الموضوع: ليه البنات معندهمش زوق ؟؟

المشاركة الأصلية كتبت بواسطة nonetta

قبل ما اقرا باقي التعليقات بتاعة الزملاء

انا مش منحازة لبنات جنسي ولا حاجة لأن ساعات كتير بتبقى البنات والسيدات سواقتهم زفت وبيبقوا متوقعين انك تستزوق معاها وبيحرقوا الدم
وكذلك في رجالة بنفس المنظر
بس احنا بنبقى مركزين مع البنات اكتر
لو كان راجل يبقى هنعرف ناخد حقنا منه بس دي بنت مقدرش اتخانق معاها

لكن مع احترامي
في ملاحظتين

الاولى
عشان اللي قدامك كان بياخد غرزة يبقى انت لازم تاخد غرزة انت كمان ؟
وبعدين دي حارتها اللي هيا ماشية فيها
اصبر انت في حارتك لحد ما هيا تعدي
لا لاني كنت سريع والبنت ماشية بتدلع وانا كان عندي شغل ومستعجل

هوا ليه المفروض انها تسيبك تكسر ادامها ولو معملتش كدة يبقى معندهاش ذوق
لو الوضع معكوس مكنتش هتسيبها تعدي الا لو كنت خايف على عربيتك بس
وغالبا مش هتسيبها عشان كرامتك ازاي بنت تاخد منك غرزة
هسيبها تعدي عادي جدا لاني بحسب ظروف اللي قدامي الاول وبشوف هتقدر تعدي ولا اهدي شوية علشان تعرف تعدي براحتها
وانا مش بفكر بطريقة كرامتي متسمحش والكلام ده لان ده فكر الناس المتخلفة بصراحة
الملاحظة التانية
لو كان راجل اللي عمل معاك كدة .. واكيد بيحصل معاك كل يوم
كنت هتيجي تعمل موضوع
هوا الولاد ليه معندهومش ذوق في السواقة ؟
كنت هقتله طبعا لانه كان هيتسبب في حادث بس عايز اقول حاجة مهمة ان الراجل هيسمحلي اعدي عادي لو مكانش سواق تاكسي او ميكروباص

والملحوظ اليومين دول اوى البنات راكبين السيراتو الاسبور على الصحراوى وواخدينها غرز على 150 و 160 وهما اصلا بيخافو من اققل ميكروباص بس الموضوع كلو المفروض ان هما بنات يخافو على نفسهم اكتر من الرجاله لان مهما كان الراجل بيعرف يتصرف

المشاركة الأصلية كتبت بواسطة Donzi

اولا : بغض النظر عن تفاصيل الموقف و حصل ازاي و مين اللي غلطان معتقدش انه من الذوق انك تعمم و تقول ليه البنات معندهمش ذوق
شكرا على ذوقك ولو خدتي بالك اني في اول الموضوع قولت الاتي : ( طبعا الاغلب كدة بس مش كله وفي بنات كتير بجد زوق جدا في السواقة )
ثانيا : كلنا - رجالة و ستات - بنتعرض لمواقف زي دي كل يوم و في كل مشوار بنعمله بعرربياتنا لان دا بقى سلوك عام في المجتمع المصري و هوا ان كا واحد ماشي بدراعو سواء في السواقة او جوانب الحياة المختلفة

و بعدين احنا كبنات بنتعرض لواقف مستفزة جدا جدا كل يوم اكتر بكتير من حضراتكم لان زي ما قال بعض الزملاء البنات اعصابهم بصفة عامة اخف و رد فعلهم ابطأ و طبعا مفيش اكتر من الشباب و الرجالة اللي مقطعين الطريق غرز و يمين و شمال و مالهمش دعوة باي حد و بالتالي البنت بتبقى ربكتها اكبر و ممكن رد فعلها هوا اللي يتسبب في حادثة لا قدر الله بدون ما تكون غلطانة اصلا بس مش معنى كدا ان احنا نيجي نقول الرجالة كلهم كزا او كزا
مع احترامي لحضرتك لو مش عارفين تسوقو وهتسببو في حوادث يبقى بلاش تسوقو احسن .. وكفا المؤمنين شر القتال
الموضوع مالوش دعوة براجل او ست او بنت دا سلوك شخص بغض النظر عن جنسه

تقبل مروري

المشاركة الأصلية كتبت بواسطة koshary

والملحوظ اليومين دول اوى البنات راكبين السيراتو الاسبور على الصحراوى وواخدينها غرز على 150 و 160 وهما اصلا بيخافو من اققل ميكروباص بس الموضوع كلو المفروض ان هما بنات يخافو على نفسهم اكتر من الرجاله لان مهما كان الراجل بيعرف يتصرف

عندك حق والله وكمان البنات اللي راكبين ميني كوبر تلاقيهم علطول كدة

المشاركة الأصلية كتبت بواسطة donzi

لو انت بتعتبروا قتال يبقى دا رائيك الشخصي و برضو مش من حقك تقول البنات ماتسوقش و ياريت تقرا كلامي تاني لا انا قلت اللي هايتسبب في الحوادث هوا الناس اللي بتسوق بتهور بدون اي اعتبار للاشخاص الاخرين اللي في الطريق سواء راجل كبير مثلا او سيدة او انسة لأن ببساطة ممكن الراجل الكبير دا يكون ابويا او اخويا و السيدة دي والدتي او كانت في يوم من الايام مدرستي او دكتورة بتعالجني ، يبقى السبب مش البنات و لا الستات

والا مكنتش الحوادث اللي مالية البلد و الطرق كلها سببها الرئيسي عربيات النقل و اللي طبعا سايقينها رجالة

و الانسة او البنت ابسط شىء تعتبرها اختك و راكبة عربية عشان تتصان من بهدلة المواصلات و اللي بيحصل فيها للبنات مش زي ما حضرتك بتقول انها تستاهل و تستاهل و تستاهل

حط نفسك مكانها و التمس لاخيك - او اختك - سبعين عذرا

انا بتكلم على اللي كان هيحصلي بسببها لان مفيش اي حد عاقل يعمل حركة زي دي الا لو كان بيشد مع حد وعايز يلبسه