متظاهرو التحرير يحددون مطالبهم فى بيان اليوم لانهاء الاعتصام بالميدان

**ahmedjumpo** · 01-03-2011 05:57 AM

المشاركة الأصلية كتبت بواسطة dr-mohamed

ههههههههههه
بص عل ىاد ما مشاركتك شيقة وفيها كلام كتير جدا مردود عليه لكن دي وقفتني اوي
ايه علاقة القصد الجنائي بالحبس الاحتياطي ؟؟؟؟؟؟؟؟؟؟؟؟؟
الهدف من الحبس الاحتياطي هو التحفظ علي المتهم لمنع هروبه كما قلت ولكن
العادلي محبوس 15 يوم عل ىذمة القضية الاولى التي قلنا انها اسهل قضية فيالاثبات ولذلك بدئ بها لحبسه ثم تاتي باقي الجرائم ليعاقب عليه
لو افترضنا ان الحبس الاحتياطي عن قضية التربح يبدا من يوم 24 اذن ينتهي يوم 11-3 واذا لم يجدد له الحبس لا ي سبب يفرج عنه
لكن صدور قرار الحبس الاحتياطي على ذمة القضية الجديدة من يوم 28 يعني انتهاء الحبس الاحتياطي لهذه القضية يوم 14
وهكذا كلمدة حبس احتياطي حتي لو تكن على ذمة قضية قوية تمدد حبس المتهم
هو اخوك محامي ايه ؟
الدرجة يعني اسئله وهو هيعرف

على فكرة يا دكتور ابدى اعجابك باسلوبك و ذكائك فى المناقشة بس ارجوك مدخلناش فى منطقة فرعية من حبس العادلى وعلى فكرة هو مش العادلى اخد قرار احالة طب ازاى يخرج و اليك رد مصدر قضائى بخصوص حبسه احتياطيا
http://news.maktoob.com/article/6059772/مصدر-قضائى:-التحقيقات-مع-العادلى-مستمرة-ولا-صحة-لحبسه
و سأبحث ايضا من باب العلم و ان كنت مخطئ فى ما فهمت فانى لن اجد اى مشكلة فى الاعتذار عن سوء فهمى
و نرجع لموضوعنا الاساسى و منتظر ردود حضرتك على ما سبق من استفسارات

المشاركة الأصلية كتبت بواسطة Mahmoud Saloum

يا أخى انت كثير الخطأ وأنا لا أريد أن أرد على هذا المستوى من الحديث الأفضل أن أتناقش مع من هم أكثر حرصا فى الحفاظ على ألفاظهم. وأيضا حتى لا يتحول الموضوع العام لشخصنة.

اشكر لحضرتك ذوقك الجم و اخر ردى لحضرتك قوله تعالى: (والذين يؤذون المؤمنين والمؤمنات بغير ما اكتسبوا فقد احتملوا بهتاناً وإثماً مبيناً)

