الموضوع: ادي ابني الجنسيه المصريه ولا لا؟؟

على فكرة فى نقطة مهمة افتكرتها، يا ترى ايه اخر اخبار التأشيرة بتاعتك؟ لو الأمور لسه معصلجة و لو ان شاء الله مشيت تمام، يبقى برضوا لازم ابنك يبقى ليه شهادة ميلاد مصرية علشان متضمنش ظروفك انت، مش كويس انك ييجى عليك وقت تبقى مش عارف تعيش مع ابنك فى بلد واحد علشان ممعكش تأشيرة او اقامة او جنسية

شوف يات سيدى الفاضل:
لو ان الإحتفاظ بالجنسية الألمانية لا يستلزم التنازل عن المصرية

ولو انك بتفكر ان ممكن ابنك يكون له اى مصلحة فى مصر مستقبلا

يبقى خد له الجنسة المصرية

لأنه فى مصر مفيش حاجة مضمونة، ممكن بكرة الصبح يطلع قانون بمنع الأجانب من تملك اى شئ فى مصر كما هو حاصل فى بعض دول الخليج، فبالتأكيد الجنسية المصرية هتديله مميزات لو هيعيش فى مصر ، اقله عدم الإحتياج لتجديد اقامته فى مصر كل شوية
كما ان الجنسية المصرية تتيح له دخول بعض الدول العربية بدون تأشيرة، مثل الأردن وسوريا وليبيا واعتقد اليمن

لكن لو مش ناوى يعيش فى مصر يبقى الجنسية المصرية مالهاش لازمة

المشاركة الأصلية كتبت بواسطة zalabany2007

سبعاوي باشا لو الجنسية المصرية هاتدخلو الاردن وسوريا وليبيا بدون تأشيره فالألمانيه هاتدخله قطر والإمارات من غير تأشيره

انا لم اقل فى كلامى نهائيا التنازل عن الجنسية الألمانية، ده غير وارد اصلا، انا من بداية الكلام قلت انه لو ينفع يحتفظ بالإتنين مع بعض يبقى يشوف موضوع الجنسية المصرية

المشاركة الأصلية كتبت بواسطة araberphilosoph

يا جماعه كيف الاحوال
انا عايز رايكم
تفتكرو ا ادي لابني الجنسيه المصريه ولا لا!!!؟؟
بعيد عن شعارات الحماس ومصر هي امي والكلام ده بالعقل والمنطق هيكسب ايه لو اخد الجنسيه المصريه وهيخسر ايه لو مخدهاش!!!!
اي اجنبي في مصر له حقوق اكتر من المصري وكمان فرصه في العمل والاستثمار اعلي!!
واحسن له عشان مفيش لا شرطه ترخم عليه ولا جيش يصطاده
يعني يبقي معاه الجنسيه الالمانيه بس!!!
رايكم ايه؟ وبكرر بعيد عن كلام الحماس والشعور الوطني
اه ليه ولا ليه؟ مستني ردودكم

طيب انا شايف ان سعادتكم واخد قرار ومش عايز كلام وطنى وشعارات 00 امال بتسأل لية - خد القرار اللى سعادتكم واخدة ومقتنع به اللى انا شايفة انك لا ترغب فى اعطائة الجنسية المصرية وهذا حق لك
ولكن الامر مش شعارات ولا كلام ، واعتقد انه من الممكن ان يحتفظ بالجنسية الاجنبية والمصرية بشرط موافقة وزارة الداخلية والامر ليس صعب فلدينا المغربى وزير الاسكان وابو العينين وغيرهم كثيرون يحملون جنسيات اخرى غير مصرية
ربنا يوفقك لما فيه الخير

لا لازم الجنسية المصرية عشان يقدر يقدم على وظيفة في القوى العاملة

لو ممكن تاخد عشر جنسيات و تحتفظ بالمصرية ايه المانع ؟.. زيادة الخير عشرة ..!
لو الجنسية المصرية الرسمية حتنمنع عنك خير بلاش منها .. حب الوطن ده فى القلب
مش فى الورق و الاختام و فى العصور السابقة قبل القرن 19 مكنش فى جوازات
و لاحدود و لا تأشيرات و الحاجات اللى اتعملت بعد العيشة ما اتعقدت .. ابن بطوطة
و ابن عطعوطة و غيرهم كانوا بيسافروامحدش بيقولهم رايحين فين و لا بيمروا على
حاجز تفتيش اليكترونى و الحاجات اللى بقت تطهق ده .. الجنسية الالمانية الشنجاوية
ده اصلا تدخلك حوالى عشرين دولة اوربية باليطاقة العادية .. و فى الدول الاخرى صحيح
مش حيقولوا يا بيه و لا يا باشا و شغل الاونطة ده لكن حيعاملوك بأحترام بدل ما يبصوا
لجواز سفرك المصرى و يعتبروك ارهابى او رايح تدور على شغل بلا تصريح و يركنوك
على جنب .. يا راجل هى محتاجة تفكير ؟ .. شوف مصلحتك يا سيد ؟ ;)