أهمية أراء ملاك الشيفروليه اللانوس 2011

**mohamedibk** · 29-04-2011 10:54 AM

الله ينور عليك يا عمرو
عشان الواحد يبقى عارف ايه الحاجات او المشاكل العامة المتوقع حدوثها لقدر الله عندما يشترى تلك العربية وازاى يتعامل معها وانا حاسس ان تلك المشاكل دية مش كبيرة وغير مكلفة اوى بالدرجة التى سمعنا عنها فى تلك المناقشة
وانا مبسوط منك ومن الزملاء الذين شاركوا معنا فى هذا الحوار الممتع
الذي سوف يكون هدفاً صادقًا وصحيحاُ يصب من أجل مصلحة الجميع
وتحياتى اليكم
اخوكم / محمد

**medododo** · 29-04-2011 07:38 PM

فئة السيارة السعرية لا تتوقع منها الكثير
ولكن الحكاية استخدام وصيانة دورية
ومش هيكون في مشاكل جامدة
ان شاء الله

**medoampir** · 03-05-2011 03:11 PM

السلام عليكم ورحمه الله

mohamedibk انا وصلتنى رسالتك

قبل ما اقول رايى لازم تكون عارف ان ده مش راى محترف
يعنى انا يدوب بسوق العربيه

انا معايا لانوس 2010
- بقالها دلوقتى سنه و 8 شهور
- عامله 9000 كيلو

- غيرت صباع حراره بعد اسبوع من الشراء (وده كان عيب فى الموديل كله لانى لما رحت التوكيل وانا داخل بقول للامن سلام عليكم رد وقالى عداد الحراره مش كده سبت العربيه فى التوكيل واستلمتها بعد ساعتين
- عملت صيانه 5000 (270 جنيه)
- تحتك بالمطبات الغير قانونيه فقط اذا كنت مركب ناس اوزان كبيره (محكتش غير فى المطبات اللى الاهالى بيكونو عاملينها فى المناطق الشعبيه وده وانا مركب 3 كبار ومحمل الشنطه بوزن كبير)
مش عايز اقولك بقى انا معظم الوقت سواقتى فى شوارع زفت زى بولاق الدكرور وارض اللواء وفى السفر اسافر الى بلاد بالشرقيه والمنوفيه لن اذكر اسمائها لانها مش على الخريطه اصلا)
- اقتصاديه جدا فى البنزين
- طبعا بم اننى سائق غير محترف لم اتخطى سرعه 150 ك/س مكنتش قلقان من العربيه وكنت راكب انا و 3 اصحابى
- سحبت مع اسبيرانزا وفيرنا من وضع الثبات الفيرنا تسبق فى الاول لكن اللانوس بتسبقها بعد مسافه قصيره

ده كل اللى اعرفه والله على ما اقول شهيد

- اه ومره شديت مع بى ام 318 موديل 1999 جيت اسقط غيار ملقيتش الواد على الطريق مش عارف راح فين

**mohamedibk** · 03-05-2011 07:24 PM

المشاركة الأصلية كتبت بواسطة medoampir

السلام عليكم ورحمه الله

mohamedibk انا وصلتنى رسالتك

قبل ما اقول رايى لازم تكون عارف ان ده مش راى محترف
يعنى انا يدوب بسوق العربيه

انا معايا لانوس 2010
- بقالها دلوقتى سنه و 8 شهور
- عامله 9000 كيلو

- غيرت صباع حراره بعد اسبوع من الشراء (وده كان عيب فى الموديل كله لانى لما رحت التوكيل وانا داخل بقول للامن سلام عليكم رد وقالى عداد الحراره مش كده

سبت العربيه فى التوكيل واستلمتها بعد ساعتين
- عملت صيانه 5000 (270 جنيه)

- تحتك بالمطبات الغير قانونيه فقط اذا كنت مركب ناس اوزان كبيره (محكتش غير فى المطبات اللى الاهالى بيكونو عاملينها فى المناطق الشعبيه وده وانا مركب 3 كبار ومحمل الشنطه بوزن كبير)
مش عايز اقولك بقى انا معظم الوقت سواقتى فى شوارع زفت زى بولاق الدكرور وارض اللواء وفى السفر اسافر الى بلاد بالشرقيه والمنوفيه لن اذكر اسمائها لانها مش على الخريطه اصلا)
- اقتصاديه جدا فى البنزين
- طبعا بم اننى سائق غير محترف لم اتخطى سرعه 150 ك/س مكنتش قلقان من العربيه وكنت راكب انا و 3 اصحابى
- سحبت مع اسبيرانزا وفيرنا من وضع الثبات الفيرنا تسبق فى الاول لكن اللانوس بتسبقها بعد مسافه قصيره

