الموضوع: شاب و حيران و محتاج استشارة الناس فى موضوع الجواز

بس انا مش معاك فى حكاية الطاعة سلوك مكتسب الا فى حالة واحدة انها تكتسبه من تعلمها لدينها اللى هيغير فى سلوكها وشخصيتها غير كده لأ

اعلق 3 4 فى نفس الوقت دى مش حلوة ولا انت شايف ايه ما تشوف واحدة وتقرر ولو معجبتكش خلاص انما بتقارن بينهم وتحير نفسك ليه ودى اهانة ليها تقبل على نفسك كده؟ لو حصلت بالصدفة حاجة واما تبقى متعمد ده شىء فظيع

المشاركة الأصلية كتبت بواسطة m000dy

ده حصل لسببين
اولا عشان كانت مش عاوزاه يطير منها فاستعملت سلاح الانثى اللى هو الرقه والطاعه
ثانيا لا مؤاخذه عشان لقيته بعد الجواز مش الشخصية اللى كانت فى خيالها قبل الجواز يعنى من الاخر لا بيهش ولا بينش ومابيقدرش يعمل حاجه لو وقفت فى وشه
انا واحد من الناس بصراحه بحدد معاملتى على اساس اللى قدامى يعنى مثلا
فى واحده بتحس ودى نادره ومعاملتها صعبة لان الواحد لو مش بيحس يبقى ها يظلمها يعنى مثلا لا تقول عاوزه ده ولا اشتريلى دى هى لما تقول اشترى لى دى تبقى مبتحسش ده تفكير غريب !وعندى واحد صاحبى ربنا يديم عليه نعمته مراته لما تعوز حاجه ونفسها تبقى فيها تبصلها اوى لكن ما تتكلمش ولا تجيب سيرتها حتى ولا تلمح وهو بسم الله ما شاء الله يبقى عارف مراته نفسها فى ايه ويجيبهولها عشان كده ربنا كارمه
وفى نوع تانى ما جيجش الا بالبصه القاتله وده اخرها فتتعدل
ونوع جليد لا يحس ولا يفهم البصه فالكلام بيبقى الحل وده نوع غبى
ونوع لا بيحس ولا بييجى بالبصه ولا بالكلام وده النوع اللى ما تتكيفش ولا تتظبط الا لما تتصبح بعلقة وتتمسى بعلقه وتمامها تتجوز جزار ولا تاجر خضار
وفى نوع ما بتجيش بكل ده وحلها ان انت اللى تيجى (طبعا مفهومه ) انك تبقى منظر يعنى والنوع ده اغلبيته مابيظهرش الا بعد الجواز ومابتتشجعش انها تظهر الا لما تلاقى شخصية جوزها ميييييييح
ده موجز لخبرتى مع صنف الحريم فيما يخص شخصياتهن
وشكرااالتقسيمة كلها على بعضها الحمد لله انك بتقول خبرتك الشخصية
طبعا احب أأكد على حاجتين من كلام اخوانى اللى فات
اهم حاجه الطاعه لانها تنم عن تربيه وتحكم فى الاساس المشكلة ان فى حاجة اسمها التفاهم واللى فى ناس مش قادرة تفصل بين طاعة المرأة لزوجها ومشورته ليها واخذه برأيها وبتعتبره كده خنوع مع ان الرسول عليه الصلاة والسلام اخذ برأى زوجته فى صلح الحديبية ومتكسفش من ده لأنها عندها رأى حكيم ففى توازن فى الموضوع
تانى حاجه ان مفيش مقياس تقدر تمشى بيه عشان تختار الزوجه ولو كان فى ماكانش حد غلب لكن الرسول صلى الله عليه وسلم حط خطوط عريضه دور عليها والباقى هايبقى مقدور عليه ان شاء الله لو كل طرف عرف حقوقه وواجباته كويس وحاول يدى كل واجباته ومياخدش كل حقوقه هتبقى السعادة المطلقة
ودور وانت بتدور هاتلاقى نصيبك وقع قدامك وماتقلقش هايقع هايقع لانك بتسعى لرزق (خير متاع الدنيا الزوجه الصالحه) واللى يسعى لرزق ربنا بيكافئه على حسب تعبه ونيته
كمان عاوز اقوللك حاجه مهمه قوى انك اول ما هاتختار وتنوى هاتلاقى ابواب رزق اتفتحتلك من حيث لا تحتسب ياما ناس نوت تتجوز وماكانش معاه مليم فى جيبه وفى خلال سنه ولا اتنين لقى نفسه فى شقته وجاهزه ةفيها عفش واجهزه وباب مقفول عليه
منين ؟
ماتسالش بس انت انوى وبكره تشوف

كيف تسعد زوجتك على عبد العال الطهطاوى
==========================
تأثر الناس بأفكار الحضارة الغربية فجعلوا من طاعة الزوج رجعية ومن تفاهم الزوج مع زوجته ضعف وخور فكثر الطلاق فالزوج ظالم لزوجته والزوجة لا تؤدى حق زوجها والأبناء يدفعون الثمن

بعض الأزواج يرفع صوته على زوجته لأقل الأسباب ولا يشاركها فى حلو المور ومرها ويقدم السهر مع اصحابه او الى السياحة عن البقاء معها مما يحطم نفسيتها

الزوجة يرث عنها الولاد كثير من الصفات وفى احضانها يكتسبوا عاداتهم وتقاليدهم
فعنى السلام باختيار الزوجة الصالحة التى تحافظ على دينها وترعى حق الزوج وكثيرا ما يتطلع الناس للمال او الجمال الفاتن او الجاه العريض او النسب العريق وليس حسن التربية مما ينتهى بثمرة زواج مرة فيجب الا يكون القصد الول هذه الغايات الدنيا بل الدين اولا ثم بعده هذه الصفات

ينبغى ملاحظة التقارب فى المركز الجتماعى وااسن والمستوى الثقافى والقتصادى مما يعين على دوام العشرة

قال تعالى (وعاشروهن بالمعروف)
قال صلى الله عليه وسلم :استوصوا بالنساء خيرا فان المرأة خلقت من ضلع اعوج وان اعوج ما فى الضلع اعلاه فان ذهبت تقيمه كسرته وان تركته لم يزل اعوج فاستوصوا بالنساء
وقال :ان من أكمل المؤمنين ايمانا احسنهم خلقا والطفهم بأهله حسنه الترمذى

المشاركة الأصلية كتبت بواسطة husseinsalah

والله دى حصلت مع واحد صاحبى وكان اخر واحد اتجوز فينا انما العبد لله كنت بحسن النية فى اى زيارة لاى واحدة ومابقفش كتير امام الجمال والمثالية لكن نقول اية بقى فى تفكير اهل البنت اللى فى الاول بيقولوا احنا بنشترى راجل ولما بندخل فى الجد بيبيعوا 100 راجل

وصاحبك ده مفكرش ان هى ممكن ترفض فرص بسببه مع ان هى من حقها شرعا تشوف لو جالها واحد تانى فى نفس الوقت لأن وضع البنت انها قاعدة فى البيت لم تعطى رأى فى صاحبك ده وناس بتجى لها يمكن واحد كل شهر يمكن واحد كل سنة ففرصها محدودة لكن هو بعد ما ترد عليه ممكن يدخل بيت كل يوم فمعندوش نفس المشكلة لكن اللى ماشى فى المجتمع ان طالما واحد دخل البيت هترفض اى واحد تانى والمسكينة متعرفش ان البيه عاملها استبن وبيضيع عليها فرص وخلاص شىء مستفز