الموضوع: ما هي العلمانية؟

المشاركة الأصلية كتبت بواسطة enas75

رد سريع علي العلمانيه معلش ....ايه اصل نشاءه العلمانيه ونشاءت في جو من الحريه ام هيا كانت نتاج كبت وتعذيب سنوات طوال من قبل الكنيسه في العصور الوسطي لدرجه ان كان من يقبض عليه ومعه كتاب يتهم بالهرطقه ويحرق.....تفتكر اي عقل سوي ممكن ينتج من مثل هذا المجتمع.............(ومش بقول كده سخريه)....لكن ده بمنطق العقل البشري ازاي مجتمع كامل تعرض للتعذيب النفسي المدمر ده ويخرج منه بدون تاثير..............
اكيد اتاثر......وحصل معاهم زي بالبلدي كده( اللي اتلسع من الشوربه بينفخ في الزبادي)
فصلو الدين عن الدوله.....والحقيقه هما فصلو الكنيسه اللي تحكمت فيهم سنوات طوال
طيب ازاي مبدا زي ده نشا في ظروف زي دي يصبح هو الحل
ازاي مبدا ازال ظلم بفرض ظلم ....يبقي هو الحل
العلمانيه متغيره بتغير البشر اللي بيفرضوها ....اذن هي تخدم مصالح فئه علي حساب فئه ......وممكن كمان سنتين تتغير وتخدم فئه ثالثه وتظلم فئتين الاولي والتانيه.....طب ازاي ده ممكن يبقي مبدا عداله .....ده في نظري ميفرقش كتيير عن النظام البائد اللي كان بيشرع قوانين بتخدم فئه دون النظر هي بتضر بمين
ممكن تقولي ازاي ممكن تضمن ليا اني ممكن احقق حريتي بدون تعدي علي حريه الاخرين في دوله العلمانيه حيث اني سمعت حتي هذه اللحظه 100 تعريف وتوضيح للعلمانيه ولمفهوم فصل الدين عن الدوله
او بالبلدي ....الموضه ايه السنه دي 2011 للعلمانيه

أحيى حضرتك على الرد العقلانى فى صلب الموضوع بدون لف ولا دوران ولا تخوين و لا حكم مسبق

و أتفق مع حضرتك فى نقطة ظروف نشأة العلمانية و عندى نفس التخوفات اللى حضرتك ذكرتيها.

العلمانيه متغيره بتغير البشر اللي بيفرضوها ....اذن هي تخدم مصالح فئه علي حساب فئه ......وممكن كمان سنتين تتغير وتخدم فئه ثالثه وتظلم فئتين الاولي والتانيه

و هو ده نفس التخوف اللى عرضه الأستاذ dell فى موضوعه ... لأن اللى بيطبق أى نظام حكم (حتى لو شريعة دينية) هم بشر فى الأول و فى الأخر.


بالمناسبة: أنا مكنتش ناوى أشترك فى الموضوع خالص و كنت هكتفى بالمتابعة ... لكن ما دفعنى لكل تلك المشاركات الآن هو إحساسى بمستوى حوار جيد و مسئولية من الأعضاء المشاركين .. فرجاء شخصى إن الحوار يستمر على هذه الدرجة.

المشاركة الأصلية كتبت بواسطة yoyome

انا دارس علوم سياسة

طيب وحضرتك دارس ايه من علوم الدين ؟ ولو سمحت كمان درست على ايد مين ؟

المشاركة الأصلية كتبت بواسطة yoyome

لا الحمد لله مدرستش علي إيد حد .. مفترض أصلا أي مسلم يكون عالم نفسة مش يدور علي حد يتعلم منة، القرأن موجود وأسباب النزول موجودة والتعامل مع كتب التراث الإسلامي والمعاجم كفيل بتدريبك علي التعامل مع النصوص

وبعدين أنت اية علاقتك بخلفيه دراستي .. مترد علي كلامي ولا هي سفسطه وخلاص؟

دة عامل زي سؤال قولي دينك قبل ما تتكلم معايا !

