ياراجل حرام عليك اللي بتعمله في الموتور ده :fool:
.
كنت عاوز اسال عن سعر سيارة فيرنا موديل 2005 عاملة حوالى 100 الف و نصف كماليات , باور و تكيف فقط. السيارة مش رشة خالص و حالتها كويسة و الموتور حالته كويسة من واقع تجربتى ليها.
ياريت حد يفيدنى عن السعر علشان صاحبها طالب 50 الف و حاسس ان السعر ده كتير شوية
و شكرا
دليل العربية بيقول بالنسبة للنقلات الاتي لضمان اطول عمر لمحركات هيونداي
الاول 20كلم
التاني40كلم
التالت 55كلم
الرابع75كلم
الخامس ربنا معاك
دا مش كلامي الي عندة الدليل يفتحة حيلاقي الكلام دا
بالمناسبة يا جماعة انبارح و ان علي البحر اخدت خبطة من عربية اوكتافيا لبست فيا من ورا اكصدام في اكصدام النتيجة
العربية اولا تقيلة ما اتنطرتش بالدرجة الي انا كنت متخيلها
ثانيا الاكصدام زي الفل و مفيهوش اي مشكل و امتص الصدمة و مفهوش غير خربوش بسيط يمكن كمان من قبلها
المشكلة اني حاسس ان الاطصدام بقي طري شوية مش عارف لية يعني احط ايدي علية و اضغط الاقية بيدخل لجوا يا تري دا طبيعي و انا بيتهيألي و لا نتيجة الخبطة ؟
ممكن يكون بقى لين شويه بسبب الخبطه لكن هو اصلا طرى
يعني دا طبيعي ؟
ان شاء الله طبيعى و ممكن تشوف اى عربيه فيرنا و دى ما اكثرها فى الشارع المصرى و تجرب بس يا ريت تكون بتاعه حد تعرفه ليفتكروا انك بتسرقها
اه احسن يلاقيني بادوس عليها يجي صاحبها يدوس عليا و انا صحتي مش مستحملة اي دوس اليومين دول نيههههههههههههههههههههههه ه
اية الي انتم بتقولوه دا يا جماعة ؟
انتم عايزين تقصفوا عمر مواتيركم ؟
انا مره جبت علي الاول 40 كلم و باعيط عليها لحد دلوقتي
هوا صحيح ايه حل الموضوع بتاع صوت الدردره ده بس ياريت محدش يقوللي روح التوكيل ويعملوهالك
ياريت لو حل من غير حكايه التوكيل دي خالص
ايه يا جماعه الفيرناويه ناموا ليه كده
خبر مش عارف هيبسطكم و لا يضايقكم ،،
منقول من موضوع د/ أحمد سمير ،،
http://www.nilemotors.net/Nile/showthread.php?t=30774
هيدعموها للتاكسي !!!!
:oops::oops:
يا جماعة انا حشترى فرنا مستعملة :coool:
يا جماعه عايز اسأل عن قوة المكيف بتاعها وياريت حد يعرفنا ازا كان البور بتاعها ناعم ولا لآ ياريت(ازا كان مجربها)
ياريت حد يدينا مقاس أكبر كوتش يركب على الفيرنا وسعره والسعر ده ازا كان شامل جنوط سبور ولا لآ؟
بعد تشغيل التكييف فترة طويلة على السرعة المنخفضة وجدت مياة زى ما تكون تعريق على الشباك الامامى اسفل الساعة ... هل دة طبيعى ؟؟
وبعدين انا لسه مغير الكاسيت هل فك الوش وتركيبة اثر على المضوع ده ولا لأ لانى مخدش بالى من الموضوع دة قبل كدة ...
