حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

**otefa** · 02-05-2011 04:51 PM

المشاركة الأصلية كتبت بواسطة زينة الله

حلو كلامك يا أخ أوتيفا فعلا أحنا محتاجين نظبط قواعد نتفق عليها تلائم مجتمعنا ومفيش مانع يكون فيها رجال دين للفتوة

ورجال قانون ومتخصصين فى مجال المؤسسة محل التنظيم أو القواعد المطلوبة (نادى رياضى - مؤسسة أجتماعية - خيرية ...)

ومش شرط إن كل القديم يتلغى ممكن يتغير فقط بعض القواعد حسب المصلحة العامة

الله يخليكي أ.زينة
مش شرط طبعا التغيير الكلي أحنا محتاجين شوية تنقيح للقوانين وفهم لروحها مش أكتر
يعني موضوع الجلبية حقيقي مش عارف هايسيء للذوق العام في أيه!؟
علشان نقابة هندسية محترمة تقيده وتضيع وقتها بعد كده في الدراسة لمدى قانونية قرارها نتيجة أعتراض شريحة من المجتمع أعتقد أنها ليست بقليلة

**nevozaky** · 02-05-2011 04:59 PM

المشاركة الأصلية كتبت بواسطة otefa

وعليكم السلام ورحمة الله
طيب ممكن حضرتك توضحي المرجعية ألي من خلالها ها نضع في قوانينا المقبول كذوق عام وأداب عامة؟
ماهو المقبول في نظر البعض غير مقبول في نظر مجموعة أخرى!
المرجعية في دولة مؤسسات بحكمها القانون في كل صغيرة وكبيرة زي ماقلت في مشاركتي فوق حاجة من 2
1- المرجعية الدينية(أسلام أو مسيحية أو يهودية) للدولة المدنية الديمقراطية أي دولة مش بالضرورة مصر
2-الديمقراطية للدولة المدنية العلمانية
تبيح وتمنع أي معاملات في المجتمع وفقا لرئي الأغلبية
لو طبقنا الموضوع ده على مجتمعنا المصري بأي مرجعية من ال2
وبما أننا أغلبية مسلمة فقوانين الدولة والنقابات يجب أن تعدل بما لايتعارض مع رئي الأغلبية(غالبا لن يتعارض مع الشريعة الأسلامية)
ختى في عدم وجود المادة ال2 (الي طبعا عن نفسي رافض للمساس بها)
الهدف من كلامي ده كله علشان نمنع دخول الأندية بالجلباب لابد من قانون واضح يدعم منعهم
طبعا أشك أن لبس الجلباب في أي من مرافق الدولة يتعارض مع أي قانون في الدولة ولكنه ممكن يكون قانون للنادي نفسه
في موضوعنا بنتكلم على نادي تابع لنقابة يبقى مطلوب توضيح قرار المنع ده أستنادا لأهواء شخصية من النقيب ولا بأغلبية الأعضاء(طالما بنتكلم على دولة المؤسسات والديمقراطية والحريات)
لو فيه عضو محامي ممكن يفيدنا في الجزئية دي
هل يجوز لأي هيئة أي ماكانت خاصة أو عامة أن تقيد حرية الأنسان في ملبسه حتى لكي يستطيع أستعمال مرافقها طالما لايتعارض مع الأداب العامة ألي هي محددة وفقا لدستورنا المعطل الشريعة الأسلامية(المعطلة جزئيا)؟

على فكرة اكيد حضرتك انا باتكلم على الملبس الموافق للاداب العامة فى الدولة سواء مسلميين او مسيحيين .والمفروض ان الاداب العامة واحدة تقريبا .سيبك من اللى بيحصل والناس هيه اللى بتخرج عن الاداب دى بمزاجها .
وصدقنى ما تفرقش نادى تابع لنقابة او نادى خاص المفروض يبقى قانون موحد .ويشتق منه عدة لوائح.
وبالنسبة لسؤال حضرتك انا مستنية اعرف الاجابة زيك
تقبل احترامى

