الموضوع: كل شئ عن 620

يعنى كلام حضرتك ده عن تجربه

المشاركة الأصلية كتبت بواسطة amrspeed

يعنى كلام حضرتك ده عن تجربه

يعني حضرتك شايف ردي بتاع واحد مش مجرب على فكرة حضرتك بعد كل الأسئلة دي حتروح تركب الغاز التعبانين بتوعها وأرجو من سعادتك لما تسأل عن حاجة تفرق بين حد فاهم وحد بيفتي وأنا في خدمتك في أي إستفسار والسلام ختام

المشاركة الأصلية كتبت بواسطة saddam

الأخ الطيب
عذرا على التأخير
سيدي الغالي الإسبرانزا 620 بها المساعدين بتكنلوجيا الخلط بين الزيت والغاز وده بيخلي العربية ناشفة وتطلع تكتكة وفي السرعات العالية بتطنطط فأما يخلصو تروح لعفشجي ضروري يكون صاحبك ويفكلك المساعدين وتروح في محلات متخصصة ببيع مساعدين فقط عام للسيارات تاخد بتوعك وتوريه لصاحب المحل وقلو عاوز مساعدين بطول دول بس يكونوا زيت فقط حيطلعلك على طول بس لازم عفشجي معرفة عشان حتاخد وقت من أول النهار لآخره ونصيحة ركب علايات غير اللي فيها وعليلي العربية صباعين حتلاقيها بقت طرية أكتر نيجي للتوكيل مفيش داعي تفتح معاهم الموضوع من أصلو عشان مفيش غير الأصلي الفاشل المهان لا وكمان أغلى من التوفيقية وزي مقلتلك متروحش محلات المساعدين وتقول عندي عربية كذا وعايز مساعدين عشان مش كلهم فاهمين حل وخدهم معاك وجيب عليهم ولو سألك عربية إيه قلو بصراحة معرفش أنا عايز حاجة شبه المساعدين دول والسلام ختام

طيب منين اشتريته وبكام ؟؟؟ وعند مين اعلي المساعدين ؟؟؟
مع العلم ان المساعدين اللي فيها طريين والعربيه ثابته علي الطرق..... ولكن عايز اجرب تجربتك لانك متأكد منها
شاكر لسعة صدرك

المشاركة الأصلية كتبت بواسطة saddam

يعني حضرتك شايف ردي بتاع واحد مش مجرب على فكرة حضرتك بعد كل الأسئلة دي حتروح تركب الغاز التعبانين بتوعها وأرجو من سعادتك لما تسأل عن حاجة تفرق بين حد فاهم وحد بيفتي وأنا في خدمتك في أي إستفسار والسلام ختام

بصراحه اه ردك بتاع واحد مش مجرب وبعدين انت لو مجرب تحكى تجربتك كامله يعنى تقول المساعدين بتوع عربيه ايه بقالك قد ايه لو مكملتش سنه يبقى الكلام ده مينفعش نجربه دلوقت كل التفاصيل دى لاكن كلامك مش مفهوم انت جربت ولا بتقول فكره
اولا انا مش هعمل كده طبعا لان انا هغيرهم ضمان
ثانيا بما ان حضرتك خبره اوى طيب وفر علينا وقولنا المساعدين اللى جبتهم طلعو بتوع عربيه نوعها ايه بدل ما نلف المحلات ونقولهم عايز زى ده
ونصيحه تانيه بقى بما ان حضرتك خبير فى الحجات دى العليات دى ملهاش اى لزمه وغلط انك تعلى العربيه عن علوها الأصلى وطى زى ما انت عايز لاكن تعلى ده غلط
وحاجه اخيره مساعدينها الأصلى اللى فى التوكبل احسن مساعدين حتى احسن من اللى حضرتك مركبهم وده عن تجربه على فكره

المشاركة الأصلية كتبت بواسطة alshahba

طيب منين اشتريته وبكام ؟؟؟ وعند مين اعلي المساعدين ؟؟؟
مع العلم ان المساعدين اللي فيها طريين والعربيه ثابته علي الطرق..... ولكن عايز اجرب تجربتك لانك متأكد منها
شاكر لسعة صدرك

ياباشا متلعبش فى العربيه انت فى الضمان

المشاركة الأصلية كتبت بواسطة amrspeed

ياباشا متلعبش فى العربيه انت فى الضمان

يا راجل يا طيب أنا معليها بعد مقاسات هندسية عند عفشجي صديقي في منطقة ترسة في الهرم والعربية بقت أطرى في المطبات ولا زالت ثابتة وسواقتها جميلة وبحمل 7 أنفار وبسوق بأقصى سرعة

أما للأخ اللي عامل نفسو فاهم في كل حاجة فرجائي ليك لو إنت فاهم متسألش وسيب غيرك يستفيد وأنا مش مجبر أنقل خبرتي للناس ببلاش بس عشان أنا بحب الحاجة الصح للناس أولا أنا عندي 2 إسبرانزا ثانيا عربيتي لسه في الضمان و2010 وعاملة 17 ألف وأنا كان كلامي واضح مقلتلكش روح لمحلات قطع غيار وهات مساعدين تويوتا أو أولدزموبيل أو سلبريتي قلتلك روح لتاجر إختصاص مساعدين لأن المساعدين بتتباع بالمقاسات مش بإسم العربية وربنا يهديك يا راجل يا طيب وخليك إنت في التوكيل والمساعدين بتاعهم أبو 440 للجوز وسلامات ولو سمحت نقفل الكلام في الموضوع ده والسلام ختام

على فكره انت مكبر الموضوع اوى وانا مغلطش فيك انا بسألك بس الموضوع ده عن تجربه ولا لا
المفروض تجاوبنى على السؤال وبس
لكن تقول بقى عامل نفسك فاهم وكلام كده عموما شكرا على زوقك وانا بقولك تانى انا مش بشكك فى كلامك ولا عامل نفسى فاهم انا بس سألتك الكلام اللى بتقوله عن تجربه ولا مثلا مجرد فكره او تعرف حد عملها عشان كلامك مكنش واضح
وعموما تانى شكرا على زوقك وانت راجل فى قمه الزوق
وعلى فكره انا برضه عندى عربيتين اسبيرانزا 516 و 620
وعموما شكرا على المعلومه اللى افادتنا بيها يازوق