الموضوع: انا مقتنع ان التعديلات الدستورية ليست الحل الأمثل لكن سأصوت بنعم . وهذه هي الاسباب

انا طبعا كنت اتمنى انه يتم انتخاب لجنة تأسيسية لوضع دستور جديد لأن هذا هو المنطق
لكنني سأصوت بنعم في الاستنفتاء القادم .....
اللجنة التأسيسية والدستور الجديد سيستغرق وقت طويل ... والجيش سيكون هو المسئول عن البلاد في هذه الفترة حتى مع وجود مجلس رئاسي ...... ده امر لا مفر منه
وده اللي مخوفني

1- لأني عاوز الجيش يفوق بقى لشغله ..... بصو حواليكو
.
..-.. الدنيا مولعة على الحدود الغربية ومش عارفين ايه اللي ح يحصل ومين اللي ح يتدخل ... والقذافي لا يمكن التنبؤ بأفعاله تماما
.
..-.. الجنوب مشكلة اخري .... السودان يتفكك وينقسم الى اكثر من دولة ولا تستطيع ان تعرف من معك ومن ضدك ... مع احتمالات غير محسوبة لنشوب نزاع مسلح لحسم مشاكل مياه النيل
..-.. الشرق مشكلة المشاكل ...اعداءنا اللي ما يتسمو ح يتجننو .... حسني اللي كان مظبطهم بالامن والسلام والغاز وما خفي كان اعظم ..... حسني مشي .... وهما مش عارفين مين اللي حييجي ومهما كان اللي ح ييجي مستحيل حيسيب الامور كما كانت .... لازم ع الاقل ح يعدل موقفه من الاتفاقيات ولو جزئيا لكي يكسب رأي الشارع المحتقن ضد الاتفاقيات الضعيفة ذات السمعة السيئة
يعني الدنيا ملتهبة بينا وبينهم
.
..-.. باقي الحدود الشرقية مع غزة مشكلة تانية والدنيا هناك كل يوم بحال
.
..-.. جيراننا عبر البحر الاحمر في حالة ترقب وانتظار لما سيسفر عنه التسونامي الثوري المصري التونسي الذي بدأ يؤثر على الامن هناك ... ودول وضعهم مختلف وامريكا لن تسمح بسقوطهم علشان البترول .... دي مفيهاش هزار ..... وكذلك الحال في باقي الجزيرة العربية لا سيما اليمن التي تتحكم بمضيق باب المندب الذي يعتبر شريان قناة السويس
..
..
..
يبقى كل دولة لازم تعتمد على نفسها وتعمل حساب جميع الاحتمالات .... وكل ده بيتطلب ان الجيش يبقى في اعلى حالات التركيز في امن البلد ....يبقى لازم الامور تحسم داخليا بسرعة والجيش يركز في مهامه لحماية البلد من الخارج
ولازم يبقى فيه حكومة دائمة مش مؤقتة ورئيس منتخب مش مجلس رئاسي بأسرع ما يمكن
..
2 - الجيش دلوقت مش راغب في السلطة وعاوز يسلم السلطة لحكومة ورئيس مدني
ده كلام رائع
لو انتظرنا بقى سنة ونص على من نعمل كل اللي احنا بنحلم بيه ..... ح يكون الامر اصبح مختلف
ايه اللي يضمن ان الجيش ما يغيرش رأيه ويقفز على الحكم ؟؟؟
مش يمكن الامور تستقر والقلق يخلص الكرسي يحلو في عينهم ؟؟؟
مش يمكن القيادات تتغير وبالتالي الطموحات تتغير .... ونرجع تاني لحكم العسكر ونتأخر دشليون سنة
..
..
يعني من الآخر عصفور في اليد
لازم امسكه .... وبعدين ادور على الباقي .... والباقي مش ع الشجر .... الباقي جاي ان شاء الله
طبعا ناس كتير ح تقول طب وايه الضمان ان اللي ييجي ح يغير الدستور
الضمان في امرين
الجيش وميدان التحرير
..
..
اكرر اني كنت اتمنى عمل دستور جديد
لكن امن بلدي القومي يحتم عليا اقبل بالتعديلات الى ان يتم تغيير الدستور
لازم عيننا تبقى مفتوحين
عين على مكتسبات الثورة والديمقراطية .... والعين التانية على امن بلدنا والموقف القليمي المحتقن وملتهب وعلى وشك الانفجار في اي لحظة

..
..
احمد ابراهيم
46 سنة
محاسب قانوني
..
..