الموضوع: بخصوص قوة موتور السيفيك فى الشد و الجرى .. لاصحاب التجربة فقط !!

المشاركة الأصلية كتبت بواسطة abdulkhaleq

أستاذ مودي مين جاب سيرة الياباني دلوقتي ؟ وبعدين ديزاين ايه ؟ ماهو الشكل لازم يتغير
انا بسأل بما انك قلت تغيير كللي اعتقدت ان في حاجه للأمام
materials اتغيرت مثلا
لأن بصراحه انا مش شايف فرق
بالعكس كل اللي شفته ان الجديده (الكامله) ديسكات قدام بس (عشان ماتعومش لما تفرمل زي ماقاللي بتاع ال sales اللي في المعرض هههههههه) وكمان الفولي لودد زادت عن الكامله اللي قبليها حوالي 30-35 ألف, اه وكمان الجديده فيها عفشه خلفيه اسوأ بكتير جدا من اللي قبليها مش فاهم ازاي بصراحه !

بالتأكيد الفتيس ال 6 سرعات احسن من ال 4
بس مثلا ده اختراع هيونداي مثلا ولا ايه
لو في تكنولوجيا اخترعتها هيونداي وحطتها في الشكل الجديد ارجوك قوللي عليه
(وعلى فكره انا بتكلم جد يمكن في حاجه انا ماعرفهاش)

انا بكلمك عالتقدم في الشركات
الشكل لازم يتغير اكيد بس في شركات بتغير للاوحش ( كورولا-سيفيك-صني ) وفي شركات بتغير للاحسن ( شوف الفوكاس والجيتا والالنترا ) لا معلش الديزاين ده فعلا متعوب فيه جامد ومفيش حد بيشوف العربية الا لما بتعجبه الا قليل جدا , بالنسبة للفولي لودد فهي ديسكات ورا وقدام , وبتزيد عن اللي قبلها ب 10-12 الاف بس على فكرة , والعفشة مش وحشة ولا حاجة انا جربت الاتنين وشايفهم نفس النعومة
لا مش اختراع بس عندك منافسين زي الكورولا والفلوانس والمازدا 3 لسه فيهم فتيس 4 سرعات
لا مفيش تكنولوجيا وهيونداي مش بتخترع تكنولوجيا على فكرة :)

المشاركة الأصلية كتبت بواسطة abdulkhaleq

ماشي هو التقدم شكل ؟
وياسيدي شكلها حلو فعلا, انا معاك, اصورها واعملها بوستر بقى ولا ايه :) :) ؟؟
اما الفولي لودد فلما شفتها كانت ديسكات قدام بس (وكيل) وكان فيه خليجي او اوروبي ديسكات ورا وقدام
مش عارف بقى لو غيرو الموضوع ده في دفعات جديده ولا لأ, احنا لما سألنا في ابو رواش قاللنا هي دي و بـ 160 الف وحتى كتر خيره الراجل كان بيشرحلنا ازاي ان العربيه طويله ولو كانوا حطوا ديسكات ورا العربيه هتعوم وكده خطر وبتاع
اما عن العفشه فانا برضه مجرب الاتنين في طرق مكسره وطبيعي القديمه احسن وانت عارف ليه :)

الجزئيه الاخيره برضه ممكن تفهمني ازاي هيونداي مابتعملش تكنولوجي وفي نفس الوقت انت بتقوللي ان فيه تطور رهيب ؟ انا اللي اعرفه ان قوة الشركه باختراعاتها مش كده ولا ايه ؟

التقدم مش شكل بس بس معلش الشكل مش اقل من 50% من العربية , ما هو انا مش هركب كنبة برضه , دي زي بيتك والشكل من اهم العوامل
انا سالت في التوكيل قالولي ديسكات قدام وورا ( معرفش الفئات الاولى نظامها ايه )
انا عارف ان القديمة ملتي لينك وطبيعي تكون احسن بس مش بالفرق الشاسع يعني , ما الجيتا والميجان تورشن بيم
التطور في انها حطت شكل مميز مع اوبشن كتير مع اعتمادية كويسة مع سعر كويس مع وسع كويس مع موتور كويس ( مش رياضي ومش وحش ) مع استهلاك بنزين class-leading
باختصار هي ركزت عالعملية اكتر
لكن لو انا عاوز عربية رياضية هجيب فوكاس او مازدا 3 ( مش البطة اللي بتنزل مصر )

المشاركة الأصلية كتبت بواسطة semsem kane

هيونداى عاملة زينا ( الشعب المصرى ) احنا بنشترى وبنستهلك بس

هيونداى بتقلد بس مابتخترعش ودة اكبر عيب لان دة معناة ان عمرها ماهتتعلم

لكن تعالى كدة جرب هيونداى تخترع انظمة خاصة بيها هية انسى ولا الهواء

ليه عمرها ما تتعلم ؟ طب شوف الموتور ال 2.0 التربو بتاع السوناتا والجينيسس , واهي ابتدت تعمل مواتير v6 و v8 كمان
الشركة بتتقدم في المجال ده
وبعدين هيفيد بايه شركة زي فيات مثلا تعمل تكنولوجيا ومتبيعش عربيات ؟

المشاركة الأصلية كتبت بواسطة semsem kane

معلش اسمحلى اجاوبك على اسألتك

1- materials لم تختلف

تمام بس مختلفتش للاسوأ
2- كل الفئات ديسكات قدام وطنابير ورا والقديمة كدة بردة ماعدا اخر فئة هية بتبقى كلها ديسكات طبعا هو بيقولك اتقدمت وواضح من التقدم انها مغيرتش السياسة بتاعتها

3- فعلا الكاملة اللى قبليها كانت ب121 الف جنية الى 125 الف جنية ودية ب156 الف جنية يعنى الفرق فعلا 31 الف جنية بعد الخصم اللى حصل و 34 الف جنية قبل الخصم

الكاملة ب 121 الف ؟ هي الفئة الاولى بقت الكاملة يا جدعان ؟ امال ايه لازمة gl-gls-highline-fully loaded ؟
4 - فعلا القديمة كانت عفشة مستقلة وكانت كويسة نوعا ما عن العفشة ال torision beam اللى موجودة طبعا ودة بهدف الاسترخاص

5- معلش ال6 سرعات مش حلو وال4 سرعات بردة مش حلو اللى ممتاز هو ال5 سرعات عشان دة اقل فتيس يديك عزم وتجاوب مع عدم الاحساس بالنقلات يعنى انا لما ركبت الالنترا وال rb حسيت بالنقلات بعكس فتيس السيفيك ال5 نقلات كان مختفى تماما
لكن الاربع نقلات بتحس بالنقلات بية بردة , وكمان الفتيس ال6 سرعات انا حاسس انة مالوش اى لزمة فى العربية لان محرك العربية مش قوى اصلا انة يتركبلة فتيس 6 سرعات دية منظرة فاضية

ال 5 سرعات احسن من ال 6 سرعات ؟ طب اديني امارة ؟ لو كان كده كان فورد وفولكس ومرسيدس وbmw خلوا فتيساتهم 5 سرعات ومكانش نزل ال 8 سرعات بقى , وبعدين انت اول واحد يقولي انه حس بالنقلات في الالنترا الجديدة !
6- معلش ياباشا هيونداى مش بتخترع هيونداى بتقتبس فقط

7 - على فكرة مش العربية بقت اعرض واتقل واطول وبردة خفيفة على السرعات مابعد 150