الموضوع: استلام رينو داستر - تقرير محايد

المشاركة الأصلية كتبت بواسطة beeronasr

يا باشا انت تؤمر...
الداستر نازلة نوعين - نوع سحب امامى و دى خمس سرعات و المارش للخلف لكن ال4x4 نازلة 6 نقلات و بالتالى المارش سوستة للامام شمال.
الساعة فى التابلوة ديجيتال بتبان لما تدور العربية و مكانها ثابت تحت عداد الكيلومترات - شاشة الكاسيت مفيهاش ساعة لكن بتكتب اللى بتذيعة زى مثلا على 100.6 بتكتب "nogom fm" .
البنزين مكتوب على غطاء التانك 95 و 98 بس انا و مصر كلها كلة ماشى ب 92 و الحياة جميلة و زى الفل.
المسند لوحدة هيعمل حوالى 200 جنية لانة تفصيل و الفرش من 800 الى 1900 جنية حسب نوع الجلد اللى هتختارة لكن الحاج احمد بعد كدة ممكن يعمل تخفيض و يدخل الاتنين فى بعض و بالنسبة للخدمة و الخامات و التقفيل بصراحة ممتازين
و ربنا يكرمك و تجيبها قريب و اى خدمة انا تحت امرك.

ألف شكر لحضرتك ولأهتمامك بالرد
بس أنا كنت سمعت أن عشان تحط بنزين 92 لأزم تروح للتوكيل وهما بيظبطوها عشان تقبل 92 لأن هى فى الأول مش هاتقول لأ بس بعد كده هيبان تأثير ال 92 على العربية ( ياريت تسأل على الكلأم ده صح ولأ غلط فى التوكيل ؟)
معلش سامحنى أخر سؤال - أنا كنت عاوز أعرف هى العربية بتنزل فاميه وهل بيتم أثباته على الرخصة ويا ترى أيه رأيك فى صوت الكاسيت وقوة السمعات ؟
أخيراً أدعوا لك من القلب بالخير وسعة الرزق والبركة فى الأمور كلها
وجزاك الله خيراً

المشاركة الأصلية كتبت بواسطة beeronasr

و الله على حد علمى ان البنزين ال 95 دة بيبقى لمواتير زى مثلا الكيا سبورتاج - و مواتير مشابهة - لكن موتور الداستر زية زى موتور اللانسر اللى كانت معاك و معايا - مكتوب برضو على تانك اللانسر 95 لكن الموتور شغال عادى مع 92 و اعتقد انة نفس موتور اللوجان او مشابة لية اوى.
العربية بتنزل فامية و بيتم كتابة دة فى الرخصة و لازم تأكد على مهندس الفحص علشان ما ينساش و مكتوب على ظهر الرخصة بالنص: "زجاج ملون فابريقة"
صوت ال CD مقبول جدا بس مش زى طبعا ما انت تركب sound system لعربيتك لكن مقبول لحد كبير و بيقبل CD , MP3 .
و شكرا لذوقك و دعوتك الجميلة و ربنا يكرمك بيها ان شاء الله.

أشكر حضرتك مرة أخرى على سرعة الرد والأهتمام
على فكرة أنا اصبحت مقتنع بالعربية دى 100 فى 100 بعد كل المشاركات اللى قرأتها لحضرتك ولأستاذ gogo .stonecold.bebo2000
بصراحة مشاركاتكم كلكم أكثر من رائعة وفعلأً أنا أتصلت بالوكيل عشان أسأل عليها لو هستلمها فى الميناء وأرخصها سياحة تبع شركة سياحة وكان الرد أنها بتتسلم فى الميناء ب 15800 دولأر وده لفئة الدفع الرباعى بس بعد البحث مع شركة سياحة متخصصة فى ترخيص العربيات سياحة فوجئت أن العربية هايوصل سعرها بعد خمس سنين من الدفع لشركة السياحة إلى 141000 يعنى أغلى من سعرها كاش بعد ما دخلت وأتجمركت فى مصر ومش عارف بصراحة الناس دى بتحسبها أزاى وهى دى النقطة الوحيدة المعصلجة فى الشراء , تفتكر فى حد فى المنتدى ممكن يفيدنا برأيه فى الموضوع ده ويقول لنا تكاليف العربية بعد ترخيصها سياحة هاتتكلف كام ؟
مرة أخرى شاكر لحضرتك

الف مبروك و ربنايعطيك خيرها ويكفيك شرها

المشاركة الأصلية كتبت بواسطة beeronasr

أسف للتأخير فى الرد - بي السبب انى و الله ما أعرف حاجة عن موضوع الجمارك و ترخيص سياحة
ممكن تحط الموضوع فى منتدى السيارات العام و اعتقد الافادة و الدخول هيبقى احسن

يا باشا لأيوجد داعى للأسف , أحنا أخوات
هو على فكرة موضوع ترخيص السيارة سياحة ده شكله كده مش نافع خلأص لأنى كنت أتصلت فى توكيل رينو بواحد أسمه أحمد عبد العزيز وكان قالى الشهر اللى فات أن العربيات الجديدة هاتدخل ميناء أسكندرية فى نصف مايو ولما رجعت أتاكد منه من يومين أن نفس الميعاد ولأ هتتاخر شوية , فكان الرد صدمة ,, وقالى دى خلأص دخلت الشهر اللى فات وأن الدفعة اللى جاية مش أقل من بعد سبتمبر ((حاجة غريبة )) وذلك برغم أنى كنت مكلمه فى 20أبريل !!!!!!
معلش أنا كنت عاوز من حضرتك رقم أستاذ حسين اللى كنت متابع معاه فى الطارق عشان ناوى أن شاء الله أنزل القاهرة الأسبوع اللى جاى وأشترى العربية بأذن الله