أول تجربة شد ب Elantra HD مع بنت معاها 318 BMW

**m7mda7md** · 05-04-2012 01:27 PM

قصدكم السيفيك العاديه التي تملأ شوارعنا؟......عاوز اعرف العربيه دي دنيتها ايه في السحب او عالاقل من الثبات لل 100 تعملها ف كام؟
ال هيه الشكل ده

**SAMEH_FOUAD** · 05-04-2012 02:54 PM

من 0 الى 100 فى 10.3 ثانية
بس بعد كدة بتبقى سريعة عشان هية فيها نظام drive by wire بيقلل قوة الطلعة شوية للمحافظة على كل اجزاء السيارة وكمان استهلاك البنزين

**mahmoud_afifi** · 05-04-2012 03:06 PM

المشاركة الأصلية كتبت بواسطة semsem kane

من 0 الى 100 فى 10.3 ثانية
بس بعد كدة بتبقى سريعة عشان هية فيها نظام drive by wire بيقلل قوة الطلعة شوية للمحافظة على كل اجزاء السيارة وكمان استهلاك البنزين

انا لاحظت انها بطيئه (مش بطه بس انا اسرع منه) في الطلعه وبعد كده بتفتح ماشاء الله.
كنت شديت مع واحد على طريق الاسماعيليه ,على السرعات من 20 الى120 كنت بكبس الاقيني بحصله بس بعد كده الفرق بينا مابيبقاش كبير (هو الي مسابق طبعا) عند سرعه معينه 180 تقريبا مع الفرق ان سرعتي بتقل مع الغرز وهو لأ وموصلناش لأكتر من 180 عشان حالة الطريق بس هو كان متخلف وبيطلع على الرمل الي في الجناب فسبته يشد مع نفسه ومشيت عادي انا.

**Formulator** · 05-04-2012 04:05 PM

المشاركة الأصلية كتبت بواسطة Ahmod

عندك الجيتا/الفانتزيا / الجولف / ال 1.6 ! طلعة من الثبات في البطيخ ! وحتى فوق ال 100 برضوا في البطيخ ! !
يعني لو قلنا الطلعة في البطيخ عشان العربيات تقيلة على الماتور ال 102 حصان ! طب على السرعات العالية ليه برضوا التسارع بتاعهم في البطيخ ؟ ؟
لو الوزن مش بياثر على السرعات العالية ؟ يبقى نظريا المفروض العربيات دي تبقى جامدة فوق 100 وده عمليا مش بيحصل !

ومين اللى قالك يا Ahmod ان مواتير الـVW 1.6 SOHC 102HP دى مواتير بجد؟؟؟!!

يبقى ازاي عامل الوزن مش بياثر على السرعات العالية ! !

لا لأ, أنا زعلان منك جدا...
عيب على كل الـPhysics والـKinetics اللى خدتها فـ الكلية يا برانس..

شمتت فينا بتوع هندسة..

المشاركة الأصلية كتبت بواسطة semsem kane

بس عموما بجد السيفيك اقوى عربية جريت معاها فى الفئة 1600 العادية بحس كدة ان سحبها حلو وفايقة وحاضرة تحت رجلك , واحسن من عربيات كتير مش لازم اقول بقى

+1
هى فعلا أقوى موتور/أسرع عربية 1600 فـ مصر.. من العربيات 1.6 القليلة اللى بستمتع أوى لما بأركبها أو بأجرى معاها..!!

بس دلوقتى النقطة دى فيها كلام, لسه عايزين نشوف الفوكاس الجديدة موتورها الـ125 حصان عامل أيه؟؟!!!
أنا ماجربتهاش الصراحة, بس توقعى ان الموتور الـTi-VCT مع الفتيس الـPowerShift هتبقى جرااااااااااااية فحت.

