الموضوع: يوميات مدخن

المشاركة الأصلية كتبت بواسطة tarekzein

مبطل شيشه من حوالى سنه

والحمد لله

معدل الشرب اليومى من 10 إلى 20 حجر يوميا

قبل قرار التوقف كنت بشرب علبة سجاير من 8 ص إلى 4 م

وشيشه بالليل حوالى 10 & 12 حجر

ثم وقفه مع النفس وبعدها بطلت

المهم الإراده

والحمد لله متوفره

عقبال باقى المدخنين

دة انت كدة كنت بتنتحر الحمد للة ان ربنا تاب عليك منهم على فكرة انا مبطل سجاير من اسبوع وكنت بدخن حوالى علبة ونص كل يوم وان شاء اللة مش ناوى ارجع تانى

اخبار الرجاله المبطلين ايه شكل الشامبكس عامل عاميلو معاكو معلش هوا اسوأ ايامو بتاعه اخر الاسبوع الثانى عايز اطمن عليكوااااااااااا

المشاركة الأصلية كتبت بواسطة mohamedkordy

اخبار الرجاله المبطلين ايه شكل الشامبكس عامل عاميلو معاكو معلش هوا اسوأ ايامو بتاعه اخر الاسبوع الثانى عايز اطمن عليكمااااااااااا

تمام يا محمد بيك:d:d
الحمدلله سبتها من اليوم التامن ولحد دلوقتي بس اليوم التامن والتاسع هما بس اللي فكرت فيها شوية بس كنت برجع اعاتب نفسي
لكن الحمدلله دا سابع يوم ليا مشربش ومش بفكر اشرب كمان وخلاص اتعودت اني مش مدخن الحمدلله
لدرجة لسة عندي شامبكس تاني وبطلت اخدو من يومين تلاتة :d:d:d
واكتر من حد يدخن جمبي ببقي كاره ريحة الدخان
واعذروني عن انقطاعي عنكم الفترة اللي فاتت بس كانت عندي شوية ظروف كدا
وان شاء الله هنكمل الايام واكتبها بالتفصيل

والحمدلله بعد ما سبت الدخان حاسس ان صحتي رجعت احسن من الاول كمان :d:d

بعون اللة ولا اى شامبكس ولا كومبلكس كلة طبيعى وكدة ليا 9 ايام ولا سيجارة

والحمد للة فرق شاسع فى كل حاجة فى النفس والنوم والجرى وطلوع السلم وكل حاجة الواحد ماكنش عايش قبل كدة ربنا يكملها على خير ومارجعش تانى

المشاركة الأصلية كتبت بواسطة mastr_n

بعون الله ولا اى شامبكس ولا كومبلكس كلة طبيعى وكدة ليا 9 ايام ولا سيجارة

والحمد لله فرق شاسع فى كل حاجة فى النفس والنوم والجرى وطلوع السلم وكل حاجة الواحد ماكنش عايش قبل كدة ربنا يكملها على خير ومارجعش تانى

ربنا يكرمك ومتفكرش فيها تاني
وحقا انها لفرق شاسع

بس للاسف العصبيه وانا اصلا وانا بدخن عصبي ولما بطلت بقيت بتحول بمعني الكلمه والله
ابقي قاعد هادي هادي هادي وحاجة تنفزني هادي هادي هادي لحد موصل لدرجة مبحسش بنفسي وبتحول تحول لدرجة كسرت الموبيل في لحظة عصبيه والمشكله اني مببقاش حاسس بنفسي

المشاركة الأصلية كتبت بواسطة a7med_pharma

مجهود كبير منك على فكرة
أنا كل فترة .. أقرف من نفسي ومن ريحة نَفَسي ومن طعم بقي
وأقول هبطل
ولما أبطل كام ساعة .. أزهق وأقول طيب هنمشيها تدريجي

أخر مرة حاولت أبطل

انا لسه فيها حاليا
ودي جت لوحدها بدون أي رغبة مني نهائي

صحيت الصبح (وزي العادة) علبة السجاير فاضية
دخلت إخدت دش بارد وطلعت لقيت نفسي جعان .. فطرت كويسسس وشربت عصير(ربنا يخليلي الحاجة)
ونزلت ركبت العربية علشان أروح الشغل.. الصيدلية
وقفت عند أول محل أجيب سجاير
أضرب إيدي في جيبيي .. مالقتش فلوس ((مانا بعد الحادثة .. مابقتش بروح من الشغل بأي فلوس أساسا ))

قلت مش مشكلة
كده أكون أنا صحيت الساعة 9 .. ولحد الساعة 12 مفيش سجاير
يعني أول 3 ساعات الصبح مفيش سجاير
وكل المدخنين عارفين إن الإصطباحة ضرورية جدااااااااا ماتعرفش ليه

شغل رايح..قرف جااااااي
لقيت نفسي أخر اليوم ( بعد ماجبت علبة سجاير طبعا أول ماروحت الصيدلية ) لقيتني شربت 6 سجاير بس اليوم كله

أهي دي معجزة
يعني ربع الاستهلاك اليومي .. ومن غير رغبة مني أساسا
حسيت والله فجأة إني مش عاوز أشرب
قلت بركة والله

وأدي الحالة دي ماشية معايا لحد دلوقتي بقالها حوالي 10 ايام تقريبا
رغبة السجاير مش موجودة ... ولو شربت سجاير بتكون لمجرد إني مش متعود أبطلها لسه

ربنا يكرم كل المدخنين
السجاير دي قرف مقرف بالقرفة

صدقني يا دكتور احمد اول يومين بس صعبين شويتين بس اليوم التالت الدنيا طبيعية علي الاخر جدا
هي مساله تعود صدقني
هتلاقي فرق في الصحه فرق في كل حاجة والله كفايا تحس بخر من جواك انك قدرت تتحدي حاجة ونجحت فيها
وهتلاقي الفلوس في جيبك مش هتعرف توديها فين اللي للاسف كانت بتروح علي السجاير و الواحد مش واخد باله علي اساس انها سلعه اساسية

ربنا معاك ويكرهك فيها ومتحولش تفكر هتعمل اية من غير السيجارة والكلام دا كله هو دا اللي بيرجع الواحد لورا حاول تفكر في الحياه الجديده اللي مستنياك رياضه وصحه وفلوس كانت ضايعه وكل حاجة