الموضوع: البنزين بيخلص بسرعة ؟؟ اية السبب

شوية نصائح كدة للناس الي حاسة ان البنزين في مشكلة او سحب العربية بقي مش تمام مجربها في الانسر قبل ما ابعها وعملت شوية شغل حلوين

اول نصيحة :

روحت لميكانيكي بتاعتي فتح الكبوت وجاب منظف انجكشن وفضل يزغط العربية ويسحب جامد حوالي من 3-4 دقائق


تاني حاجة :

فك فلتر البنزين ونضف وغسلو كويس بسبراي ونزل منو كل الوساخة


تالت حاجة : فضلت الف بالعربية قدام البنزين لحد ما خلصت البنزين كلو وروحت رايح بنزينة توتال ومفول 92 وحاطط منضف

رابع حاجة :

قفشت طريق العين السخنة وواخدو 120 - 140 رايح و 160 - 170 راجع

وفعلا العربية فاقت بطريقة غبية

والكربون الي كان محبوس طلع كلو وكنت شامم رحتو في الاؤل ودلوقتي بقت طلقة

المشاركة الأصلية كتبت بواسطة kok200

شوية نصائح كدة للناس الي حاسة ان البنزين في مشكلة او سحب العربية بقي مش تمام مجربها في الانسر قبل ما ابعها وعملت شوية شغل حلوين

اول نصيحة :

روحت لميكانيكي بتاعتي فتح الكبوت وجاب منظف انجكشن وفضل يزغط العربية ويسحب جامد حوالي من 3-4 دقائق


تاني حاجة :

فك فلتر البنزين ونضف وغسلو كويس بسبراي ونزل منو كل الوساخة


تالت حاجة : فضلت الف بالعربية قدام البنزين لحد ما خلصت البنزين كلو وروحت رايح بنزينة توتال ومفول 92 وحاطط منضف

رابع حاجة :

قفشت طريق العين السخنة وواخدو 120 - 140 رايح و 160 - 170 راجع

وفعلا العربية فاقت بطريقة غبية

والكربون الي كان محبوس طلع كلو وكنت شامم رحتو في الاؤل ودلوقتي بقت طلقة

نصائح جامده

انا بالصدفه بدور العربيه باليل لقيت سلكين بوجيهات بيطلعوا شراره ناحية جسم الموتور
فغالبا ممكن يكون صادف و سلوك البوجيهات كانت بايظه وانا حكمت غلط

المشاركة الأصلية كتبت بواسطة formulator

أنا بس عايز أضيف حاجة,
بالنسبة للأوكتان 90/92 أو 95 ونظافة البنزين..
المفروض ان البنزين الأنظف (والأعلى فـ الأوكتان) مش بيتحرق بسرعة, عكس ما الناس بتقول انه بيطير..؟؟!!!
نضافة البنزين مالهاش علاقه بأوكتان البنزين
نضافة البنزين تعتمد على نظافة الوعاء اللى البنزين كان منقول او محطوط فيه
الاوكتان هى احدى الطرق لقياس كمية الطاقه اللى بتطلع من نوع معين من البنزين
يعنى: تفويلة الـ92 المفروض تعمل معاك كيلوات أكتر من الـ90.. على افتراض تثبيت البنزينة وطريقة السواقة.. حسب نوع المكنه و نسبة الانضغاط
وكذلك.. الـ95 بيعمل اكتر من الـ92.. (وده بيحصل معانا فعليا فـ الـt-jet والـtsi)..!!
بيحصل معاك لان المكنتين متصممين انهم يشتغلوا ببنزين اوكتانه عالى, راجع كاتلوج ال2 و التزم باوكتان البنزين المطلوب لانك لما تنزل عنه هيحصل اللى حضرتك كاتبه تحت
لسبب بسيط جدا:
ان كل ما الأوكتان يعلى, بيبقى الأحتراق كامل ومنتظم.. و بأقل حقنات من الوقود, الموتور بيطلع طاقة..
بيقولك: Regular, complete ignition.. Rather than explosion

يعنى الـ80/90 بينفجر فـ غرف الحريق, وهى دى الكركرة أو الـknocking
والـ95/97/98 بيحترق احتراق منتظم وبالكامل, عشان كده الموتور بيبقى smooth running وصوته ناعم..؟؟!!!
برضه الكلام ده حسب نسبة انضغاط الموتور و اذا كان تنفس طبيعى او تربو
regards,

الكلام ده بيحصل عندك انما مش هيحصل فى مكنه عربيه اكسيل مثلا لأنه يعتمد على حسب نسبة الانضغاط بتاع الموتور , و اذا كان تنفس طبيعى او عليه تربو
عامة لو نسبة الانضغاط بتاع الموتور مناسبه لبنزين 90 و حضرتك حطيت 92 او 95 فانت بترمى فلوس فى الهوا لان الموتور ده مش هيعرف يطلع من البنزين طاقه اكتر من اللى يعرف يطلعها من ال 90 و تحس ان التانك بيفضى بسرعه و خصوصا لو عربيه كربرتير
و لو حطيت له 80 برضه مش هيشتغل كويس و احتمال كبير يسقف لان الطاقه اللى بتطلع من ال80 اقل بكتر من اللى بتطلع من ال90 اللى الموتور محتاجها عشان يشتغل كويس

المشاركة الأصلية كتبت بواسطة me_medoo

صحيح انا نفسي أجرب بانزين 95 كده مره من نفس العربية ... بس خايف تتعود عليه وأجي أحطلها 92 الاقيها بتسقف ومش عاوزة تمشي ... تنصحوني بأيه ... أدلع العربية شوية وأحطلها كده مره في الشهر 95 من نفسها ... ولا بلاش علشان متتعودش عليه .

تتعود عليه و تبقى متعوده .... ايوه
هههههههههه


المهم متقلقش من الموضوع ده

و لو حابب تدلعها منغير ما تحط 95 ممكن تحطلها مضيفات الاوكتان

انا مجربتهاش و لكن موجوده معلومات عنها في الموضوع الاعلاني بتاع ليكوي مولي