استلام رينو داستر - تقرير محايد

**beeronasr** · 24-05-2012 07:58 PM

المشاركة الأصلية كتبت بواسطة stonecoldmido5

الف الف الف مبروك ربنا يهنيك بيها و يجعلها وش الخير علي حضرتك و يكفيك شر طريقها يا رب معلهش مدخلتش بقالي فترة

اللة يبارك فيك يا كبييييير - دة انت اكتر واحد اقنعنى انى اجيب العربية دى و انتهز مشاركة سيادتك علشان اشكرك للافادات الكتيرة لكل اللى بيفكر يشترى العربية دى بصفة عامة و لى انا بصفة خاصة
الف شكر يا باشا

**Land_Cruiser** · 24-05-2012 08:29 PM

طيب ايه اخبار التكييف ؟ ايه تقييمه بالنسبه لكم من حيث تخفيض درجه الحراره و تأثيره على السحب و استهلاك البنزين بالمره

**beeronasr** · 24-05-2012 09:56 PM

المشاركة الأصلية كتبت بواسطة albasha

ربنا يديك خيرها ويكفيك شرها

الف شكر يا باشا و عقبال ما نباركلك على الفلونس ان شاء اللة

**beeronasr** · 25-05-2012 10:17 PM

المشاركة الأصلية كتبت بواسطة Land_Cruiser

طيب ايه اخبار التكييف ؟ ايه تقييمه بالنسبه لكم من حيث تخفيض درجه الحراره و تأثيره على السحب و استهلاك البنزين بالمره

اسف على التأخير يا باشا - التكييف فية ميزة انة لو انت لوحدل و الجو حر تقوم تفتح اللى فى وشك بس و هيخلى وشك يسقع بجد - لو معاك ناس بالامام و الخلف يبقى لازم تشغلة على الاخر و تشغل الفتحات اللى امام الوجة و الى تحت الكراسى لانها بتشتغل من تحت كرسى الراكب و اللى حنبة للكراسى اللى ورا - طبعا فى الليل بيبقى تلاجة و لو بالصبح و الشمس جامدة بياخد وقت شوية يمكن علشان العربية صالونها اكبر - زى ما قال بيبو.
السحب فعلا اكنة مالوش دعوة بالتكييف.
استهلاك البنزين بيتراوح فى التكييف لو زحمة اولانى فى تانى بيبقى 10.5 لتر فى 100 كيلو و لو سفر بيبقى 8.2 لتر بس.
فى المجمل اعتقد ان التكييف و استهلاكة و سحب العربية على موتور 1600 بيعتبر معادلة محترمة فى العربي دى بأمانة شديدة.

**mokh21** · 26-05-2012 12:34 AM

انا عارف ان إحنا تعبناك معانا قوي في الأسئلة لكن معلهيش ربنا يخليك لينا سؤالي بمناسبة أزمة البنزين اللي في البلد اليومين دول ممكن اعرف تانك الداستر سعته كام ليتر ومشكور مقدما

**bebo2000** · 26-05-2012 01:18 AM

50 لتر

**مدحت البلبيسى** · 26-05-2012 01:26 AM

هل قطع غيارها زى اللوجان انا سمعت كدة يعنى لوحصل حاجة تنفع قطع غيار اللوجان واصلا قطع غيار اللوجان متوفرة ولا لاانا محتار بينها والنترا2012 وكيا سول انصحونى لانى بجد مقتنع بيها 90% انا تعبتكم معايا معلش بس انتوا عارفين ومجربين قرار الشراء مش سهل جزاكم الله خيرا عنا

**Land_Cruiser** · 26-05-2012 07:19 PM

المشاركة الأصلية كتبت بواسطة beeronasr

اسف على التأخير يا باشا - التكييف فية ميزة انة لو انت لوحدل و الجو حر تقوم تفتح اللى فى وشك بس و هيخلى وشك يسقع بجد - لو معاك ناس بالامام و الخلف يبقى لازم تشغلة على الاخر و تشغل الفتحات اللى امام الوجة و الى تحت الكراسى لانها بتشتغل من تحت كرسى الراكب و اللى حنبة للكراسى اللى ورا - طبعا فى الليل بيبقى تلاجة و لو بالصبح و الشمس جامدة بياخد وقت شوية يمكن علشان العربية صالونها اكبر - زى ما قال بيبو.
السحب فعلا اكنة مالوش دعوة بالتكييف.
استهلاك البنزين بيتراوح فى التكييف لو زحمة اولانى فى تانى بيبقى 10.5 لتر فى 100 كيلو و لو سفر بيبقى 8.2 لتر بس.
فى المجمل اعتقد ان التكييف و استهلاكة و سحب العربية على موتور 1600 بيعتبر معادلة محترمة فى العربي دى بأمانة شديدة.

الف شكر يا باشا و ربنا يباركلك فيها

**mokh21** · 26-05-2012 10:08 PM

المشاركة الأصلية كتبت بواسطة bebo2000

50 لتر

معنى كده ان التانك يعمل تقريبا متوسط ٥٠٠ كيلو متر

**Land_Cruiser** · 26-05-2012 10:39 PM

معلش - و اسف على كثره الاسئله - كان عندى سؤال تانى يا ترى ايه الفروق اللى بين النسخه العاديه و الدفع الرباعى من حيث الفتيس و العفشه و الكماليات و شكرًا مقدما