ما هي العلمانية؟

**heartbreaker** · 26-05-2011 06:57 PM

المشاركة الأصلية كتبت بواسطة dojuar

الحضارة اللي هما واهمينك أنهم أصحابها أحنا من أسسها لكن

وقعنا بسببك و بسبب غيرك و بقينا زي مانت شايف

و أوروبا تقيع الان في أحلك فترات ظلامها...ظلام الفجور و الفسق

[youtube]http://www.youtube.com/watch?v=zgltcpfdpum[/youtube]

معلش يا كبير بس بلاش الجملة ديه علشان ملهاش اي معني
اولا: لما بتقول "أحنا من أسسها" تقصد احنا كمسلمين ؟ و لو الاجابة بنعم....انت ليه بتربط الحضارة بالدين ؟
ثانيا: لما الاسلام هو اصل الحضارة في اوروبا اشمعنا معملش حضارة الا هناك ؟
ثالثا: لو هانتحجج بالاستعمارات اللي حصلت للدول العربية و منعها انه يبقي ليها حضارة علي مر التاريخ, طاب ما السعودية مكانتش محتلة قبل كدة مع العلم ان السعودية هي منبع الاسلام يعني الحضارة كلها (بناء علي نظرية احنا من اسسها)

**deee** · 26-05-2011 06:57 PM

للتنويه :

نظرية التطور مابتقولش ان اصل الانسان قرد زى ما 90% من الناس الموجودين معتقديين ..

النظرية بتقول إن الانسان والقرد كلااااااااااااهما من اصل مشترك ..

يعنى القرد مفضلش يتطور وبأه إنسان المعلومة دى مغلوطة تماماً .

ياريت ياجماعة اللى يقول معلومة يكون متأكد إنها صحيحة او على الاقل يقول انه مش متأكد منها ..

لكن ميقولش انها معلومة ثابتة ومسلم بيها .

وعلى أساسها يترتب آراء و مسلمات متربتة اساساً على شئ غلط ..

وده اللى بيؤدى بينا للتخبطات اللى احنا معاصرينها ..

بالمناسبة انا معجب جداً بطريقة الحوار بإستثناء بعض التجاوزات اللى منبثقة من نظرية المؤامرة المبالغ فيها .

**otefa** · 26-05-2011 07:08 PM

المشاركة الأصلية كتبت بواسطة otefa

dell2000
سؤال
مامصادر التشريع الديني عند المسيحيين؟ أعتقد حضرتك مسيحي ؟
مصادر التشريع في الأسلام القران والسنة النبوية

حدد ديانتك علشان نكمل كلامنا على بينة؟
موضوع العلم ده مش حجة ألا على العلم نفسه كانو بيقولو الأرض مسطحة وبعدين كروية وبعدين بيضاوية فلا ثوابت مسلم بها في العلم يتغير يوما بعد الأخر حسب تقدم وسائل الأستدلال به والأنسان بدون دين لن يصل الى الحقيقة في مالا يستطيع الأحساس المادي به........والعكس صحيح كل ماتقدم العلم نرى شواهد من الدين تؤكد على أنه كلام رب العالمين لمن لا يعترف ألا بالمادة البحتة عليه التفسير كيف ذكرت في كتاب الله من 1400 سنة
فسيبك من نظرية داروين والكلام ألي مش هايفيد كلها نظريات لادليل عليها بالمرة

**Dojuar** · 26-05-2011 07:14 PM

المشاركة الأصلية كتبت بواسطة mikho83

السؤال بمعنى تاني، أنا مسلم يبقى بقرأ قرآن وعارف ربنا وبسمع كلام ربنا ورسولي صلى الله عليه وسلم، وعلماني من المشاركات غير كده خالص، فكّر ونفّذ اللي في دماغك، إذا لا علاقة بين مسلم وعلماني، إما مسلم وإما علماني. صح كده ولا أنا فاهم غلط؟

الاسلام منهج عقيدة حياة...لا داعي لمناهج أخرى مبتدعة
وأديك شايف اخرتها بتبقى ايه!!!!

[quote=heartbreaker;3873527490]معلش يا كبير بس بلاش الجملة ديه علشان ملهاش اي معني
اولا: لما بتقول "أحنا من أسسها" تقصد احنا كمسلمين ؟ و لو الاجابة بنعم....انت ليه بتربط الحضارة بالدين ؟
ثانيا: لما الاسلام هو اصل الحضارة في اوروبا اشمعنا معملش حضارة الا هناك ؟
ثالثا: لو هانتحجج بالاستعمارات اللي حصلت للدول العربية و منعها انه يبقي ليها حضارة علي مر التاريخ, طاب ما السعودية مكانتش محتلة قبل كدة مع العلم ان السعودية هي منبع الاسلام يعني الحضارة كلها (بناء علي نظرية احنا من اسسها)[/quote]

نعم ...نحن المسلمين...لأن عندي في ديني الاسلام أن الله سبحانه و تعالى جعل لنا الأرض لنصلح فيها...جعلها أمانة

ما دليلك...هل تقيسها بالوضع الحالي؟؟ اذن أقول لك أسبابي

أسبابي و حجتي ليست بسبب الاستعمار...بل لأننا المسلمون تركنا المنهج الصحيح...لذلك نحن خذلنا أنفسنا و ديننا و بالتالي بعدنا عن أصلاح الأرض...و فرطنا في الأمانة

**رزق** · 26-05-2011 07:17 PM

نظرية التطور مابتقولش ان اصل الانسان قرد زى ما 90% من الناس الموجودين معتقديين ..

النظرية بتقول إن الانسان والقرد كلااااااااااااهما من اصل مشترك ..

