أول تجربة شد ب Elantra HD مع بنت معاها 318 BMW

**mahmoud_afifi** · 03-04-2012 04:57 PM

المشاركة الأصلية كتبت بواسطة koshary

ياعم خليك جمب الحيط احسن ابقى تعالى علم عليا انا مالكش دعوه بال بى ام بس

ههههههههههه لا ياعم انت من الحلفاء, خلينا نرخم على الاعداء :d

**mahmoud_afifi** · 03-04-2012 05:16 PM

المشاركة الأصلية كتبت بواسطة lanos2004

لم تكن كومبروسر موديل 2001

يبقى كده انت سديت معاه

المشاركة الأصلية كتبت بواسطة Screenplays

طب خير ان في بنات بتعرف تشد اهه هههههههههههههههههه

هههههههههههههههه دول بقوا مجرمين ومع ذلك لسه في حمير سواقه

المشاركة الأصلية كتبت بواسطة moh19227

318 دي ال 2000 سي سي ؟!!
لو هيا يبقي رأفت بالالنترا :)
انا بهزر ياباشا اساسا كويس انها جابت 200 دي اكيد بتاخد حبوب شجاعه :)

ههههههههههههه اه انا قولت يا مستعجله يا واخده حبوب شجاعه :d
لأ هي مارأفتش ولا حاجه, دي كانت جايبه اخرها وباين من صوت عربيتها وماكنتش بتدوس فرامل عشان عارفه اني لو عدتها بالسرعه دي مش هتحصلني تاني نهائي.

المشاركة الأصلية كتبت بواسطة ahmed1006

رفعت راسنا

تحالف الرجاله ضد الستات :D

المشاركة الأصلية كتبت بواسطة minicooper20

لا دى نتيجه محسومه للاسف
العربيه النتى جريت معاها دى 118 حصان و ووزنها بسواق يعدى 1350 كيلو
العربيه دى انتا تحط عليها لحد 100 هتلاقيها بتقول معاك لحد 205 مثلا
النتيجه دى طبيعيه
لانترا وزن خفيف ماتور قوى دفع امامى هدوس عليها هدوس عليها
ال 318 بتجيب ال 220 على فكره مجربها بنفسى
لاكن البى ام وزن تقيل ماتور عادى دفع خلفى و كمان اتو صباح التقل
البى ام من قبل ال 320 ميتجريش بيها هتكسفك
لاكنان بنت تجرى فا فى بنت فضلت تجرى عيا بشيركو و انا كنت بمرسيدس كان قلبها ميت وكنا بليل كمان
عاش يا كبير بس خد بالك عربيتك بعد ال 150 بتفقدالسيطره عليها تماما
لا فرامل و لا توجيه و لا الدموع فا خدبالك
ده كلام مش مرسل على فكره
عاش يا جامد

دي على كده عربية بطه بقى !!
بس تسارعها جامد على السرعات البطيئه ويبتدي يقل قوي.

مش صح بتاعت الشيروكو الي علمت عليك في كوبري 6 اكتوبر ؟

بعدين ماتقلقش, فرامل الالنترا مش ضايعه للدرجه دي ! بالعكس دي بتساعدني كتير من حوادث مؤكده الحمدلله.
واي خدعه يامعلم هههههههه

المشاركة الأصلية كتبت بواسطة Ashraf_Ibrahim

احلام وأماني يقظة

قال اللي بالي بالك قال
انسى يابني انسى
هي اه ب 68000 جنيه بس عيب عليك

ربنا يباركلك فيها بس برضه هيتعلم عليك

دا اهم سؤال في الموضوع دا!
ابقى ركز المرة الجاية في الاسئلة دي يا عفيفي عشان انا هطرحها واجمعها واقسمها عليك المرة الجاية

مش هتضربها كمان بالمره يا خفيف ؟؟ ههههههههه

ياريت تتراجع انت
انت بتقارني بالبي ام واللا ايه
بتهرج والله يا حودة

يابني معاك واحد هنا مجربني وكان بينزل غيارين مش غيار واحد
شوف انت بقا هعمل ايه فيك وياريت ترتجع

