ادي ابني الجنسيه المصريه ولا لا؟؟

**hazem_khidr** · 24-04-2008 03:39 AM

أوعى تتنازل عن الجنسية المصرية لإبنك .......... أوعى
الجنسية الألمانية حلوة و لها مميزات
و لكن الجنسية المصرية مهمة جدا
أولا لازم ابنك يطلع عنده إنتماء لبلده حتى لو كانت جمهورية المهلبية
و لازم يعرف أنه مصري ( بالورق كمان )
و خلى بالك لو سافرت خارج مصر لازم تخليه يتربى في مصر علشان البلاوي اللي الواحد بيشوفها من التربية الغربية و خصوصا إنه بيكون صعب التحكم في الأولاد و هم في سن المراهقة
و برضه حضرتك لن يكون لك عليه سلطة ............ و أيضا سيكون محمي حماية كاملة من الحكومة الألمانية
و برضه أنت لا تضمن بقاء علاقتك مع زوجتك ( ربنا يباركلك و يبارك في زوجتك و يبارك في ابنك )
و لكن أنا بتكلم عن الإحتمالات ............. و ربنا ما يجيب شر
لازم الولد يكون له الجنسية المصرية ..........
و ده رأيي الشخصي ......................................... يجب أن يكون له إنتماء لمصر ......... لازم ...... لازم ........ لازم ........ لازم

و شكرا

ارفع اليك القبعه يا استاذ توت تحيه علي كلامك العظيم دا :)

**Moh.Fahmy** · 24-04-2008 04:33 AM

طبعا مصري بدون اي كلام ....عارف ليه ..عشان حضرتك بتربي راجل يبقي لازم يتربي صح
و اسمح لي بسؤال هل لو خليته الماني حتعرف تربيه علي الطريقة الالمانية يعني حتستحمل لما يوصل لحد 16 سنة و ما تعرفش تسيطر عليه
يا جماعة احنا هنا في المنتدي متوسط اعمارنا برضه ما وصلش لان حد فينا يكون عنده شباب بيربيهم انما اللي الواحد شايفه ان الاولاد بالذات لو ما ربيتهمش صح في السن الحرجة دي حيأثر علي سلوكياتهم طول العمر
مش كل حاجة تتحسب بالجنيه و اليورو و الدولار فيه حاجات تانية اهم مش ممكن ملايين الدولارات تعوضها يعني مثلا لو مقابل اني بحسبها و بقيت مليونير هل حتنفعني او حكون سعيد بالفلوس دي لو ابني مش متربي كويس
لو يا استاذنا مصر علي طريقة الحسابات يبقي احسبها صح و خلي الولد عنده انتماء لبلده و لدينه و لازم يتربي علي الغيرة الشديدة علي الاتنين دول .. و انا مش بتكلم من فراغ لاني و الله اتعرضت علي فرص و في مجال عملي حكون بعدها مالتي ملونير و في دول عربية الا اني رفضت كل ده مقابل اني اربي اولادي في بيئة صحية عشان يطلعوا بمشيئة الله متزنين نفسيا و يضيفوا لبلدهم و لدينهم

محمد فهمي

**محمد عز** · 24-04-2008 07:26 AM

اخر الامثال اللى سمعناها : مصر مش هى امى ... مصر مراة ابويا ! :)

جااامدة يامحسن بيه

**abdelaziz-waleed** · 24-04-2008 07:43 AM

هو حضرتك بتسأل تدي الجنسية المصرية لأبنك ولا لأ.
هو قد كدة بقت الجنسية المصرية هايفة وتافهة وحاجة الناس تختارها ولا لأ
انا اسف في الكلام اللي هاقوله لحضرتك مع كامل اخترامي لحضرتك
معنى ان حضرتك تسأل يبقى في نقص شديد في انتماءك لبلدك
يا راجل دانا ببقى مستني اليوم اللي ارجع فيه بلدي بفارغ الصبر واتمنى ابوس ترابها.
طب ليه حضرتك ما عكستش السؤال وقلت هل ادي لأبني الجنسية الالمانية ولا لأ
حضرتك مرشد سياحي يعني زرت اماكن كتير في مصر واتعاملت مع كل انواع الناس في مصر وعارف قد ايه بلدك جميلة وتستاهل ان ابنك ينتمي اليها. الا لو حضرتك شايف غير كدة