اسمحلي اختلف معاك في وجهة نظرك دي, و هقولك السبب طبعاً, لكن قبل اي شئ
لازم اقول ان في رأي و عن نفسي لا علاقة لي بمجال دراستك, و لا علاقة لي بدينك مهما كان...

بالنسبه لانك بتقول ان كل مسلم لازم يكون عالم نفسه (على حد تعبيرك), فلو افترضنا
ان حضرتك عالم نفسك, و قرأت القرآن الكريم, و تعثرت في معنى آية ما و مش فاهمها مثلاً
من المنطقي انك هتلجأ لحل من اتنين.......

إما... انك هتبحث عن معنى الآية الكريمه و تفسيرها في كتب التفسيير اللي بالفعل ساهم
في عملها عالم او مجموعه من علماء الدين....

أو... انك هتسأل عالم او مجموعه من علماء الدين مباشرة و تفهم منهم و تفكر و تحاول تقتنع...

في الحالتين لو اقتنعت بالفعل بتفسيير ما, يبقى كده حضرتك خدت المعلومه دي من عالم دين,
و بالتالي يبقى حضرتك اتعلمت و كسبت معلومه من عالم دين... يعني استفدت من عالم الدين

ماينفعش يكون في شخص عالم نفسه... و إلا كان يبقى كل واحد دكتور نفسه, و مهندس نفسه و هكذا

العلم مهم, و الدراسه و التبحر في مجال ما بتعطيك الافضليه و الاولويه في انك تقول رأيك
او تحسم جدال, او تفتي بشئ بحكم تخصصك في هذا الشئ و المفترض يكون كلامك صحيح...

قال الله تعالى... ( فاسألوا أهل الذكر ان كنتم لا تعلمون ) صدق الله العظيم

اذن وجود علماء الدين و الشيوخ مهم جداً و ضروري و كلنا بنستفيد منهم و بنفهم اشياء قد نكون لا نعلمها

و الله أعلى و أعلم...


بالنسبه لصلب الموضوع و رأي في العلمانيه و العلمانيين, انا قلته كتيييير قبل كده و رأي لن يتغير...


اتمنى اكون قدرت اوضحلك وجهة النظر قدر استطاعتي لاني مش عالم دين و لا شيخ...

تحيــاتي...

أنت تقول :

لا الحمد لله مدرستش علي إيد حد .. مفترض أصلا أي مسلم يكون عالم نفسة مش يدور علي حد يتعلم منة، القرأن موجود وأسباب النزول موجودة والتعامل مع كتب التراث الإسلامي والمعاجم كفيل بتدريبك علي التعامل مع النصوص

وبعدين أنت اية علاقتك بخلفيه دراستي .. مترد علي كلامي ولا هي سفسطه وخلاص؟

حضرتك أنا لست سفسطائيا لأنى أسألك عن علمك حتى أعرف منهجك وليس لأتموه أو أتحور فى حوارى معك .
ومن رد سيادتك السابق تبين لى أنك من أصحاب المنطق العقلانى المادى الذى يقيس كل الأمور بعقله فقط ولا يقبل غير ذلك ..

والتعامل مع كتب التراث الإسلامى وحدها لا يكفى لأن من كان علمه من كتابه كثر خطأه ...

وأيضا لا يتحصل العلم بالكتاب وحده ولكن لا بد من معلم يعلمك هذ ا العلم حتى ينقل إليك خبرته التى حصلها عن معلميه السابقين ,
وتلك الخبرة لا تحصل بالعقل فقط وإلا ما فائدة إرسال الرسل .. هل كان يكفى أن ينزل القرآن دون أن يقوم النبى صلى الله عليه وسلم بتبيينه للناس ... والتعلم تحت يد العلماء سنه السابقين ..

هل تستطيع أن تفسر القرآن بعقلك دون أن ترجع إلى سنة النبى ؟ وإذا قلت سأتعلم التفسير من كتب التفسير هل تستطيع ان تحكم بصحة أو ضعف الآثار والأخبار الواردة فى تلك الكتب .