**samcar** · 02-05-2011 05:02 PM

المشاركة الأصلية كتبت بواسطة elfashn

سيدى الفاضل انا والدى مهندس ومن المشتركين فى النادىونتردد على النادى الجديد الذى هو فى رأيى من احسن الانديه فى القاهره وقد قضينا فيه يوم شم النسيم وبالرغم من الزحام الشديد لكن مساحه النادى استوعبت العدد وقد استمتعنا باليوم .وبما ان حضرتك من المشتركين فى النادى اكيد عارف ان النادى ده اجتماعى ورياضى. ملابس الرياضه معروف شكلها عامل ازاى اما الوجود فى نادى اجتماعى فملابسه برضه معروف عامله ازاى مش معقوله كونى راجل كبير فى السن مش هلبس غير جلابيه ومتقوليش علشان مريحه مينفعش حضرتك اكيد شفت النادى جميل ازاى ومنظم ودى قوانين تحترم ان الدخول للنادى بالملابس المناسبه للمكان.وعلى فكره اول مالنادى فتح السنه الى فاتت رحت لمكتب المدير علشان اسأل على حاجه وانا كان معايا صاحبى وكنا لابسين لبس رياضى علشان كنا بنلعب كوره قام المدير قلنا مينفعش كده تيجولى المكتب بلبس زى ده وكل مكان وليه لبسه.وبصراحه كان عنده حق.اذا كنا عايزين نحافظ على مظهر المكان فلازم نلبس الملابس المناسبه بالمكان.وتخيل انك عازم اصدقاء ليك فى النادى وكان بالترابيزاه المجاوره ليكو اعضاء مرتتدين للجلاليب اكيد المنظر مش هيبقى مظبوط وعلى فكره انا بحب البس الجلابيه بس فى البيت او وانا رايح اصلى فى الجامع مش وانا رايح النادى

الفرق بين الحريه والفوضى شعره - للاسف احنا دايما نقع فى الفوضى وبعدين نبرر-الحريه الشخصيه مهمه ولابد تكون مقدسه فى حدود حريه الاخرين- انا عايز اسال لو حد حاول يدخل النادى - اى نادى - وهو لابس بلياتشو مثلا- ومش مع فرقه - حيكون رد فعل الاعضاء ايه - او حاول يدخل لابس خيش مقطع - اكيد مرفوض- نيجى للجلاليب- لو كان فى وفد خليجى مثلا جاى النادى - ولابسين جلاليب مش كان مدير النادى نفسه رحب بيهم من على الباب - يبقى العبره بشكل المظهر- يعنى لو جلابيه زى الخليجى - وفى انواع بتبقى اغلى من البدل - والمظهر محترم- ايه المانع من الدخول - هنا حريه مش فوضى - لكن لو جلابيه شبه جلابيه النوم او مكرمشه ومهلهله يبقى ما يصحش اصر على اذيه الناس بمظهرى - كده تبقى فوضى - بالنسبه للقس او شيخ الازهر- اظن يبقى غباء ادارى لو منعوا من الدخول والا بالمقابل اى زى رسمى لازم يمنع كمان من الدخول

مطلوب قواعد منظقيه تحترم وحريه مش فوضى

**samcar** · 02-05-2011 05:07 PM

المشاركة الأصلية كتبت بواسطة heshamzaky

تصدق بقا كبرتها فى دماغى هههههههههههه
طيب حا أقولك أنت عارف طبعا أن فية قوانين للحاجات دى يعنى فى شرطة السياحة و الاماكن الى فيها رقص بلدى شرطة السياحةو الاداب عندهم مثلا مواصفات لبدل الرقص الحريمى يعنى لو راقصة لابسة بدلة مش مطابقة للمواصفات بيعملو لها محضر شوفت دة مثل مقرف بس حتى بدلة الرقص ليها معاير مع أن كلها على بعضها موضوع أساسا عيب و حرام . بس حاطين لة قيود

هههههههههههه- فكرتنى بمسرحيه قديمه كان اسمها عفاريت مصر الجديده- توفيق الدقن كان عامل مفكر اتقلب- لظروف القهر لصاحب كباريه - كان بيقول للمساعد بتاعه عايزين بدله يشوفها ضابط الاداب حشمه ويشوفها الزبون عريانه - ههههههههه- حتى المعاير ممكن - واحنا عندنا خبره كبيره- يتلعب فيها

**sara2001** · 02-05-2011 05:08 PM

العرف هنا وهنا اقصد بها في القاهره بيقول ان مفيش حد بيروح النادي بجلابيه
مفيش حد بيروح الشغل او الجامعه بجلابيه
وكثير من المطاعم ايضاً
علشان كده هو منتقد وملفت
بعض الأماكن بتلزم الناس بالعرف ده حفاظاً على الذوق العام اللي هو مبني على العرف ده
وما يخالف العرف ده قد يوحي للبعض انه قاعد على قهوه بلدي مثلاً
في حين ان ده عادي جداً في بعض المحافظات الأخرى
مش عارفه ليه الموضوع تحول انه مجرد منع لإن له علاقه بالدين
في حين ان المنقبات والملتحيين بيدخلوا عادي
يعني المنع او تحديد الزي مبني على اساس ثقافي وليس ديني