حضرتك فكرتني باللي بيسأل اصلي ولا لأ

**tutankhamoun** · 24-04-2008 07:57 AM

المشاركة الأصلية كتبت بواسطة abdelaziz-waleed

هو حضرتك بتسأل تدي الجنسية المصرية لأبنك ولا لأ.
هو قد كدة بقت الجنسية المصرية هايفة وتافهة وحاجة الناس تختارها ولا لأ
انا اسف في الكلام اللي هاقوله لحضرتك مع كامل اخترامي لحضرتك
معنى ان حضرتك تسأل يبقى في نقص شديد في انتماءك لبلدك
يا راجل دانا ببقى مستني اليوم اللي ارجع فيه بلدي بفارغ الصبر واتمنى ابوس ترابها.
طب ليه حضرتك ما عكستش السؤال وقلت هل ادي لأبني الجنسية الالمانية ولا لأ
حضرتك مرشد سياحي يعني زرت اماكن كتير في مصر واتعاملت مع كل انواع الناس في مصر وعارف قد ايه بلدك جميلة وتستاهل ان ابنك ينتمي اليها. الا لو حضرتك شايف غير كدة

حضرتك فكرتني باللي بيسأل اصلي ولا لأ

دكتور عبد العزيز ......... مع إحترامي لرأيك الكامل و الجميل
بس الناس في مصر يخلوك تكره نفسك

و لما نصحنا بالجنسية المصرية مش علشان الناس و لكن علشان مصلحة الولد

**tutankhamoun** · 24-04-2008 07:58 AM

المشاركة الأصلية كتبت بواسطة hazem_khidr

ارفع اليك القبعه يا استاذ توت تحيه علي كلامك العظيم دا :)

يا باشا ألف شكر على ذوقك يا جميل :)

**abdelaziz-waleed** · 24-04-2008 08:07 AM

المشاركة الأصلية كتبت بواسطة tutankhamoun

دكتور عبد العزيز ......... مع إحترامي لرأيك الكامل و الجميل
بس الناس في مصر يخلوك تكره نفسك

و لما نصحنا بالجنسية المصرية مش علشان الناس و لكن علشان مصلحة الولد

استاذ توت بصراحة حضرتك اللي آراءك جميلة ومحترمة جداً
انا بصراحة اتحرق دمي من العنوان وصعب عليا بلدي جدا
وكون ان الباشمهندس صاحب الموضوع يدي لأبنه الجنسية علشان مصلحة الولد يبقى برده علشان المصلحة وليس علشان الانتماء
انا شايف ان الموضوع مش محتاج نصيحة ولا حتى ذرة تفكير.
وعند حضرتك حق ان الناس تخلي الواحد يطفش من البلد ويكسر 500 قلة في المطار بس البلد ذنبها ايه
انا على فكرة مش عايش بره مصر انا بشتغل شهر وباخد اجازة شهر وده من 7 سنين يعني تقدر تقول اني عايش في مصر يعني حاسس بيها وبناسها ورغم كدة والله اول ما بنزل في المطار بحس براحة نفسية غير عادية اكيد حضرتك جربتها.

**kfma1** · 24-04-2008 09:07 AM

انت يا عم خلاص اخترت

سيبت المصرية و تزوجت المانية

سيبت مصر و عشت فى المانيا

حتربى ابنك فى المانيا، يبقى حيطلع المانى لغة و تفكير و يمكن كمان دينا، ايه فائدة الجنسية المصرية.