كان غيرك اشطر ياابو اشرف

*بس بجد انا سعيد جدا بالتقرير دا
وهذا ان دل بيدل على ان هيونداي هي وحش السرعة على الطريق فعلا في كل فئاتها مش مقتصرة على فئة معينة !
بس الله يكرمك بلاش تهور
الحفاظ على الحياة اهم من اي جري واهم من اي تعليم واثباتات خالص

سيدي الدوق انا ماشدتش معاها غير على طريق فاضي وكمان هي معاها بي ام يعني مايتخافش عليها هههههههههههه

too
:d

المشاركة الأصلية كتبت بواسطة semsem kane

على فكرة انا لسة امبارح شادد مع ثلاثة بس طبعا على السريع وهما اللى يكونوا بيجروا الاول واروح مسخن اللى قدامى واسمع صوت ماتورة بعد كدة وهو بيحرق العربيات بقى هية اية

1- اوبل فيكترا موديل 2000 ( 2000 سى سى ) ودة كنت مستعمل معة الرأفة وماكنتش دايس جامد بس لقيتة بيقاوح روحت فاتح ال vtec خليتة ورايا فى لمح البصر وبعدت بعيد وبعد كدة ورحت مهدى عايز اقولة يابنى بتعمل اية ولقيتة بيبص للعربية راح ماشى وكمل غرز وشد مع نفسة

2- كيا سيراتو 2010 سيدان دة بردة رأى مش هيتغير عن العربية دية تسارعها من بعد ال120 بطىء جدا وهو اصلا كان بيجرى مع هيونداى اكسنت وطبعا بهدلة روحت داخلة انا بقى عرفتة مقامة

3- ودية اللى كانت مفاجئة ليا bmw x5 2002 3000 c.c
يعنى مش عارف اية اللى حصل بس انا كنت ماشى عادى على 120 ولقيت واحد ب bmw x5 عمال ياخد غرز وصباح الدلع والفوقان روحت طاير وراة وجينا والحمد لله الطريق فتح ومافيش عربية ولا قدامى ولا قدامة روحت انا جاى من شمالة وكان جنبينا صور وصممت انى ارعشلة بالنور عشان يوسعلى والحمد لله عديتة وانا على 160 وهو اعتقد انة كان مذهول من اللى حصل بس انا صممت اعدى من جنبة عشان اعرف اذا كان بيشد ولا لأ من صوت ماتورة ولقيتة فعلا صوت محركة عالى وكمان انا كنت جايب 160 وهو جنبى وكنت معدية على 170 بفرق بس انا بعد كدة لما هديت لقيتة طاير وهو معدينى

على فكرة انا مش بجرى ولا بشد بس بجد لما بلاقى حاجات زى كدة مابتتوعضش وعموما ربنا يستر طريقنا وانا والله كل ماقول امشى بالراحة وخلاص نويت الاقى اللى بيشد وبيجننى بس انا بجد والله ناوى انى ماجريش غير للشديد لان قعلا الناس بقت غشيمة لابعد الحدود ربنا يستر طريقنا وطريقكوا

سمسم بيه الكبير كبير الهوندا بنفسه مشرفنا !!
انا اعلى حاجه في البي إم شديت معاها كانت x3 في التجمع وكان خايف على عربيته :d
انا ماشدتش قبل كده مع SIR بس من كلامك مايفضلش اني اعمل كده هههههههه

**mahmoud_afifi** · 03-04-2012 05:17 PM

المشاركة الأصلية كتبت بواسطة m7mda7md

اتقل يابو عفيفي .... قال بي ام قال هههههههههههههههههههههههه

هههههههههههههه , يابني ارحمنا هتفرج علينا المنتدى ههههههههه
للأسف مفيش حد معاه بوجاتي في المنتدى لسه :d

**Formulator** · 03-04-2012 05:17 PM

@ mahmoud_afifi
أنت متأكد ان اللى كنت بتشد معاها (بصرف النظر عن السواق بنت).. كانت 318i موديل 2002-2005 اللى هى E46 Facelift..؟؟!!!
و قفلت على الـ200-205 كم/س؟؟ ومش عايزة تعديها؟؟؟!!

