الموضوع: ليه البنات معندهمش زوق ؟؟

والله الموضوع مش راجل او بنت

انا اتعودت ان لما حد يدينى اشاره بسيبه يعدى اصل مش هتفرق يعنى

لكن فعلا باجى فى وقت انى مستعجله على الشغل او تعبانه وعايزه اروح وادى اشاره للحاره اللى ماشيه شويه علشان انجز والاقى االعربيات كلها تجرى علشان متعدينيش
كانى لما بدى اشاره بقولهم الحقوا عدوا بسرعه زى مانكون داخلين سبق
فوقتها بقفش جدا ومستحيل اعدى حد قدامى

طالما ان الذوق مش نافع فقله ذوق بقله ذوق بقى

يعنى انا فاكره مره كان الطريق واقف حوالى ساعه ومتاخره على شغلى كتيير اوى وعلى اخرى
وعربيه جايه من ملف وادانى اشاره فعديته وبعدين لقيت راجل كبير فعديته وكبست عليه شويه لقيت عربيه تيوتا عماله ترمى بوز العربيه قدامى وكل ما الطريق يفتح يرمى تانى وانا مبلحقش اقفل عليه هو علشان استزوقت مثلا هنستهبل بقى
لقيت يمينى فاضى شويه كسرتا لدركسيون سنه وطلعت يمين وقفلت عليه

من الاخر السواقه فى مصر بلطججججججه لا قانون ولا نيله كله بدراعه

ولما امشى على الشمال مثلا على 100 وفجأه الاقى قدامى نقل ماشى بطه وادى اشاره يمين والاقى البهوات اللى ورايا كلهم ولا واحد استنانى مع انهم شايفين انى هلبس يعنى

يبقى ده زوق

بس برضه هحاول افضل زوق على قد ما اقدر لانى مش عايزه السواقه تاخد اخلاقى لتحت المفروض الانسان بيرتقى مش بيقل

المشاركة الأصلية كتبت بواسطة m000dy

هههههههههههههههههههههه
حصل معايا الموقف ده من يومين اتنين بس
وكنت ماشى فى طريق زحمه وما اديتش اشاره لانى مش داخل حارتها بس هى حست انى هاعمل كده لان اللى قدامى ميكروباص ووقف
راحت معلقه ايدها على الكلاكس ياباشا ولا كانى دوستلها عيل
اول ماجت جنبى لقيتها بتبص وعينها فى عينى لاننا قريبن من بعض
قمت باصص لها ومكشر ومبرق وعينى فى عينها
قامت خافت وبصت قدامها
همه كده ما يجوش الا بال ....... :) وهذه حقيقة :))

هاهاهاها هبقى أجرب أكشر و أبرق بعد كدة