**cheetos_892005** · 01-03-2011 06:01 AM

المشاركة الأصلية كتبت بواسطة dr_asaos

شيتوس باشا خلينا نبقى متفقين فى موضوع المظاهرات الفئوية..تمام كدة...على فكرة الشرطة مش مستخبيه...الشرطة اصبحت مغلوبة على امرها وطبعا حادثة المعادى دليل لما حصلت فيها مشكلة وانا مش بتكلم مين صح ومين غلط كل الشرطة هربت وشوف كلام المخرج مازن الجبلى لما واحد مالوش فيها وقفه وهو "المخرج"فى منطقته وقعد يزعء وبقول العيال دول اخوات الواد الظابط واتلم 1000 واحد على مجموعة المخرج بالسنج والمطاوى...يا راجل شوف صفحة وزراة الداخلية على الفيس بوك دول ناقص يشحتوا... ويعملوا شعر جديد"الشرطة فى عرض الشعب" ومحدش يتهمنى انى من الداخلية ربنا يكرمكو او ليا حد فيها وانى موافق على اللى كان بيتعمل زمان انما لازم نتفق ان هيبة رجل الشرطة المخولة له بالقانون لازم ترجع تانى...انته عارف من الاخر وده رأيى طبعا ايه المشكلة؟ بعد ثورة التحرير حصل حاجتين... كسر حاجز الخوف لدى المواطن المصرى ضد اى ظلم وعدم الرجوع عن المطالبةبالحق ولو فى وش التخين والحمد لله اختفت كلمة انت مش عارف ان ابن مين دى اللى كانت هتشلنى بس فى حاجز تانى اتكسر...وهو حاجز الخوف بتاع البلطجية والحرامية والانتهازيين من الشرطة مش عشان الشرطة مش موجودة لاء انا هيبة الشرطة بتاعة القانون راحت على اعتبار زى ما قال سواق الميكروباص من النهاردة مفيش حكومة انا الحكومة وده عاوز وقت كتييييييييييير عشان يرجع لان كل ظابط دلوقتى خايف من الاعتداء عليه سواء البدنى او المعنوى وكمان يتواجدوا ازى فى التحرير؟ ده خلاص سمعتهم اصبحت فى الارض حتى الشرفاء منهم ومش هيقردوا ينشوا ولا هيعملوا حاجة وهتتحسب عليهم...ودى وجهة نظرى طبعا

والله معاك في كل اللي قلته بس اؤكدلك هما اكيد عندهم حل للازمات دي مش اول مره في العالم يحصل كده ....

اه في منهم محترمين ...ليا قرايبي درجه اولي واحد عميد وواحد لواء .....
والحمد لله الاتنين مقدروش يستحملوا النجاسه اللي كانت بتحصل خصوصا بين الكبار
العميد شافله عمل اداري علي جنب قوي ....
واللواء ما صدق تعب شويه طلع نفسه معاش دواعي صحيه ....

بس في ناس محترمه ....انا واحد وزيي ناس كتير لو لقوا رموز فساد فيهم اتحاكمت و لمست حسن معاملتهم هقف معاهم ضد البلطجيه والسواقين اللي ميقلوش سفاله عنهم .....ده دورنا ....
يبقي يعملوا خطوات تبين للناس حسن نيتهم .....
واولها محاسبه القتله و الاعتراف بالخطا و النيه الحتميه للاصلاح و جهات رقابه و محاسبه .....

وكمان بقترح حركة تنقلات واسعه في الاقسام .....غربله يعني بالبلدي .....

لما كل ظابط ينزل في حته جديده ميعرفش فيها حد لسه هتقل تصفية الحسابات دي قوي باذن الله ....

اكيد ان شاء الله في حلول كويسه غير الحل القذر اللي معظمهم لاجيء ليه دلوقتي ...
ده لو عندهم حسن نيه انهم يتصلحوا فعلا ....

بالنسبه للمظاهرات الفئويه فا دي فعلا حاجه تقرف ....
يعني ما اللي بيعمل المظاهرات الفئويه دي ما هما اهالي الاطفال اللي في المدارس ... ولا ايه؟؟؟؟
وهما نفسهم اللي كانوا بينادوا توقف المظاهرات عشان يشوفو اشغالهم ...وادي اللي عملوه ...

ولو اني مستبعدش برده ان الحكايه وراها تهيج و تحريض من جهات زباله ....وكان المجلس العسكري لمح لكده في الحلقه مع مني الشاذلي .....

وعلي فكره انا شبه متاكد من الموضوع ده عشان والدي مدير مصانع وكان عنده برده ابتدوا يشتكوا و عايزين يعتصموا ...

والدي قالهم انه هيكلم صاحب المصنع بس وقف شغل لا و كله وافق ما عدا كام واحد كده ....
انذرهم كتير مفيش فايده ....راح ممشيهم ....
والحمد لله العمال كملوا شغل و مفيش يومين نزلهم حوافز و مكافئات متاخره و خلص الموضوع ....
ووالديدلوقتي بيحاول يشوف العيال اللي مشاها دي اشمعنا دول اللي كانوا مهيجين الدنيا كده ..
خصوصا دول من اللي كانوا بيروحوا طنطا ينتخبوا مرشحين الوطني و ياخدوا فلوس و كانوا بيقعدوا يقنعوا العمال انها تروح ....