ده كل اللى اعرفه والله على ما اقول شهيد

- اه ومره شديت مع بى ام 318 موديل 1999 جيت اسقط غيار ملقيتش الواد على الطريق مش عارف راح فين

medoampir
الله ينور عليك يا اخ ميدو امبير على مشاركتك الجميلة ورأيك الشخصى فى ذلك الموضوع

**mero100** · 03-05-2011 11:14 PM

شكرا للعضو ميدو امبير علي المشاركة اللطيفه :-)

لكن فيه استفسار....انت لما غيرت صباع الحراره ..كانت المشكله ايه اساسا؟.... و ذلك حتي نستفيد كلنا

و شكرا ميدو

**m0hsen** · 04-05-2011 12:17 AM

المشاركة الأصلية كتبت بواسطة waleedrahmy

اللانوس تكسب في التاريخ والشكل واعادة البيع ورخص قطع الغيار واستفتي قلبك

+11111

**mero100** · 04-05-2011 01:04 AM

شكرا للعضو ميدو امبير علي المشاركة اللطيفه :-)

لكن فيه استفسار....انت لما غيرت صباع الحراره ..كانت المشكله ايه اساسا؟.... و ذلك حتي نستفيد كلنا

و شكرا ميدو

**azeweel** · 04-05-2011 09:45 AM

أنا معايا لانوس2011 الحمد لله كويسه جدا ومفيش مشاكل ومسإلة القرب من الأرض هى مش واطيه بالدرجه وانت بتأقلم نفسك مع المطبات وربنا يوفقك فى الإختيار الصائب واللى ترتاحله نفسيا فى الأول هيكون الأقرب للشراء

**medoampir** · 04-05-2011 10:10 AM

المشاركة الأصلية كتبت بواسطة mero100

شكرا للعضو ميدو امبير علي المشاركة اللطيفه :-)

لكن فيه استفسار....انت لما غيرت صباع الحراره ..كانت المشكله ايه اساسا؟.... و ذلك حتي نستفيد كلنا

و شكرا ميدو

كان امبير الحراره مش بيتحرك خالص - دايما على الزيرو
حتى لو سافرت مسافه اكتر من 100 كيلو

**MOSTAFA . AHMED** · 04-05-2011 03:24 PM

السلام عليكم ورحمة الله أحب اوضح حاجة صغيرة 1- بما ان الشوارع بتاعتنا مش المانيا يعني والصحراوي عندنا مش الاوتوبهان ( طريق غير محدد السرعة في المانيا ) اذا انت عرضة لحفر ومطبات وبلاليع فانت في الغالب عايز عربية صيانة عفشتها متكونش غالية 2- وبما ان السواقين اللى حوليك مهماش لويس هاميلتون وشوماخر اذا انت عرضة للتريح على عربيتك والخبطاط الصغيرة اللي في غالب عبارة عن فانوس وغمازة اشارة وجرايد الباب وكفة مرايا ودي طبعا حاجات صغيرة فبتالي عايز عربية تكون قطع غيرها رخيصة ومتوفرة ولها بدائل كتيرة 3- بما ان البنزين زبالة واسعارة بتنط نطاط غريبة اذا انت محتاج عربية بتقبل تتعامل مع اي نوع بنزين ( موضوع ضبط فيشة الاوكتين ) حسب امكانياتك 4- بما ان التوكيلات في بلدنا معظمها ضعيف اذا انت محتاج عربية اي مكانيكي يعرف يتعامل معاهها 5- وبما ان اسعار العربيات في بلدنا بغزالة فانت محتاج عربية يكون سعر اعادة بيعا كويس وتكون مطلوبة في السوق 6- وبما ان العربية اللانوس متجربة ومعروف عيوبها قدر مجموعة من السادة الاعضاء الافاضل في هذا المنتدى مثلا ايجاد حلول ل 90% منها وهي حلول سهلة وبسيطة وغير مكلفة في تنفذها انا بقول الكلام ده بعد تجربة شخصية تتلخص في ركوب الاتي ( أوبل كورسا _ تويوتا ستارلت _ ديهاتسو تيريوس _ اوبل فيكترا _ جولييت 1 _ كيا سيفيا _ بولو _ ثم جولييت2 (2002 حتى الان ) تاني لقناعتي بانها عربية ( (good value for money) مع العلم ان اقصى عربية قبل كده كانت بتقعد معايا على اقصى تقدير 8 شهور من الزيرو وتتباع نتيجة اي عامل من العوامل السابقة على سبيل المثال .اسف على الاطالة ( مصطفى )