سؤال للسادة هواة صيد الاسماك

**Hacker5** · 30-09-2011 05:00 PM

المشاركة الأصلية كتبت بواسطة mrbebo

طب والواحد يعمل حسابه على كام لو كل حاجة من هنا ومش هنعمل اوردر من النت ؟

مش كتير خالص
ممكن نجيب حاجات معقولة مش هاتعدى الـ 100 جنيه
يعنى حاجة كويسة و تتمرن عليها عشان ممكن ماتعجبكش الهواية او مايبقاش عندك وقت تنزل تقف على الميه و تركن العدة
انا عملت كدة و الحاجة عايشة معايا لحد دلوقتى و شغالة معايا

**MRBEBO** · 30-09-2011 05:08 PM

المشاركة الأصلية كتبت بواسطة hacker5

مش كتير خالص
ممكن نجيب حاجات معقولة مش هاتعدى الـ 100 جنيه
يعنى حاجة كويسة و تتمرن عليها عشان ممكن ماتعجبكش الهواية او مايبقاش عندك وقت تنزل تقف على الميه و تركن العدة
انا عملت كدة و الحاجة عايشة معايا لحد دلوقتى و شغالة معايا

دي هواية جميلة جدا واقتصادية كمان ...

فاكر ياباشا العدة بتاعة تميمة اللي كانت في وقت من الاوقات بتنزل اعلنتها ... دي كانت بالنسبالي حلم .... ولاد اللذينة دول عليهم اعلانات تخليك تشتري الهوا لو هيفكروا يبعوه ههههههه

**Hacker5** · 30-09-2011 05:17 PM

المشاركة الأصلية كتبت بواسطة mrbebo

دي هواية جميلة جدا واقتصادية كمان ...

فاكر ياباشا العدة بتاعة تميمة اللي كانت في وقت من الاوقات بتنزل اعلنتها ... دي كانت بالنسبالي حلم .... ولاد اللذينة دول عليهم اعلانات تخليك تشتري الهوا لو هيفكروا يبعوه ههههههه

اة فاكره دة قديم قوى بس كانت سنارة غريبة
و هى اقتصادية لو هاتشترى من تاجر اسعاره كويسة و دول قليلين اوى
يعنى انا عشان اشترى اى حاجة نقصانى فى العدة باروح امبابة من محل هناك ارخص اسعار فى الجمهورية و ناس بتجيله مخصوص من مناطق بعيدة
و لما احب اجيب طعم بركب مكروباص اروح حته اسمها لعبة واحد هناك معروف اسمه فرج بدخله من حوارى بيبيع اداوات صيد و احسن طعم عشان كدة باروحله المشوار دة الثمن كيلو بـ 10 جنيه
لو ليك دماغ تلف كدة يبقى دوس معانا بقى d:

**MRBEBO** · 30-09-2011 05:25 PM

المشاركة الأصلية كتبت بواسطة Hacker5

اة فاكره دة قديم قوى بس كانت سنارة غريبة
و هى اقتصادية لو هاتشترى من تاجر اسعاره كويسة و دول قليلين اوى
يعنى انا عشان اشترى اى حاجة نقصانى فى العدة باروح امبابة من محل هناك ارخص اسعار فى الجمهورية و ناس بتجيله مخصوص من مناطق بعيدة
و لما احب اجيب طعم بركب مكروباص اروح حته اسمها لعبة واحد هناك معروف اسمه فرج بدخله من حوارى بيبيع اداوات صيد و احسن طعم عشان كدة باروحله المشوار دة الثمن كيلو بـ 10 جنيه
لو ليك دماغ تلف كدة يبقى دوس معانا بقى d:

بحب اوي الناس اللي بتعمل الحاجة صح كده الله عليك

انا شكلي هظبط معاكم بقه ونعمل تيم نايل موتورز للصيد

طب وهل لما بتنزلوا صيد هنا بتطلعوا حاجة تنفع تتاكل ولا بتبقى تسلية بس ؟

**Hacker5** · 30-09-2011 05:36 PM

المشاركة الأصلية كتبت بواسطة mrbebo

بحب اوي الناس اللي بتعمل الحاجة صح كده الله عليك

انا شكلي هظبط معاكم بقه ونعمل تيم نايل موتورز للصيد

طب وهل لما بتنزلوا صيد هنا بتطلعوا حاجة تنفع تتاكل ولا بتبقى تسلية بس ؟

انتا و نصيبك يا تجيب يا متجبش
انا لما ببقى نازل اصطاد مابحطش فى دماغى انى رايح اصطاد
ببقى رايح اقف على المية اشم شوية هوا نضيف بعيد عن واجع الدماغ
لما بتقف على الميه و تجهز حاجتك بتنسى الدنيا كلها و بالك بيرتاح و اعصابك بتهدى
انا ساعات باروح اقف بالخمس ست ساعات و ماجبش حاجة
و ساعات اقف برضو فترة مابجبش حاجة فى فجاة تضرب معايا حتة كبيرة :) اقوم واخدها و مروح
بس ساعات تعكنن عليك لما السن يشبك فى حجر او زرع و لو مافيش امل تسلك بتضطر تقطع الليلة دى كلها و تركب من قطع الغيار اللى معاك
لو سن قطع تركب غيره لو الوش كله قطع ركب غيره لكن لو كله قطع يبقى تركب كل حاجة من الاول من غماز و تقال و مدور و وش و طعم
فى مرة كنت بصطاد فى ترعة فى اوسيم قطعت 16 وش :) كان يوم اخر بهدلة و الدنيا كانت حر و انا اتعصبت و اتعورت كذا مرة لان كان معايا واحد جديد لسة بيتعلم فبهدلنى و عورنى بالسنون بتاعتة و شبك فى سنارتى كذا مرة
بس دة نادرا يعنى
بس خد بالك الهواية دى ادمان يعنى لو جات معاك حتة محترمة يبقى خلاص دى اول شمة و مش هاتعرف تبطلها :)

**nonetta** · 30-09-2011 05:59 PM

انا شاكرة ليكم جميعا على المعلومات القيمة دي
انا هانقلها كلها عالوورد واعمل له فايل
انا عاوزة كمان ولو فيها طمع
انواع الاسماك اللي ممكن تطلع والقابلة للأكل
انا كنت باشوف الشباب اللي بيصطادوا السمك الصغي بيرموه البحر تاني

**MRBEBO** · 30-09-2011 06:35 PM

طيب حاجة كمان هل فيه زي رخصة للصيد او حاجة زي كده علشان لو في اماكن معينة ومميزة حد غلس عليك ؟لاني انا فاكر فيه مكان مقفول مرة رحته في المعادي وكان فيه حتة كده مخصصة للصيد بتنزلها بتخليك جنب النيل مكتوب يافطة الدخول للي بيملكوا رخصة فقط ؟ والرخصة دي ايه نظامها وهل فيها تعقيد ولا كله ايزي في اللذيذي :)

انا لقيت صورة ليها

وتكلفتها بيقولوا بسيطة جدا 30 جنيه تقريبا سنويا

وده موضوع تفصيلي

http://www.egfishingclub.com/board/v...%D8%AF#p209870

**Hacker5** · 30-09-2011 06:49 PM

المشاركة الأصلية كتبت بواسطة nonetta

انا شاكرة ليكم جميعا على المعلومات القيمة دي
انا هانقلها كلها عالوورد واعمل له فايل
انا عاوزة كمان ولو فيها طمع
انواع الاسماك اللي ممكن تطلع والقابلة للأكل
انا كنت باشوف الشباب اللي بيصطادوا السمك الصغي بيرموه البحر تاني

السمك الصغير معظم الناس ترجعه الميه تانى و انا برضو كدة
لكن فى ناس بتاخد تشويه و ناس تسلقه و تشرب الميه بتاعته بيقولوا مفيدة
بالنسبة للاسماك فى النيل او العزب عموما كله بيتاكل مافيش حاجة خطر
البلطى و دة معروف طبعا و هتلاقى منه ملون اخضر فى احمر او اصفر و دة اسمه بلطى حجارى

الانوم

القرموط معروف طبعا
البياض برضو معروف

الرعاد او الرعاش و دة الاخطر لانه بيطلع موجات كهربائية لو حد مسكة بأيده
لما بتصطاده مابنمسكوش بنفك وش السنون و نحطة فى الشنطة
او بالخنق : بنجيب كيس بلاستيك و نخنقه من رقبته بس انا افضل الطريقة الاولى

الكركور
اللى نايم على بطنة دة و خليه ياخد باله و هى بيسلكه من السن عشان عنده زعنفتين ممكن يعوروه لان الزعنفتين دول عضم و حامى جدا

الثعابين
و دى بيتم صيدها فى الشتاء فى الايام قارصة البرودة بالحداف

**nonetta** · 30-09-2011 09:03 PM

الموضوع شكله ممتع جدا
بس هوا ينفع سيدات تصطاد ولا صعب عليها؟
بصراحة عمري ما شفت ست بتصطاد بس لو حصل اكيد مش بتبقى لوحدها

**Hacker5** · 30-09-2011 09:52 PM

المشاركة الأصلية كتبت بواسطة nonetta

الموضوع شكله ممتع جدا
بس هوا ينفع سيدات تصطاد ولا صعب عليها؟
بصراحة عمري ما شفت ست بتصطاد بس لو حصل اكيد مش بتبقى لوحدها

لا مشوفتش
بس عادى مافيش مايمنع يعنى
مش حرام ههههههههه

الموضوع: سؤال للسادة هواة صيد الاسماك

LinkBack

أدوات الموضوع

عرض

-

-

-

-

-

-

-

المواضيع المتشابهه

سؤال للسادة مالكى ال f3

سؤال للسادة مالكى F3

سؤال مهم جدا للسادة الأفاضل

سؤال للسادة الاطباء

إلى هواة صيد الاسماك!

الكلمات الدلالية لهذا الموضوع

المفضلات

المفضلات

ضوابط المشاركة