أصل الـ318i أو E46 موديل 98-2001-- موتورها 1900 كامة واحدة 8صباب 118 حصان.. دى ممكن تاخد وتدى معاها.

لكن الـE46 Facelift من 2002-- موتورها 2000 2-كامة 16صباب 143 حصان.. العربية دى بتجيب 240 عااااااااادى جدا..؟؟!!!
حتى لو حالتها مش تمام أوى (صيانات مش بالمللى مثلا)..

المشاركة الأصلية كتبت بواسطة lanos2004

غير كان بيجرى معانا اوكتافيا -وهيونداى اربى --وكلهم اختفوا ورا--بس برضه ممكن يكون كان بيتونس بيا---بتاع ار بى ثبت على 190 فقط وبعدها بداء يرجع لورا

المشاركة الأصلية كتبت بواسطة mahmoud_afifi

انما المفاجأه هي الRB انها ماجبتش اكتر من 190 !! اكيد عشان وزنها ورقه وموتور جبار.

وأحيانا بتثبت على 170/180 كمان, ومابترضاش تعديها..؟؟!!! عن تجارب معاها بكذا عربية (قولت اشوف آخرها) لما عرفت انها موتور السيراتو 124 حصان وبودى خفيف هتعمل أيه؟!!

المشاركة الأصلية كتبت بواسطة lanos2004

دة فيه بنات بتطير مش بتشد --دة مرة بنت معاها بيجو مكشوفه والله غرز بالملى وجريت وراها بس فشلت فشل زريع---بس تقريبا علشان الواحد كبر فى السن والتركيز قل

308 CC لونها سيلفر.. around مدينة نصر؟؟!!!
لو شفتها تانى متحاولش معاها, لأن العربية دى موتور THP تربو 156 حصان وفتيس 6-سرعات.. (وانت بتقول ان ماليكش فـ التربو).. ههههههههههههههه

المشاركة الأصلية كتبت بواسطة minicooper20

البى ام من قبل ال 320 ميتجريش بيها هتكسفك

+1
عشان كده أنا بقول ان صعب أوى الانترا تطلع من 318i موتورها 2000cc و143 حصان..؟؟!!! خصوصا فوق فـ السرعات العالية..

المشاركة الأصلية كتبت بواسطة semsem kane

1- اوبل فيكترا موديل 2000 ( 2000 سى سى ) ودة كنت مستعمل معة الرأفة وماكنتش دايس جامد بس لقيتة بيقاوح روحت فاتح ال vtec خليتة ورايا فى لمح البصر وبعدت بعيد وبعد كدة ورحت مهدى عايز اقولة يابنى بتعمل اية ولقيتة بيبص للعربية راح ماشى وكمل غرز وشد مع نفسة

برضه, موديل 2000 دى يا سمسم B1 موتورها 2.0 كامة واحدة 124 حصان (كان بينزل حتى على الليجانزا الحقيرة)..
لو B2 بالموتور الـ2.0 16v 2-كامة.. 136 حصان, كان هيثبت معاك جااااااااامد-- أقله لحد الـ200-210.. العربية دى متوحشة بعد الـ160 مجرمة..
لا كده مفيش تكافؤ لا مؤاخذة يا باشا.

3- ودية اللى كانت مفاجئة ليا bmw x5 2002 3000 c.c
يعنى مش عارف اية اللى حصل بس انا كنت ماشى عادى على 120 ولقيت واحد ب bmw x5 عمال ياخد غرز وصباح الدلع والفوقان روحت طاير وراة وجينا والحمد لله الطريق فتح ومافيش عربية ولا قدامى ولا قدامة روحت انا جاى من شمالة وكان جنبينا صور وصممت انى ارعشلة بالنور عشان يوسعلى والحمد لله عديتة وانا على 160 وهو اعتقد انة كان مذهول من اللى حصل بس انا صممت اعدى من جنبة عشان اعرف اذا كان بيشد ولا لأ من صوت ماتورة ولقيتة فعلا صوت محركة عالى وكمان انا كنت جايب 160 وهو جنبى وكنت معدية على 170 بفرق بس انا بعد كدة لما هديت لقيتة طاير وهو معدينى

للأسف الموتور ده Underpowered على العربية دى, دا حتى الـPre-Facelift مكانش فيها لسه x-Drive عشان يفصل الـAWD ويخليها تجرى.