الدين هو ملك للأفراد ينظم حياتهم وعلاقتهم ببعضهم البعض ولهذا السبب بالتأكيد أنا لا أمانع في أن نستوحي تشريعات من الأديان طالما كانت في صالح الناس

ومن قال لك أن الدين ملك للأفراد ؟ وما دليلك من القرآن أو السنة على ذلك ؟

وإذا كانت هناك تشريعات مستوحاه من الشرائع ( لفظ أديان لفظ خطأ والصواب شرائع لأن الله تعالى قال (( إن الدين عند الله الإسلام )) إذن هو دين واحد وشرائع متعددة ) وهذه التشريعات كانت ضد مصالح فئة معينة من الناس هل ستطبق أم لا ؟

المشاركة الأصلية كتبت بواسطة dell2000

العَلمانية (بالإنجليزية: Secularism‏) تعني اصطلاحاً فصل الدين والمعتقدات الدينية عن السياسة والحياة العامة، وعدم إجبار أي أحد على اعتناق وتبني معتقد أو دين أو تقليد معين لأسباب ذاتية غير موضوعية. ينطبق نفس المفهوم على الكون والأجرام السماوية عندما يُفسّر بصورة دنيوية بحتة بعيداً عن الدين في محاولة لإيجاد تفسير للكون ومكوناته

من أجل الوصول إلى دين صحيح، ينبغي على الدولة أن تتسامح مع جميع أشكال الاعتقاد دينيًا أو فكريًا أو اجتماعيًا، ويجب أن تنشغل في الإدارة العملية وحكم المجتمع فقط، لا أن تنهك نفسها في فرض هذا الاعتقاد ومنع ذلك التصرف. يجب أن تكون الدولة منفصلة عن الدين وألا يتدخل أي منهما في شؤون الآخر. هكذا يكون العصر هو عصر العقل، ولأول مرة في التاريخ البشري سيكون الناس أحرارًا، وبالتالي قادرين على إدراك الحقيقة".

إيه مشكلة العلمانية بقى مع الناس نفسي أفهم؟

أنت تقول :

العَلمانية (بالإنجليزية: Secularism‏) تعني اصطلاحاً فصل الدين والمعتقدات الدينية عن السياسة والحياة العامة

والله سبحانه وتعالى يقول (( وأن احكم بينهم بما أنزل الله ولا تتبع أهوائهم ))

(( والله يحكم لا معقب لحكمه ))

(( إنا أنزلنا إليك الكتاب بالحق لتحكم بين الناس بما أراك الله ))

وهذا تعارض صريح بين ماتقول وبين أمر الله تعالى !


أنت تقول :

من أجل الوصول إلى دين صحيح، ينبغي على الدولة أن تتسامح مع جميع أشكال الاعتقاد دينيًا أو فكريًا أو اجتماعيًا، ويجب أن تنشغل في الإدارة العملية وحكم المجتمع فقط، لا أن تنهك نفسها في فرض هذا الاعتقاد ومنع ذلك التصرف

ويقول النبى صلى الله عليه وسلم

(( كلكم راع وكلكم مسؤول عن رعيته ,))
وبما أن الحاكم للدولة راع ومسؤول عن رعيته فكيف يدع المحرمات ترتكب فى دولته ويسكت بدعوى فصل الدين عن الدولة والحرية

ويقول النبى صلى الله عليه وسلم (( من رأى منكم منكرا فليغيره بيده ........ إلى أخر الحديث ))
فإذا رأى حاكم الدولة منكرا ماذا يفعل ؟



أنت تقول :

هكذا يكون العصر هو عصر العقل، ولأول مرة في التاريخ البشري سيكون الناس أحرارً

والله سبحانه وتعالى يقول

{يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُم بَيْنَ النَّاسِ بِالْحَقِّ وَلَا تَتَّبِعِ الْهَوَى فَيُضِلَّكَ عَن سَبِيلِ اللَّهِ إِنَّ الَّذِينَ يَضِلُّونَ عَن سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ}

(( وما خلقت الجن والإنس إلا ليعبدون ))
(( وما ربك بظلام للعبيد ))

إذن فالحكم لله فى كل صغيرة وكبيرة والحكم يكون بالحق وليس الحق إلا فى شرع الله ولم يخلق العقل إلا لتفهم به مراد الله لانك لست حرا إنما انت عبد لله ليس لك من الأمر شيئ .