مننا وده عن موقف شخصى مع اكتر من شخص