الله اعلم ولسه هنعرف ...
تقبلوا تحياتي ....
وحطوا في دماغكم محدش فينا صايع و لا مش عيز استقرار ...
كلنا هدفنا واحد ...

**د.أبونضال** · 01-03-2011 06:09 AM

أنا حاسس إن أنا في خناقة مش في مناقشة موضوعية: أحب أقول لمن يزعمون أن السبب في وقف حال البلد والانفلات الأمني وعدم الاستقرار هو مطالب الثورة.... أنا سمعت الكلام ده هنا قبل كده م أسبوعين ثلاثة، ولم يغير من موقفي شيئا (وهتكلم عن نفسي فقط وليس عن الثورة) لأنني مؤمن أن ما أفعله صحيح.
وأعتقد أنكم نسيتم أن الشرطة هي السبب في حالة الانفلات الأمني وعدم الاستقرار لأنهم لم يتعلموا كيفية القيام بحفظ الأمن أصلا... وارجعوا بالذاكرة إلى ما قبل الثورة وليذكرني أحد بالنعيم الأمني الذي كنا نعيش فيه.
وسأكرر عبارة قلتها أيضا بعد خطاب مبارك الأول للإخوة المهاجمين لمطالب الثورة: قوموا بثورة مضادة

**zaza2002** · 01-03-2011 06:13 AM

يعنى بردو محدش جاب سيرة عن البتزا مرجريتا اللى انا طالبها بقالى اسبوع فى البيان ده

**cheetos_892005** · 01-03-2011 06:17 AM

المشاركة الأصلية كتبت بواسطة zaza2002

يعنى بردو محدش جاب سيرة عن البتزا مرجريتا اللى انا طالبها بقالى اسبوع فى البيان ده

انزل اقف في بيتزا هت

**dr_asaos** · 01-03-2011 06:21 AM

المشاركة الأصلية كتبت بواسطة د.أبونضال

أنا حاسس إن أنا في خناقة مش في مناقشة موضوعية: أحب أقول لمن يزعمون أن السبب في وقف حال البلد والانفلات الأمني وعدم الاستقرار هو مطالب الثورة.... أنا سمعت الكلام ده هنا قبل كده م أسبوعين ثلاثة، ولم يغير من موقفي شيئا (وهتكلم عن نفسي فقط وليس عن الثورة) لأنني مؤمن أن ما أفعله صحيح.
وأعتقد أنكم نسيتم أن الشرطة هي السبب في حالة الانفلات الأمني وعدم الاستقرار لأنهم لم يتعلموا كيفية القيام بحفظ الأمن أصلا... وارجعوا بالذاكرة إلى ما قبل الثورة وليذكرني أحد بالنعيم الأمني الذي كنا نعيش فيه.
وسأكرر عبارة قلتها أيضا بعد خطاب مبارك الأول للإخوة المهاجمين لمطالب الثورة: قوموا بثورة مضادة

حضرتك محدش فى خناءة..خالص..وحضرتك حر تماما واحنا مش بنتناقش عشان نغير رأيك انته حر..ولم يكن رأيك مثار جدال اصلا..والحمد لله سبقتك وقلت عن الردود الجاهزة من موضوع الثورة المضادة ومن فضلك لم يقل احد ان الشرطة كانت اهم عوامل الفساد ولكن لن نظل نبكى على اللبن المسكوب فى النهاية لابد من طى صفحة الماضى ومحاسبة المقصرين والقتلة منهم ولكن اذا كان رأى حضرتك نتخلى عن الداخلية تماما فهذأ شأنك ورأيك..نحن لسنا فريقين نتبارى كل احد بقوته او بكلماته المنمقة اخى العزيز واكررها للمرة الاخيرة...حضرتك برده ادامك ميدان التحرير محدش حايشك اتفضل اعمل اللى انته عاوز تعمله واخدم بلدك كما شئت او كما تحب وانا ساخدم بلدى كما ارى وكما احب لان بالفعل من مميزات التغيير فى زمننا هذا ان عصر الوصاية والخطابة قد انتهى ولكن لا تتهمنى باتهامات معلبة لا تفيد الا فى انشاء حالة جدلية او"خناءة" زى ما حضرتك قلت وانا مش هتكلم تانى خلاص...مع الشكر