دى أقل واجب مواتير الـV8 من 4400cc وطالع, لكن الموتور الـ3.0i Straight-6 ده حلو أوى على الـX3..
لكن X5 لأ... هتبقى بطيئة, ومش بتاعة جرى..أى عربية كومباكت فايقة هتقطعها..!!

**mahmoud_afifi** · 03-04-2012 05:27 PM

المشاركة الأصلية كتبت بواسطة formulator

@ mahmoud_afifi
أنت متأكد ان اللى كنت بتشد معاها (بصرف النظر عن السواق بنت).. كانت 318i موديل 2002-2005 اللى هى E46 Facelift..؟؟!!!
و قفلت على الـ200-205 كم/س؟؟ ومش عايزة تعديها؟؟؟!!
انا متأكد من ال318i والي اعرفه انها الشكل الي بداية من 2003 او بيسموها الدبانه تقريبا.
بس ماعرفش في الBMW قوي خاصة القديم منه.
ومتأكد ان العربيه ماقدرتش تزود عن ال205 لانها فضلت فتره مثبته عليها لا اقل ولا اكتر.

أصل الـ318i أو E46 موديل 98-2001-- موتورها 1900 كامة واحدة 8صباب 118 حصان.. دى ممكن تاخد وتدى معاها.
لأ ماكنتش قديمه قوي كده

لكن الـE46 Facelift من 2002-- موتورها 2000 2-كامة 16صباب 143 حصان.. العربية دى بتجيب 240 عااااااااادى جدا..؟؟!!!
حتى لو حالتها مش تمام أوى (صيانات مش بالمللى مثلا)..

دي حالتها كانت في الضياع وخساره تركب عربيه زي دي

وأحيانا بتثبت على 170/180 كمان, ومابترضاش تعديها..؟؟!!! عن تجارب معاها بكذا عربية (قولت اشوف آخرها) لما عرفت انها موتور السيراتو 124 حصان وبودى خفيف هتعمل أيه؟!!

غير الكاوتش الr14

+1
عشان كده أنا بقول ان صعب أوى الانترا تطلع من 318i موتورها 2000cc و143 حصان..؟؟!!! خصوصا فوق فـ السرعات العالية..

الي حصل بقى يا كبير شوفت ! lol

**mahmoud_afifi** · 04-04-2012 07:55 AM

المشاركة الأصلية كتبت بواسطة lanos2004

والله انا لما كنت 200 والمرسيدس 200 ---بتاع bmw318 سابنا ومشى مش عارف ازاى دى قفلت على 205 دة حتى ملحقش يقول سلام

It's the German magic :P

المشاركة الأصلية كتبت بواسطة minicooper20

العربيه النتا جريت معها دى مستحيل تكون الفيس ليفت
دى العاديه 118 حصان و علشان كده انتا زعلتها
اما بالنسبه للشيروكو و كوبرى اكتوبر فانا واخدها المحور باكتوبر كولو مزحفها هههههههههههههههههههههه
بعربيه طن و نص هههههههههههههه
و لا عزاء للالنترا هههههههههههههههه
حبيب قلبى

يمكن تكون العاديه انا مش عارف قوي في موديلات البي ام القديمه. بس هبقى اوريك صورتها لما ارجع من الكليه وانت تقولي دي انهي واحده :d

هههههههههههههههههه يا رااااجل !! بقى انت الي مزحفها برضه ؟؟

عادي وانا طن وربع ومفيش حد احسن من حد ههههههه :d
(لعلمك انا بزعل ناس معاها عربيات جامده بالالنترا دي )