يعنى القرد مفضلش يتطور وبأه إنسان المعلومة دى مغلوطة تماماً

أظن الرسمة دي - أو امثالها - شهيرة قوي

اللي خلى الإنسان ماينقرضش إنه عنده opposable thumbs و هي تتيح له القدرة إنه يمسك الأدوات على عكس باقي القرود
ومن اعطى الإنسان هذه القدرة هي الطبيعة الأم
وده جزء من نظرية el-natural selection الداروينية

**heartbreaker** · 26-05-2011 07:18 PM

المشاركة الأصلية كتبت بواسطة dojuar

أسبابي و حجتي ليست بسبب الاستعمار...بل لأننا المسلمون تركنا المنهج الصحيح...لذلك نحن خذلنا أنفسنا و ديننا و بالتالي بعدنا عن أصلاح الأرض...و فرطنا في الأمانة

و ايه الضمان ان لو مصر اتحكمت بالشريعة الاسلامية مش هيحصل نفس العلة اللي انت لسه مستخدمها كسبب وراء جهل و تخلف كل الدول العربية ؟

**رزق** · 26-05-2011 07:24 PM

الرسمة العنصرية دي برده معلش - مقدرتش امنع نفسي من نشرها

**yoyome** · 26-05-2011 07:36 PM

المشاركة الأصلية كتبت بواسطة otefa

حدد ديانتك علشان نكمل كلامنا على بينة؟
موضوع العلم ده مش حجة ألا على العلم نفسه كانو بيقولو الأرض مسطحة وبعدين كروية وبعدين بيضاوية فلا ثوابت مسلم بها في العلم يتغير يوما بعد الأخر حسب تقدم وسائل الأستدلال به والأنسان بدون دين لن يصل الى الحقيقة في مالا يستطيع الأحساس المادي به........والعكس صحيح كل ماتقدم العلم نرى شواهد من الدين تؤكد على أنه كلام رب العالمين لمن لا يعترف ألا بالمادة البحتة عليه التفسير كيف ذكرت في كتاب الله من 1400 سنة
فسيبك من نظرية داروين والكلام ألي مش هايفيد كلها نظريات لادليل عليها بالمرة

اية دة هو انت متعرفش تكلم حد إلا لما يطلعلك البطاقة وتعرف دينة !!

دة اسمة الرد علي الهوية زي القتل علي الهوية كدة ايام الحرب الأهلية في لبنان !!!؟؟؟؟

دة اية الإعجاز الفكري دة يا فندم !!

**otefa** · 26-05-2011 07:43 PM

المشاركة الأصلية كتبت بواسطة yoyome

اية دة هو انت متعرفش تكلم حد إلا لما يطلعلك البطاقة وتعرف دينة !!

دة اسمة الرد علي الهوية زي القتل علي الهوية كدة ايام الحرب الأهلية في لبنان !!!؟؟؟؟

دة اية الإعجاز الفكري دة يا فندم !!

لا يفندم بلاش سؤ الظن
حدد الدين علشان لو ملحد مش هاتناقش معاه لأني مش هاطلع بأي فايدة من حواره وهو قال مش مسيحي وسكت وكلامه بعد كده مايطمنش عايز يفسر كل حاجة في الكون بالعلم وده مستحبل طبعا يبقى أيه لازمة وجع القلب
وحدد دينك علشان كان فيه كلام على تعدد الزوجات والحجاب ووووو فلازم أعرف دينه علشان أناقشه
وبالراحة عليا لو أنت مسيحي جاوب على السؤال

**yoyome** · 26-05-2011 08:02 PM

المشاركة الأصلية كتبت بواسطة otefa

لا يفندم بلاش سؤ الظن
حدد الدين علشان لو ملحد مش هاتناقش معاه لأني مش هاطلع بأي فايدة من حواره وهو قال مش مسيحي وسكت وكلامه بعد كده مايطمنش عايز يفسر كل حاجة في الكون بالعلم وده مستحبل طبعا يبقى أيه لازمة وجع القلب
وحدد دينك علشان كان فيه كلام على تعدد الزوجات والحجاب ووووو فلازم أعرف دينه علشان أناقشه
وبالراحة عليا لو أنت مسيحي جاوب على السؤال

يا استاذي حاول تتعامل مع الناس برة منطق ديانتة شوية ... انا شخصيا مسلم ومش شايف ان الإسلام يبيح تعدد الزوجات بالطريقة الجهجهونية اللي بعض الشيوخ بتتكلم بيها وشايف ان الأية نفسها بتضع ضوابط مستحيلة التحقيق بما يعني شبهه تحريمة

زي ما أنا شايف ان تحريم الزواج من أي دين أخر يسري علي المسلم والمسلمة لأن الأية واضحة وضوح قطعي الظن والدلالة .. كون بقي الفقه إعتبر أهل الكتاب مشركين مرة وحلوين مرة وافتكس حجة غريبة وهي ديانة الأبناء انا مش مسؤول عن التضليل دة الصراحة وبعتبرة إفتئات علي الله والقرأن.

كمان أنا لا اعتبر ان تطبيق الشريعة واجب علي الدولة وإنما علي المسلم بأن يطبقة في حياتة وسلوكة، ومش شايف ان الدولة اللي لا تطبق الشريعة تعتبر دولة كافرة أو مش إسلامية، وأصلا انا معرفش الناس جابت منين مصطلح الدولة الإسلامية دة !! يعني لا لاقيته في السنة ولا في القرأن ... جابوه منين انا مش عارف فعلا !!

علشان كدة احب اقولك في الأخر ان المسلمين ليسوا كتلة واحدة جامدة ولا ليهم رأي واحد ... هناك من يتفق معي وهناك من يختلف معي ولهذا السؤال المسبق عن ديانة الأفراد لا يعنيني من الأصل !