**misoalex** · 01-03-2011 06:39 AM

المشاركة الأصلية كتبت بواسطة mahmoud saloum

طيب معلهش يا أستاذ ميسو مين بتعتبره العدو دلوقتى؟ لأن الناس اللى فى التحرير ليهم أهداف متنوعة وكلها لا تشير الى أعداء انما مجرد مطالب تقنية لادارة المرحلة

استاز هشام كان بيتكلم على نقطه الفراغ الامنى
وان الناس معتبره الى فى التحرير دول اعداء
وانا اقصد بالعدو من هو مسؤل عن الفراغ الامنى ومستفيد منه لاغراض اخرى

مش محتاج اوضح عشان الموضوع واضح والناس فاهمه

**heshamzaky** · 01-03-2011 06:41 AM

المشاركة الأصلية كتبت بواسطة د.أبونضال

أنا حاسس إن أنا في خناقة مش في مناقشة موضوعية: أحب أقول لمن يزعمون أن السبب في وقف حال البلد والانفلات الأمني وعدم الاستقرار هو مطالب الثورة.... أنا سمعت الكلام ده هنا قبل كده م أسبوعين ثلاثة، ولم يغير من موقفي شيئا (وهتكلم عن نفسي فقط وليس عن الثورة) لأنني مؤمن أن ما أفعله صحيح.
وأعتقد أنكم نسيتم أن الشرطة هي السبب في حالة الانفلات الأمني وعدم الاستقرار لأنهم لم يتعلموا كيفية القيام بحفظ الأمن أصلا... وارجعوا بالذاكرة إلى ما قبل الثورة وليذكرني أحد بالنعيم الأمني الذي كنا نعيش فيه.
وسأكرر عبارة قلتها أيضا بعد خطاب مبارك الأول للإخوة المهاجمين لمطالب الثورة: قوموا بثورة مضادة

مفيش خناقة دة اختلاف وجهات نظر . حضرتك عاوز الى معارض يعمل ثورة مضادة دة على أساس أن بعض المؤيدين مثلا للاستقرار ينزلو يتظاهرو هما كمان دة يبقى أنفلات امنى بزيادة . الى عاوز يزكى مرشح معين يروح يرشحة و الى عاوز يرشح حد تانى يرشحة لما تتعمل انتخابات أنما الى بيحصل دلوقتى دة مصالح فؤية

**misoalex** · 01-03-2011 06:50 AM

المشاركة الأصلية كتبت بواسطة heshamzaky

أنا نزلت التحرير و اتفرجت على عدة نماذج عجيبة جدا و الى شوفتة أن كل مجموعة شغالة مع نفسها مفيش توحد نهائيا . الوضع فى المستقبل الناس حا تقولك عدوى الى بيضيق عليا لقمة عيشى و موقف حالى حا يقولك عدوى هو المسبب فى حالة عدم استقرار الامن حا يقولك عدوى هو الى مش عاجبة البلد و عاوز يملى على الجيش شروط و مش سايبة يعمل فى هدوء بحجة متابعتة حا يقولك عدوى الى سايب مفيش امن و دة بيهدد بيتى و اطفالى . هو دة الى بيدور فى ذهن الناس حاليا . أما لو سألت طلبة الجامعة أو الشباب الصغير الى مش فاتح بيت و اهلة بيصرفو لسة علية و مش حاسس بأى معاناة حا يقولك دة تمن الحرية لان مفيش وراة حاجة يخاف عليها غير نفسة فقط زاصحاب الاعمال و الاشغال أبتدو يكرهو التحرير و المظاهرات الناس هناك مش حاسة ان الشعب ممكن جدا يثور عليهم و ينزلو و تبقى حرب اهلية