**sara2001** · 02-05-2011 05:48 PM

المشاركة الأصلية كتبت بواسطة otefa

((بعض الأماكن بتلزم الناس بالعرف ده حفاظاً على الذوق العام اللي هو مبني على العرف ده))
أ.سارة ماهو العرف والذوق العام معيار فضفاض جداااااا
كل أفعال الأنسان تقريبا مباحة في الأصل أن لم يتم تقييدها سواء بشرع الله في الدولة المدنية ذات المرجعية الدينية أو بقانون مدني أو جنائي وضعي قاصر
الجزئية ألي بتكلم فيها ماهي ألية التقييد ومالفائدة القصوى ألي هاتعود على المجتمع من تقييد حرية الأنسان فيدخول النوادي بالجلباب ؟؟؟ده حتى أسمه نادي أجتماعي رياضي ترفيهي

والتزامه بحدود معينه للزي هيسيء له في ايه
بمعنى ألي بينادي أو بيقيد بالفعل حرية أنسانية يجب أن يكون بناء على أسباب واضحة ومدعومة بما يؤيدها من الدستور والقانون ألي بيدير البلد(مرجعية ثابتة)

ما قصدته ان العرف ده هو الآليه المتعارف عليها في كل مجتمع صغير كان او كبير
حتى وان كان العرف ده فيه عيوب
والعرف في القاهره غير العرف في الصعيد
والعرف في مصر غير العرف في دول الخليج وهكذا
وتغيير العرف ده تغيير تراكمي

**heshamzaky** · 02-05-2011 05:50 PM

حا أقولك حاجة صدقنى بنسبة 99 بالمائة لو الباب دة أتفتح حا تلاقى الدنيا قلبت فوضى تحت مسمى الحرية الشخصية . الاول اى واحد يقطع تذكرة و يدخل سواء لابس جلابية و لا لابس تى شيرت الخطوة الى بعدها شخص ما ممكن لابس تى شيرت و جينز حا قولك النجيلة بتجيب طراوة حلوة أية المانع أقعد على النجيلة الى بعدة يقولك حرية شخصية برضو بيحب ياكل فى أحضان الطبيعة الخلابة و ممكن يفرش ملاية و يطلع سندوتشات ياكل و غيرة يجيب معاة عمود أكل و يطلع و ياكل مش فارقة بقى دة كان لابس أية تى شيرت و لا جلابية الفعل واحد . شوية و تلاقى شباب عاوز يروش يقولك ما يعملو مكان فى الجنينة للمدخنين و مفيش مانع من شرب الشيشة مهى حريتة الشخصية و لها مكان مخصص و فى الهواء الطلق .
النهاية حا تلاقى المكان بقى زى حديقة الفسطاط مثلا يعنى سلوك الناس هو الى بيتغير مالهاش دعوة لابس جلابية و لا لابس كاجوال حتى . الحرية لها أداب عامة و أعراف متعارف عليها

**heshamzaky** · 02-05-2011 05:54 PM

المشاركة الأصلية كتبت بواسطة sara2001

العرف هنا وهنا اقصد بها في القاهره بيقول ان مفيش حد بيروح النادي بجلابيه
مفيش حد بيروح الشغل او الجامعه بجلابيه
وكثير من المطاعم ايضاً
علشان كده هو منتقد وملفت
بعض الأماكن بتلزم الناس بالعرف ده حفاظاً على الذوق العام اللي هو مبني على العرف ده
وما يخالف العرف ده قد يوحي للبعض انه قاعد على قهوه بلدي مثلاً
في حين ان ده عادي جداً في بعض المحافظات الأخرى
مش عارفه ليه الموضوع تحول انه مجرد منع لإن له علاقه بالدين
في حين ان المنقبات والملتحيين بيدخلوا عادي
يعني المنع او تحديد الزي مبني على اساس ثقافي وليس ديني

بالظبط كدة ممكن جدا فى محافظة من محافظات القاهرة حد يروح النادى بجلابية ممكن أو جائز فى القاهرة عمرى الحقيقة ما شوفت الموضوع دة
فى محافظات الوجة البحرى ناس كتير جدا لابسة شورتات فى الصيف و بتخرج بية عادى فى المصيف فى القاهرة محدش بيلبس شورت الا لو رايح يلعب كورة بس مش بيخرج بية فى الشارع الا نادر جدا و شكلة غريب شوية
يعنى كل بلد فعلا لها سلوها و عاداتها و تقاليدها
الموضوع فعلا يا أستاذة أنا لقيت تلميحات و كلام و دخول فى مواضيع دينية مش فاهم لية

-

-

الموضوع: حدث بنادي نقابة المهندسين بمدينة السادس من أكتوبر(خناقة محترمة) لم تصلها الثورة بعد

LinkBack

أدوات الموضوع

عرض

-

-

-

-

المواضيع المتشابهه

اعرف موقفك قبل انتخابات نقابة المهندسين

نادي نقابة المهندسين بالسادس من أكتوبر

نادى نقابة المهندسين

اسكان نقابة المهندسين

سؤال عن رحلات نقابة المهندسين

الكلمات الدلالية لهذا الموضوع

المفضلات

المفضلات

ضوابط المشاركة