الموضوع: نيو النترا و لا فلوينس

السلام عليكم جميعا
كل سنه وكلكم طيبين انا بايع عربيتي من قبل رمضان بس كنت عامل غلطه رهيبه اني مش مستقر على العربيه اللي هشتريها و فضلت محتار بين حوالي سبع عربيات لحد ما وصلت للاختيار ده نيو النترا ولا فلوينس انا معايا 140000 الف يعني تقريبا الفئه 2 في الفلوينس و الالنترا هيكون فيها abs و انا مش ناوي ابيع قبل سبع سنين على اقل تقدير الا اذا صل حاجه لا قدر الله
- يا ريت يا جماعه اللي يرد يكون جرب العربيتين

المشاركة الأصلية كتبت بواسطة moustafa_saad

اختيار موفق لاى من الاتنين
العربيتين كويسين فعلا
بس للاسف مش حتلاقى اجابه واضحه
الللا راكب هيونداى حيقولك الينترا
واللى راكب اوروبى حيقولك فليونس
وطبعا محدش جرب الاتنين

بس معلومه ليك اسعار قطع الغيار للفلوينس مش غاليه زى ما حتسمع من بعض الاعضاء واعتقد انها ارخص من الالينترا فى حالات كتير وفيه موضوع فى قسم رينو عن اسعارها
اعمل موضوع فى كل قسم وشوف مميزات وعيوب كل عربيه وبعدين خد القرار بنفسك

شكرا لاهتمامك بس الصراحه انا محتار و مش عارف اخد القرار خصوصا اني زي ما قلت مش ناوي ابيع قريب فخايف اني اتدبس

المشاركة الأصلية كتبت بواسطة adry_adry

شكرا لاهتمامك بس الصراحه انا محتار و مش عارف اخد القرار خصوصا اني زي ما قلت مش ناوي ابيع قريب فخايف اني اتدبس

أنا قريت الجملة دى من غير ما أقرا مش ....
فأفتكرت أنة ناوى يبيع قريب ....
ما علينا ....

لو صاحب الموضوع بيفكر فى سعر أعادة البيع يبقى ألنترا ....
لو بيفكر فى عوامل الأمان والثبات ومش فارق معاة سعر أعادة البيع يبقى الفلوانس ....

شكرا لاهتمامكم بس يا ريت اعرف اللي بيختار الالنترا على اساس ايه وبردو الفلونس

مادمت ناوى تبيع قريب يبقى ألنترا وش من غير تفكير كتير ....
اليومين دول الكورى هو اللى كسبان ....
عارف حضرتك أنا مرة قابلت تاجر عربيات فى المرور و أتفتح ما بينا حوار ....
الراجل كان بيحلف أنة لما كان بيشترى عربية كورى بيبعها خلال أسبوع أو أتنين ....
ومرة أشترى ميجان فضل ساعة يشكر فى ثباتها وقوتها لكن مكانش عارف يبيعها حوالى 6 شهور ....

المشاركة الأصلية كتبت بواسطة ghosts

مادمت ناوى تبيع قريب يبقى ألنترا وش من غير تفكير كتير ....
اليومين دول الكورى هو اللى كسبان ....
عارف حضرتك أنا مرة قابلت تاجر عربيات فى المرور و أتفتح ما بينا حوار ....
الراجل كان بيحلف أنة لما كان بيشترى عربية كورى بيبعها خلال أسبوع أو أتنين ....
ومرة أشترى ميجان فضل ساعة يشكر فى ثباتها وقوتها لكن مكانش عارف يبيعها حوالى 6 شهور ....

شوف اخى الفاضل البيع و الشراء تساهيل من عند ربنا
انا ح اقول لك حاجتين حصلوا معايا شخصيا
انا كان معايا فيات بيترا اللى كل الناس بتقول عليها صعب جدا فى بيعها لما جيت ابيعها قسما بالله بعتها فى ساعه واحده و كمان كسبت فيها مبلغ مش بطال
برضه البيجو 405 عملت اعلان فى كونتاكت و تانى يوم كانت العربيه متباعه و كمان اللى اخدها جالى من القاهره لغاية اسكندريه و اخد العربيه حتى من غير ما اطلع له شهادة المخالفات
الخلاصه ان موضوع البيع و الشراء هو توفيق من الله سبحانه و تعالى و انا رأيى ان الانسان ما يحطش الموضوع ده فى دماغه اوى يعنى اللى تعجبه عربيه يتوكل على الله و يسيب الغيب على الله و يدعوا الله انه يحفظها له يعنى على سبيل المثال ممكن واحد يشترى عربيه علشان سعر اعادة البيع و لا قدر الله تتخبط و يضطر انه يرش دواخل فطبيعى سعرها ح ينزل كتير عن و احد اشترى عربيه من اللى بيتقال عليها تقيله فى البيع بس تكون سليمه و يكون سعر اعادة بيعها اعلى بكتير من التانيه
يارب تكون وجهة نظرى وصلت و كل سنه و الجميع بخير

المشاركة الأصلية كتبت بواسطة sehsss

ما فيش وجه مقارنة بين الفرنساوي والكوري يا راجل

قصدك مافيش وجه مقارنه بين الكورى والتركى ..صح ولا انت غلطان !!!!!