مش حقولك كل الى فى التحرير ملايكه
طبعا فيهم ناس وناس وناس

ومش عارف ليه حضرتك وناس هنا معتبرين الجيش اله او حاجه مقدسه مبتغلطش

طب ما الجيش اتهزم فى حروب قبل كده الى هى تخصصه وشغله الشاغل
انا مش بقلل من قيمه الجيش لاسمح الله الجيش بقياداته على عينى وراسى
بس دول بشر

اه بشر مش معصومين من الاخطاء ولا غيره وغيره
مهو كل حاجه محتمل ليها النجاح او الفشل
انتو ليه متخيلين ان خلاص احنا عملنا ثوره وخلاص نقعد فى البيت ونشوف شغلنا بقا بيتك بيتك

ازاى يعنى هو مين الى عمل ثوره احنا ولا الجيش

احنا طيب ليه مستكترين علينا اننا نتابع طلبتنا والى لازم ايوه لازم تتحقق
مستكترين علينا اننا نشتغل مع الجيش ونتابع الى بيحصل ونشوف ايه الى فى مصلحتنا وايه الى مش فى مصلحتنا

يعنى ايه تعمل ثوره وفيه مطالب وكلها شرعيه ومش اختراعات يعنى ومطلوب مننا اننا نتنازل عشان مصلحه ناس تانيه

بزمتك دى اسمها ثوره ولا اسمها حتى نجحت

**د.أبونضال** · 01-03-2011 07:12 AM

المشاركة الأصلية كتبت بواسطة heshamzaky

مفيش خناقة دة اختلاف وجهات نظر . حضرتك عاوز الى معارض يعمل ثورة مضادة دة على أساس أن بعض المؤيدين مثلا للاستقرار ينزلو يتظاهرو هما كمان دة يبقى أنفلات امنى بزيادة . الى عاوز يزكى مرشح معين يروح يرشحة و الى عاوز يرشح حد تانى يرشحة لما تتعمل انتخابات أنما الى بيحصل دلوقتى دة مصالح فؤية

يا سيدي نحن لم نتحدث عن مرشحين بعد، هناك بنية أساسية لأي نظام ديمقراطي في العالم تتكون من دستور وقوانين ومفوضيات مستقلة وأحزاب ونقابات ....
هناك وجهة نظر يتنبناها الجيش وهي سرعة العودة إلى حالة ما قبل 25 يناير بعد إصلاح ما أغضب الناس وجعلها تخرج في مظاهرات أيا كانت مطالبهم. ويتم ذلك عن طريق انتخاب برلمان ورئيس بسرعة ثم عودة الجيش إلى ثكناته مشكورا تاركا السياسة لأهلها. وهو أي الجيش يتخيل أن ذلك سيحل الجزء الأعظم من المشكلة.
لكن وجهة النظر الثانية ترى أن ما يفعله الجيش سيعقد الأمور أكثر لأنه سيطيل الفترة الانتقالية وحالة عدم الاستقرار والجدل السياسي لأن تسلسل الأحداث سيطول كما يلي
1. تعديل الدستور
2. استفتاء على تعديل الدستور
3. تشكيل حكومة محايدة
4. إجراء انتخابات برلمانية
5.إجراء انتخابات رئاسية
6.الجيش يسلم البلاد إلى سلطة مدنية منتخبة
7. تشكيل جمعية تأسيسية
8. انتخابات جمعية تأسيسية
9. وضع دستور جديد
10. استفتاء على الدستور الجديد
وعلى ذلك يتبنى بعض الثوار السيناريو التالي
1. المجلس الأعلى يصدر إعلانا دستوريا مؤقتا
2.يتولى الحكم مجلس رئاسي ومعه حكومة محايدة
3. تتكون جمعية تأسيسية تُنتخب من الشعب مباشرة
4. يوضع الدستور الجديد
5. استفتاء على الدستور الجديد
6.انتخابات رئاسية وبرلمانية وفق الدستور الجديد