المشاركة الأصلية كتبت بواسطة mahmoud_afifi

مع الفرق ان سرعتي بتقل مع الغرز وهو لأ وموصلناش لأكتر من 180 عشان حالة الطريق

اسمحلى أقولك ليه من وجهة نظرى المتواضعة:

المشاركة الأصلية كتبت بواسطة semsem kane

وطبعا ولا فية عوامل ايردويناميك محسوبة للاستفادة بأكبر قدر من الهواء فى اعطاء الثبات للسيارة ودة اللى احنا بنشوفة ان سيارات مثلا هيونداى وكيا وبعض موديلات اليابانى بتيجى عند سرعة 130/140 وتلاقى العربية بقت خفيفة جدا وبتلعب

وبردة ماننساش ان نقطة العفشة وتصميمها بردة ليه عوامل كبير

مفيش Traction يافندم فـ السرعات العالية..؟!!
الهيونداى مش عارفة تستفيد من باور الموتور, وتوصله للعجل (اللى مش متماسك بطبيعته) عشان يحافظ على سرعة العربية فى الغرز والـManeouvres..؟؟!!!

هو الـAero لما بيعمل downforce للعربية.. مش ده بيديها ثبات؟
وتصميم العفشة لما تغير الـDamping-Rate مع السرعة ويوطى العربية.. مش ده برضه بيحسن الـTraction ويزود الثبات؟؟

عشان كده بنقول العوامل دى أساسية فـ Design العربية, حتى لو عربية عائلية بس ليها Sporty-Character..؟؟!!!
لكن من الطبيعى ان أى عربية الثبات/الـTraction بتاعها قليل, يحصلها Drop فـ السرعة بسهولة.. خصوصا فـ السرعات العالية.

**mahmoud_afifi** · 05-04-2012 04:30 PM

المشاركة الأصلية كتبت بواسطة formulator

اسمحلى أقولك ليه من وجهة نظرى المتواضعة:

مفيش Traction يافندم فـ السرعات العالية..؟!!
الهيونداى مش عارفة تستفيد من باور الموتور, وتوصله للعجل (اللى مش متماسك بطبيعته) عشان يحافظ على سرعة العربية فى الغرز والـManeouvres..؟؟!!!

هو الـAero لما بيعمل downforce للعربية.. مش ده بيديها ثبات؟
وتصميم العفشة لما تغير الـDamping-Rate مع السرعة ويوطى العربية.. مش ده برضه بيحسن الـTraction ويزود الثبات؟؟

عشان كده بنقول العوامل دى أساسية فـ Design العربية, حتى لو عربية عائلية بس ليها Sporty-Character..؟؟!!!
لكن من الطبيعى ان أى عربية الثبات/الـTraction بتاعها قليل, يحصلها Drop فـ السرعة بسهولة.. خصوصا فـ السرعات العالية.

احب اقولك اني فعلا بستفيد من كلامك ^_^

طب سؤال كده, ازاي اعمل balance بين الثبات والراحه ؟
ناس كتير قالت ان ثبات = عفشه ناشفه وماينفعش ناخد الثبات مع الراحه مع ان المعادله دي موجوده في الbmw والmercedes من زمان

**mahmoud_afifi** · 06-04-2012 08:56 PM

المشاركة الأصلية كتبت بواسطة minicooper20

بص انا هقولك من وجهق نظرى انا بعد ازنك يا فورملاتور
ال بى ام و المرسيدس ليهم معادله تانيه خالص
يعنى حضرتك لو ركبت 320 و كرولا هتقول الكرولا انعم
لو ركبت 320 و باسات هتقول الباسات انعم
لو ركبت ال مرسيدس و البى ام هتقول المرسيدس اريح و انعم
و هتحس مجرد احساس ان البى ام اثبت من المرسيدس لاكن البى ام بتجيك احساس الشراسه و هندلانج ادماااااااااااااان تحس انك بتعزف على بيانو بكل سلاسه تحسسك انك عايز تدوس اكتر
المرسيدس ممكن من كتر منتا مش سامع صوت ماتورها تنملك ساعه على متوصل
فا العربيتين دول انا بحسهم الاحساس هو العامل الاساسى فى الحكم بينهم
لاكن كا تصنيع عربيات بتعرفك يعنى ايه كواليتى
احساس النعومه و الثبات احساس نسبى فى العربيتين دول بالزات
انتا لو شوفت العفشه معموله و مخدومه ازاى و مكونتها قد ايه و كل حاجه محسوبه بالملى
هتعرف ازاى حققو المعادله دى

يبقى كده انسى الموضوع ده في عريتي واجيب مرسيدس بقى (وده في الحلم ان شاء الله :d )
على العموم الف شكر يا كبير :)