الموضوع: أفهم فتيس عربيتك الأوتوماتك

السلام عليكم
انا متشكر جدا علي ذوقك واخلاقك العالية يأستاذ عاصم
انا متأسف اني منزلتش تكملة للموضوع لأنه حصل معاية عيب في العربية مدوخني بس الحمد لله عرفتة وهو بعد فحص طلع حساس الهواء air mass الي في دائرة الحقن مخرف جامد ومبرجل العربية علي الأخر
الحمد لله ظبطه شوية لحد مأشتري واحد تاني
انا فكيته من جوه طلع مشكلة المشاكل شبية بكارت الفيجا بتاع الكمبيوتر وطبعا قبل ما افتحه حسيت اني أقدر أعمل حاجة لاكن بعد مافتحه لأقيت نفسي بطيييخة هههههههه
بس أكدت علي لاحماته من جديد لأكن كان فيها لاحمات مخمرة يعني اشتغل نصف العمي ولا العمي كله ههههههه
ان شاء الله هاكمل الموضوع علشان نستفاد كلنا
سلام مؤقت


يتبع بأذن الله

السلام عليكم

طبعا في خطاً كبير كلنا بنوع فية هو ان لما الصنايعي بيفك الكارتيرة بتاعة الفتيس علشان تغير الفلتر بيكون راكب في الكرتيرة مغناطيس لجذب رايش الحديد علشان ميعملش سدد في مجاري الضغط .
طبعاً الصنايعي بيرمي قطع المغناطيس ويقول ملهوش لازمه ده زيادة . وتيجي تسأله يقولك اصل الخواجه محبكها شوية هههههههه.
منزلكم صور لتغير الفلتر وصور لتنظيف السولونيد ومجاري الضغط ان شاء الله هتعجبكم



وطبعاً ده صورة للأراص المغناطيس ولاحظوا الرايش المتجمع عليها



وطبعاً ده تغير لفلتر الزيت







وطبعاً السولونيد












حساس الحرارة بتاع الفتيس

طبعاً ده السولونيد الخاصة بالنقل وهم 4 سولونيد



لاحظوا كورات البلي في مجاريها وهم اربعه بعدد السولونيد



شكل السولونيد لما بيتفك


















يتبع بأذن الله

السلام عليكم
انا اسف جداً ياجماعة علي التأخير عليكم بس انا عملت حادثة وربنا نجاني انا و والدي من حادثة فظيعة وحادثة ثالثة بعدها وكانت ختام اليوم العربية اتشخرمت من كل جهة وحسيت انه انذار لحدثة بعد كدة مفيش منها مخرج.
وحسيت اني في لعبة العربيات المتصادمة بس الحمد لله علي كل شيء .
الغريب انه اخر خطبه من الأمام كانت امام المركز الطبي العالمي والعربية الي خبطتني كانت ماشية في حدود 170 كيلو متر لدرجة اني ملحقتش اشوف النمر ولا لحقت احصله والحمد لله سيطرت علي العربية لأنه رماني علي الشمال ناحيه الجزيرة وفجاءة اختفت ودخلت المركز الطبي العالمي .
نزلت اشوف الي حصل لقيت الأكصدام الأمامي اكسر والأشارة وطبق الصاج بس مش جامد بسيط الحمد لله وكانت حادثة الختام .
الحادث الأولاني كان علي كوبري العامرية في اسكندرية وانا لسة طالع من اسكندرية الي حصل مكروباص واقف علي الكوبري و واحد تيييت بدل ما يفادي المكروباص وقف وعرض العربية بتاعته وضيق المسافة علية طبعا انا هدديت ووقفت واديت انتظار مستني لثواني عربية تتكرم وتعديني لاكن ابداً وفجأة لقيت عربية لبست فية من ورا والغريب انه نزل يعلي صوته ويقلي انت الغلطان انت الي وقفت فجأه انت انت انت طبعا انا والدي واقفين نسمع وساكتين في هدوء .
وفجأة وبدون سابق انذار السواق لاقي نفسه محدوف علي نص الكوبري طبعا اتقي شر الحليم اذا غضب المهم السواق اصبح من ديك يصيح الي فرخة بتكاكي ههههههههه.
المهم انا هزأته ويرد علية يقولي عيب عليك انت راجل محترم وفجأه بصوت عالي قولتله فين رخصك طلع الرخص طلعها وقالي انا سواق درجة تالتة . بصراحة مرضتش اتقل علية اكتر من كدة استفزني تاني وقالي انت الغلطان انا مش غلطان رحت كاتم غيظي والدي قاله يابني انت الغلطان راح قالي انا بتصل بالأمن علشان يشوف الي حصل قولتله ياريت عشان يريحنا منك ومن بلاويك هههههههه.
بصيت لوالدي وضحكت المهم تعبت من كتر الحكي معاه والدي تعب وانا كنت راكب دماغي حيصلح يعني هيصلح المهم صاحب العربية وصل وطلع شاب ملتحي محترم جداً جداً وقال لوالدي انا غلطان غلطان والي انتو تقولو علية انا هنفذه والدي قاله انت انسان محترم وانا مش عايز منك حاجة توكل علي الله عوضنا علي الله .
طبعا انا من كتر التهزيق الي هزأته للسواق صعب علية امشي من غير اطيب خاطرة لأن دة قدر ربنا و الحمد لله
انا هزأته لأن الأكصدام الوراني بالشاسية بتاعة بقي حتت والشنطه اتخبطتت والفانوس الوراني اكسر من الوش بسيط بس الأكصدام شال الخبطة واختفي الحمد لله .
الحادثة ال بعدها كان نقل ثقيل محمل كونتينر 40 وقلب امامي علي سرعه وانا كنت وراه علطول بس كان في مسافه وطلعت منه برحمه ربنا .
طبعا انا ركنت علي جنب بسرعه لقيت النقل طالع علي الحواجز الأسمنتية ومدمر من تحت و الحمولة مقلوبة بس الحمد لله السواق سليم والنقل بقي كفتة .
طبعا كل ده في يوم واحد ورا بعض طبعا بتقولو ده فيلم هندي بطولة امتبتشان ههههههههههههه
لكن والله دة الي حصل
ان شاء الله هانكمل الموضوع بس اهدي من الي حصلي