بص كده شوف محمد الفايد بيحتفل زى العبيط بميلاد اول حفيدة له من بنته نتيجة علاقة غير شرعية

امثلة ليس للتشنيع و لكن لكى نعتبر

محمد الفايد عمال يقول قتلوا دودى و ديانا و نسي ان الموت علينا حق و ان دودى مات و هو زانى

و احتفل فايد بميلاد حفيدته الاولى لنجلته لتى حملت بعد علاقة مع مغنى اسبانى

شوف بقى نفسك بيقى عندك فلوس زيه، طب تقدر تتحمل ان ابنك و بنتك تزنى و تقف زى العبيط تحتفل بميلاد حفيدك من علاقة غير شرعية

يبقى مصر على فقرها احسن او اى دولة غربية

Life's grand for Al Fayed
From:
Daily Mail
Date:
June 30, 2006
Author:
RICHARD KAY

AT 73, Harrods owner Mohamed Al Fayed has become a grandfather for the first time, I learn.
Fashion designer Jasmine - the eldest of Mohamed's four children from his second marriage to his Finnish-born wife Heini - has given birth to a baby daughter, Delilah Jasmine.
Says an aide at Harrods: 'Mr Al Fayed is over the moon at becoming a grandfather. The family have nicknamed the baby Lemon, because with her pursed lips she looks like she's sucking on one.' Jasmine, who has her own semi- eponymous fashion label Jasmine di Milo, has been dating the baby's father, a musician called Noah, for almost two years.
At the launch of The Bar at the Dorchester, Jasmine's sister, proud new aunt Camilla, 21, tells me: 'Delilah Jasmine is a month old now and is absolutely adorable. The whole family is thrilled. My sister has started designing again now.' Could a range of elegant babywear be in the offing?

**Meedo** · 24-04-2008 09:27 AM

ياراجل حرام عليك لو اديت أبنك الجنسيه المصريه هايفضل يدعى عليك بقية عمره بالله عليك أعمل فيه معروف وأديله أى جنسيه محترمه أنا رحت أوروبا مرتين وشفت هناك الفرق بين المصرى والأوروبى ألى جانب ان الأجنبى فى مصر بيتعامل احسن منا 100 مره

**abdelaziz-waleed** · 24-04-2008 09:44 AM

المشاركة الأصلية كتبت بواسطة Meedo

ياراجل حرام عليك لو اديت أبنك الجنسيه المصريه هايفضل يدعى عليك بقية عمره بالله عليك أعمل فيه معروف وأديله أى جنسيه محترمه أنا رحت أوروبا مرتين وشفت هناك الفرق بين المصرى والأوروبى ألى جانب ان الأجنبى فى مصر بيتعامل احسن منا 100 مره

حضرتك شوفت في اوروبا ازاي الابناء بيتعاملوا مع اباءهم وخاصة عند الكبر . انا مرة سألت واحد زميلي في الشغل انجليزي قلتله بتعملوا ايه مع اباءكم لما يكبروا في السن راح عامل ايده على هيئة مسدس وقال طاخ

وبرده ليا واحد زميلي فرنسي قاللي انا اتمنى اني اموت قبل ان اصل الى هذا السن من العمر على الرغم انه عنده ولد قلتله ليه ابنك سوف يراعيك قالي لأ طبعا. واقسم لك بالله ان ما احكيه لك هو ما حصل فعلا بدون مبالغة
لو ادى لأبنه الجنسية المصرية يبقى كدة ضمن ان في حد هيراعيه عند الكبر يعني مصلحة ليه هو في المقام الاول. رغم اني ضد اي نوع من المصلحة مقابل الجنسية المصرية

الموضوع: ادي ابني الجنسيه المصريه ولا لا؟؟

LinkBack

أدوات الموضوع

عرض

-

-

-

-

-

-

المواضيع المتشابهه

فكرت تتخلى عن الجنسيه المصريه و تاخد جنسيه أجنبيه أيا كانت ؟

الذاكرة عند ابني ضعيفة

ابني مش بينطق حرف الراء

الكلمات الدلالية لهذا الموضوع

المفضلات

المفضلات

ضوابط المشاركة