:boxing_smiley:1.موتور اقوى 1600cc
2.قطع غيار رخيصه و موجوده وبضمان غبور
3.شكل احسن بكتيرومغري
4.سعرأأقل ومغري
5.اوبشنز اكتر
6.جودة هيوندايوصنا عه كوري:boxing_smiley:
7.وقفت حال الصيني
:victory::victory::victory::victory::thumbsup::thu mbsup::thumbsup::3gears::2003126104835_wrc::funny3 4d:
ان شاء الله يا جماعه انا هشتري فيرنا الاسبوع ده و نزلت اتفرجت عليها و الحمد لله العربيه تمام و زي الفل بس كنت عايز اعرف بالنسبة للناس اللي عندهم خبره هل العربيه بتنزل بألوان في الصالون و لا هو لون واحد بس اصل المعرض اللي انا رحت فيه كانت كل العربيات اللي هناك لون الصالون واحد و كان فاتح شويه و ما كانش عاجبني بصراحه و بلاحظ في الشارع ان في عربيات لون الصالون و التابلوه بتاعها اغمق من كده و لا يمكن بيتهيألي علشان الاضاءة اللي كانت في المعرض ولا يمكن بيختلف علي حسب الموديل ان شاء الله انا هجيب المانيوال الكامله يا ريت حد يفيدني في الموضوع علشان لو كده اطلب من صاحب المعرض اللون الغامق و لكم جزيل الشكر
بس فيه ملحوظه اضافيه
ان بطانه الباب مختلفه في الهاف اوبشن عن الفل اوبشن
كنت عايز اسال عن سعر الرفارف بس يا شباب والف شكر
السلام عليكم ورحمه الله و بركاته
يا ترى الرقم الاوكتينى كام للفرنا و كام للفيفا؟
عندى طريقه لحساب الرقم الاكتينى ( بس مش عارف ان كانت صحيحه ام لا ):
رقم الشاسيه + رقم الموتور ، ثم قسمه الناتج على 100000
مع وضع ارقام بدلا من الحروف ( اى كل حرف يوضع الرقم المقابل من الحروف الأبجديه )
ثم البحث عن الناتج فى الجداول اللوغاريتميه للأساس (10).
ثم نقوم برسم دائره نصف قطرها يساوى الرقم الناتج مقسوما على رقم الرخصه.
و المماس لهذه الدائره يتقاطع مع المحور المار بمركزها .
يكون الرقم الاكتينى هو مقياس الرسم المرسوم به عمود الكامه.
مساء الخير يافيرناوية انا كنت عايز اضيف حل لمشكلة الكاسيت السي دي اللي مع الفيرنا 1600 الكاملة المشكلة دي انا كنت اتكلمت عنها في موضوعين في المنتدي
الموضوع الاول :http://www.nilemotors.net/Nile/showthread.php?t=29039
الموضوع التاني:http://www.nilemotors.net/Nile/showthread.php?t=27773
وكانت الردود بترجح ان العيب ممكن يكون من طريقة نسخ الاسطوانات وان ممكن تكون العدسة عايزة تتنضف المهم انا حاولت مع الكاسيت ده بكافة الوسائل ولكن مؤخرا لقيته قاطع مياه ونور مابيقراش اسطوانات نهائي (بيظهر علي الشاشة ERROR 08 )ويقوم مشغل الراديو وطبعا قلت طالما بيشغل راديو يبقي اجيب FM MODULATOR كحل مؤقت وانا فعلا كنت خلاص حاروح للكهربائي علشان يفكه واشوف حد بيفهم في النوعية دي من الكاسيتات علشان ينضف العدسة لكن انهارده بالصدفة البحتة كنت فاتح كاتالوج الكاسيت ولقيت الاتي انك لما تشيل وش الكاسيت في تحت الوش زرار اسمه reset ومكتوب في الكاتالوج انه بيستخدم في الحالات الاتية :
1-في البداية عند اتمام التركيب واستكمال الوصلات الكهربائية
2-في حالة توقف عمل اي من المفاتيح
3-في حالة ظهور علامة الخطأ علي الشاشة
طبعا انا لما قريت كده ماكدبتش خبر نزلت جري علي الجراج وشيلت وش الكاسيت وبسن قلم ضغطت علي الزرار reset وفعلا النتيجة كما توقعت المشكلة اتحلت تماما والكاسيت بيقرا اسطوانات وزي الفل
انا حبيت اكتب حل لمشكلتي طالما عرضتها في المنتدي وفضلت انه يكون في الدليل الشامل للفيرنا علشان اي فيرناوي يحصل معاه مشكلة الكاسيت دي يعرف يحلها بدل مايفك الكاسيت ويوديه لصنايعي ويشتغله ويقوله انا شيلت الحاجة الفلانية وركبنا قطع غيار كتير ويعمله الفيلم اللي كلنا عارفينه
وتقبلوا تحياتي
ايه رأيكم يا جماعه فيرنا سوده و لا فيراني