شاب و حيران و محتاج استشارة الناس فى موضوع الجواز

**azmeralda** · 12-09-2011 03:23 PM

قال تعالى ولهن مثل الذى عليهن بالمعروف وللرجال عليهن درجة

وفى الحديث المقسطون يوم القيامة على منابر من نور على يمين الرحمن (وكلتا يديه يمين )الذين يعدلون فى حكمهم واهليهم وما ولوا

قال ابن عباس انى احب ان اتزين للمرأة كما احب ان تتزين لى

**husseinsalah** · 12-09-2011 03:28 PM

المشاركة الأصلية كتبت بواسطة azmeralda

وصاحبك ده مفكرش ان هى ممكن ترفض فرص بسببه مع ان هى من حقها شرعا تشوف لو جالها واحد تانى فى نفس الوقت لأن وضع البنت انها قاعدة فى البيت[overline] لم تعطى رأى فى صاحبك ده[/overline] وناس بتجى لها يمكن واحد كل شهر يمكن واحد كل سنة ففرصها محدودة لكن هو بعد ما ترد عليه ممكن يدخل بيت كل يوم فمعندوش نفس المشكلة لكن اللى ماشى فى المجتمع ان طالما واحد دخل البيت هترفض اى واحد تانى والمسكينة متعرفش ان البيه عاملها استبن وبيضيع عليها فرص وخلاص شىء مستفز

راجعى مشاركتى هتلاقى بالظبط رأى فى واحد زى صاحبى شايف انة لقطة ولازم هو كمان يقع فى واحدة ملهاش حل من جميع الجوانب وبعدين ما انا قلت اللى فيها ايام ما كان الواحد بيدور على عروسة وازاى كنت ممكن اوافق على اى واحدة اقل ما توصف عادية جدا فى كل شيىء لكن لما الواحد بيخش فى الجد بيلاقى طلبات وتصرفات غريبة جدا منها ومن اهلها ..... ماتفكرنيش بقى باللى فات دى عاوزة موضوع لواحدة .

**azmeralda** · 12-09-2011 03:28 PM

فمن حقوق الزوجة حسن العشرة وتعليمها امور الدين والصداق
والعتدال فى الغيرة والنفقة
والعدل فى القسمة ان كان متزوج اكثر من واحدة
وكف الذى عنها ومراعاة شعورها
وكان صلى الله عليه وسلم يقوم على خدمة اهله بنفسه يخصف النعل ويرقع الثوب ويكنس الدار

وان لا يفشى سرها ولا يذكر عيبا فيها (واخدين بالكو ياللى بتفضفضوا)

وان لا يسهر خارج المنزل لساعة متأخرة من الليل وان لا يطمع فى مالها سواء موظفة او ورثت فينغص حياتها كى تتنازل عنه بغير طيب نفس

**azmeralda** · 12-09-2011 03:29 PM

انا مش بلومك انت انا بقول عليه هو خليه يطلع لى بره بقى

**husseinsalah** · 12-09-2011 03:33 PM

المشاركة الأصلية كتبت بواسطة azmeralda

انا مش بلومك انت انا بقول عليه هو خليه يطلع لى بره بقى

حصل خير ومش محتاجة صاحبى يطلع لك برة، فية اخت ليكى بتاخد حقكم دلوقتى منه (زوجتة)

**azmeralda** · 12-09-2011 03:33 PM

ان يتحبب اليها ويناديها بأحب الأسماء اليها ويكرمها بما يرضيها ومن ذلك اهلها

وان يستمع الى حديثها ويحترم رأيها ويأخذ بمشورتها اذا اشارت عليه برأى صواب

واحتمال الأذى منها والحلم عند طيشها وغضبها

المداعبة والمزاح
=========
ومن اسباب المشاكل الزوجية المعاصى فما زالت عن العبد نعمة الا بذنب
وهناك ازواج يهددوا بالطلاق على اتفه الأمو كبكاء الولد او شىء انكسر
========

وكفاية عليكو كده اما تبقو تعملوا كل ده الأول : )

**azmeralda** · 12-09-2011 03:35 PM

المشاركة الأصلية كتبت بواسطة husseinsalah

حصل خير ومش محتاجة صاحبى يطلع لك برة، فية اخت ليكى بتاخد حقكم دلوقتى منه (زوجتة)

طب كويس انا لسه كنت هقول ربنا يكون فى عونها : ) ربنا يهديهم هما الأتنين لبعض

**ahmed ismail** · 12-09-2011 04:03 PM

يا جدعاااااااااااااااااااااا ااااااااااااااااااااااااا اااااااااااااااااااان
سيبكم من موضوع الطاعة ده انا لسه حتى متقدمتش
لما اواجه المشكلة ديه حبقى اسئلكم عنها ركزوا معايا بالله عليكم دلوقتى فى الموضوع الاصلى

انا لسه مقعدتش معها
لكن ان شاء الله مركز فى موضوع الطباع و عايز واحدة هادية و مش شعنونة لانى انا شعنون بطبعى و البيت لو فيه اتنين منى مش حيمشى
بس يا ترى الواحد يعرف يكتشف الطباع ديه ازاى لو الناس اللى حواليها اخدوا بمبدأ خالى البنت تتجوز و متقعدش تعيب فيها قدام اللى متقدملها

**samyyousef** · 12-09-2011 04:09 PM

السلام عليكم
هناك أمور كثيرة يمكن أن تقال في هذا الموضوع و كثير منها قيل لذلك سأضيف إضافة موجزة و صغيرة. أحد أصدقائي المتزوجين ينصح المقبلين على الزواج بملاحظة سلوك أم المخطوبة في تعاملها مع أبوها, إذ أن البنت - في كثير من الاحيان- ( و ليس كل البنات ) يعاملن أزوجهن كما كانت امها تفعل
بمعنى لو أن بنت نشأت في اسرة أمها تعامل والدها بلا احترام فيقينا هذه الام لم ترب بنتها على احترام الزوج
و بالنسبة للمداخلة الطريفة التي علق عليها معظم الأعضاء ( مداخلة كلمة [ حاضر ] ) فالتزام الزوجة بطاعة زوجها من الثوابت التي لا تقبل الجدل الا اذا امرها بمعصية

**azmeralda** · 12-09-2011 04:13 PM

رايى الشخصى الطريقة الوحيدة ان ربنا يكشف لك اللى قدامك وده بيكون بانك تستخير وتحاول متسيبش عواطفك دى خالص عشان متعميكش لكن لو حد ناوى يمثل وعنده الذكاء الكافى مش هتعرف تكشفه الا لو ربنا كشفه استعن بالله
وابتعد عن اخطاء الخطوبة فهى واحدة اجنبية يعنى مسك اليد الى اخره كل الحاجات دى بتنزع البركة