الموضوع: النظام الفاسد مستمر و الكدب علني و على عينك يا تاجر

المشاركة الأصلية كتبت بواسطة otefa

شفيق ليس مع النظام السابق ليه مش عايزين تشوفو الحقيقة ...........شفيق أبن الجيش و مع الجيييييييييييييش
موضوع النظام السابق ده أنسوه خالص لايمكن يرجع لاحسني ولا جمال

النظام مش حسني ولا جمال.
النظام هو منظومة متكاملة من الفساد ... وده لسه موجود ... وكل اللي نازلين التحرير ده تخوفهم ... ان المنظومة مستمرة.

المشاركة الأصلية كتبت بواسطة ahmed-moga

في حاجه خطيره بتحصل ياساده والتصعيد ده مظهرش الا بعد المطالبه والأصرار علي عزل شفيق وحكومته وخصوصا اللي مازالوا باقيين في مراكزهم السابقه يبقي اذن الموضوع له ابعاد اخري وان فعلا فيه صفقه حصلت بين شفيق والنظام الراحل والأصرار والمطالبه بعزل شفيق وحكومته يعتبر اجهاض وفشل لهذه الصفقه علشان كده هما بيحاولوا يحافظوا علي الصفقه دية بشتي الطرق لأرجاع ابن النظام مره آخري
الداخليه بدأت تنشط من تاني وبتوضح لنا عن طريق قادتها بشكل واضح وعلني للجميع انهم راجعين تاني وبشكل اقوي هي وجهاز آمن الدوله اللي بدأت في الأعتقالات لشباب اليوم قيادات امن الدوله رجعت تاني لشغلها معني كده الثوره بدأت تضيع من ايدنا وهنرجع للظلم والفساد تاني لا لايمكن يحصل ده تاني ابدا لو الأحكام العرفيه اتفرضت من القوات المسلحه هتبقي ضربه قاضيه للثوره ربنا يستر

المشاركة الأصلية كتبت بواسطة medo_2060

انا حاسس ان الجيش مفروض عليه حكومه شفيق لانه قعد يغير ولما وصل لشفيق وحكومته دا غير طبعا بعض التغييرات فى الاشكال بس زى وزير البترول.. لما وصل المطلب الاساسى شفيق الجيش خلاص كدا قدم كل الى يملكه.. اتمنى اكون غلطان لان الجيش كدا بعد الى حصل دا الناس هتعند وهيتحط فى اختبار اقوى من اختبار ازاحه مبارك لاما يختار الشعب لا يختار الكلام الى اتوقع اتفرض عليه من حسنى
مستنى توضيحات

ده على أعتبار أن المجلس الأعلى للقوات المسلحه بيشتغل فى مدرسه فى كفر البطيخ ومش دارى بحاجه

المشاركة الأصلية كتبت بواسطة elassar2010

قال دكتور بمستشفى قصر العينى إن الأمن كان يقتحم المستشفى ويقوم بتفتيش المتظاهرين المصابين فى ثورة 25 يناير بالمستشفى وحصل على بطاقاتهم تمهيدا لإلقاء القبض عليهم فور خروجهم من المستشفى.

وقال الطبيب فى اتصال هاتفى بـ "اليوم السابع"إن مدير مستشفى الطوارئ الدكتور معتز أبو العزم لم يكن متواجداً يوم 25 يناير بالمستشفى، ولكنه جاء يوم جمعة الغضب وطرد كل المتبرعين من الأطباء والطلبة من داخل المستشفى الذين كانوا يساعدون الأطباء فى إسعاف المتظاهرين المصابين وكان كل همه هو التفتيش على الكارنيهات الخاصة بالأطباء، وأضاف أن هناك مرضى كثيرين لا يوجد لهم مكان فى العناية المركزة بالرغم من وجود أماكن فارغة ولكنها تكون محجوزة لأحد الأساتذة أو الأطباء الكبار إذا جاءت حالة تابعة لهم، كما أن جهاز الأشعة المقطعية الموجود بالمستشفى لا يعمل منذ سنة ولم يتم إصلاحه حتى الآن.

وقال الطبيب_ الذى رفض ذكر اسمه_ إنه ومعه مجموعة من الأطباء توجهوا إلى عميدة كلية الطب لتقديم شكوى بما يحدث من سوء إدارة وعدم توافر الأدوات الطبية الأساسية بالرغم من تراكمها فى المخازن ولكنها قالت لهم "هاتولى أى دليل علشان أقدر أساعدكم".

أكيد كل الدكاتره اللى كانوا موجودين ممكن يقدموا شكوى للمجلس الأعلى ولا كلهم خايفين ولا ده محصلش
وبعدين هو ليه كل واحد يقول كلام ورافض ذكر أسمه مع أنه راح قدم شكوى لعميدة الكليه
راح متنكر مثلا

المشاركة الأصلية كتبت بواسطة mr_vampire

عالتحرير ياشباب بلا وجع دماغ وتضييع للوقت مع الناس ده

أنت أثبت الديموقراطيه اللى بتنادى بيها
الناس دول مش عاجبك كلامهم يبقى بلا وجع دماغ
أنا رأئى متتكلمش معاهم تانى وتروح التحرير بس روح الصبح بلاش تروح بالليل
سواريه يعنى