**SAMEH_FOUAD** · 04-04-2012 11:02 AM

المشاركة الأصلية كتبت بواسطة formulator

@ mahmoud_afifi
برضه, موديل 2000 دى يا سمسم B1 موتورها 2.0 كامة واحدة 124 حصان (كان بينزل حتى على الليجانزا الحقيرة)..
لو B2 بالموتور الـ2.0 16v 2-كامة.. 136 حصان, كان هيثبت معاك جااااااااامد-- أقله لحد الـ200-210.. العربية دى متوحشة بعد الـ160 مجرمة..
لا كده مفيش تكافؤ لا مؤاخذة يا باشا.

للأسف الموتور ده Underpowered على العربية دى, دا حتى الـPre-Facelift مكانش فيها لسه x-Drive عشان يفصل الـAWD ويخليها تجرى.

دى أقل واجب مواتير الـV8 من 4400cc وطالع, لكن الموتور الـ3.0i Straight-6 ده حلو أوى على الـX3..
لكن X5 لأ... هتبقى بطيئة, ومش بتاعة جرى..أى عربية كومباكت فايقة هتقطعها..!!

حبيبى يا formulator

ياباشا اسمحلى بس ارد عليك ولا الفيكترا فوق او تحت سواء b1 , b2 الحمد لله بيتعلم عليهم كلهم , انا صاحبى معاة ال b2 ومرة كنا بنجرى على طريق المحور اختفيت من قدامة بمجرد ماعديت ال160 كم ولما وصلنا طبعا اتعمل علية حفلة وهو عارف ان عربيتة فايقة والحجة اللى كان بيقولهالى ان انت معاك SiR عايز اية يعنى مافيش تكافؤ

* وانا معاك ان الشدة بتاعة الفيكترا دية مافيش تكافؤ بس هو كان مصمم انى اجرى معاة مش عارف لية تقريبا كان نازل يجرب ماتور عربيتة مع هوندا

بالنسبة لل X5 انا عارف ومتأكد ان وزن العربية عندة تقيل بس الصراحة ماكنتش متخيل انها تكون كدة خالص قولت يعنى هتسد معايا لحد 200 مثلا الحمد لله اتفسحت بعد ال160

**Formulator** · 04-04-2012 01:31 PM

المشاركة الأصلية كتبت بواسطة mahmoud_afifi

انا متأكد من ال318i والي اعرفه انها الشكل الي بداية من 2003 او بيسموها الدبانه تقريبا.

الدبانة E36
الـE46 الشكل اللى انت بتتكلم عليه من أول 98

غير الكاوتش الr14

يعنى انت عايز تقولى ان لو ركبلها جنط وكاوتش 15"/16" مثلا.. هتجيب توب-سبيد أعلى؟؟؟!!!!!!

الي حصل بقى يا كبير شوفت ! lol

مش كده برضه..؟؟!!!

المشاركة الأصلية كتبت بواسطة minicooper20

العربيه النتا جريت معها دى مستحيل تكون الفيس ليفت
دى العاديه 118 حصان و علشان كده انتا زعلتها

+1
وفيها كلام يا كوبر..

المشاركة الأصلية كتبت بواسطة semsem kane

حبيبى يا formulator
ياباشا اسمحلى بس ارد عليك ولا الفيكترا فوق او تحت سواء b1 , b2 الحمد لله بيتعلم عليهم كلهم , انا صاحبى معاة ال b2 ومرة كنا بنجرى على طريق المحور اختفيت من قدامة بمجرد ماعديت ال160 كم ولما وصلنا طبعا اتعمل علية حفلة وهو عارف ان عربيتة فايقة والحجة اللى كان بيقولهالى ان انت معاك SiR عايز اية يعنى مافيش تكافؤ

حبيبى, هههههههههههههههههه
أنا مش قصدى انه يطلع منك, أنا بقول كان هيثبت معاك جاااااااامد.. وبعدين انت هتروووووح.