الموضوع: نصائح ل زياده الوزن

المشاركة الأصلية كتبت بواسطة a7med_pharma

اسمع الكلام بس
فكك من كل حاجة تانية ... فكك من اصحابك وخروجاتك دلوقتي
الموضوع كله 45 يوم
صدقني في أول البداية .. الواحد لاشعوريا كده .. بيخلق لنفسه أعذار إنه يكسل النهاردة
اصل النهاردة خارج مع اصحابي ورايحين فين .. فمش هعرف اروح التمرين
اصلي مسافر النهاردة .. فمش هعرف اروح
وهكذا
الموضوع كله 45 يوم متواصل
وبعد كده ممكن تخلي التمرين مرتين تلاتة في الاسبوع بس

انا لعبت وانا 70 كيلو
ووصلت في الصورة دي لتقريبا 78 كيلو .. الحمد لله ماكانوش دهون خالص.. عضل صافي
وأديني خسيت تاني لــ 72 كيلو لما بطلت هههههههههههههههههه
بس نوعا ما جسمي ماباظش أوي
.
انا بقولك تمارين الكتف كافرة
بس دي الي بترسم الباقي كله

وعلشان ماتكسلش.. الوصفة السحرية انك تشوف حد يلعب معاك .. هتشجعو بعض جدااا انكم تروجو .. وانكم ماتكسلوش .. وانك ماتكروتوش التمارين

واهم حاجة برضو

ماتروحش تقضي وقت بس.. وتقول التمرين ساعة بس
وتتلكع هنا شوية ... وهناك شوية .. لحد الساعة ماتخلص
وحاجة مهمة أوووووووي حتى المدربين في الصالات مش بياخدو بالهم منها

الراحة بين كل تمرين وتمرين في الجيم .. مش أقل من 3-5 دقايق
يعني تخلص مثلا 4 مجموعات باي .. والفاصل بين المجموعة مثلا 2 دقيقة

تريحلك 3-5 دقايق كاملين
وتخش في الي بعده
الحماسة وانك تخبط كله ورا بعضه.. مابتجبش نتيجة


معلومة أكيد هتنفعك
وقت التمرين العضلة مش بتكبر .. العضلة بتكبر وقت الراحة
يعني كل ماكان وقت الراحة اكبر((في المعقول طبعا)) كل ماكان أفضل بكتيرررررر


ماتاكلش وتملا بطنك قبل التمرين
قبل التمرين وجبة خفيفة خاااالص..او علبة تونة واحدة
خد بالك تفضي الزيت من التونة .. علشان بيميع البطن .. وبــ يضر الجسم عموما
علشان الكوليسرتول بتاعه عالي
وكذلك الكوليسترول في البيض عالي .. بس اديهم اول 45 يوم كل يوم تضربلك 5-10 بيضات
بس

طيب تمام انك متابع معايا :)
انا فعلا بيروح معايا صاحبي بنسلي بعض وفعلا هنشجع بعض عشان نروح وكده .. بس موضوع الخروجات والهيصه دي انت بتتكلم جد ؟ ايه المشكله اصلا ؟ انا بتمرن بتاع ساعه ف عادي لما اجي من بره اروح الجيم علي 11 ولا 12 ساعه واروح انام وشكرا كده او لو هسهر وشكرا كده بردو :)
بس موضوع 10 بيضات ده انا حاسه كتير اوي مش هقدر عليهم :) بعدين ليه الناس فاكره اني هاكل فعلا الكميه دي كلها اللي هي علبيتن تونه كل يوم و10 بيضات و نص فرخه وفاكهه ولبن كل ده!! انا اخري في اليوم كله نص فرخه مع الرز لو جمبهم خضار وشكرا كده مباكلش تاني ف اللي هعمله اني اقسمها علي مرتين او تلاته وده هيبقي انجاز لو قدرت اعمله :)

المشاركة الأصلية كتبت بواسطة mohaakotb

بالنسبه للنوم انا بنام قتيل ف الحمد لله النقطه دي في صفي :)
موضوع الايام انا متلخبط ناس تقولي كل يوم متفوتش يوم وناس تقولي يوم ويوم عشان الراحه وكده
موضوع الاكل ده بقي اصعب حاجه بصراحه !! انا معظم الايام ببقي بره بنزل من غير ما افطر ممكن يادوبك كوبايه لبن بخيره وانزل واجي علي بليل اكل اكله اليوم وخلاص كده مبقدرش اكل تاني ف ايه الحل بقي ؟
ممكن مثلا ازود المكملات بدل ما اخد نسبه معينه اخد اكتر؟ ولا هتبقي خطر ؟ و المكملات نفسها اصلا خطر ؟ وايه الفرق بين الكبسولات والباودر يعني في اسئله كده في الحاجات دي كتير بس نعرف دول الاول ...

انك تلعب كل يوم دى حاجه من اتنين يا انت عايز تحرق دهون وتهد نفسك يا انت بطل وبتجهز لبطولة وعايز تنزل وزن فى فترة زمنية محددة ..

موضوع الاكل دا بقى لازم تعرف ان كل جرام بروتين فى جسمك بيحتاج يوميا 2 جرام بروتين عشان النمو العضلى يعنى لو وزنك 60 كيلو فانت بتحتاج حوالى 120 جرام بروتين

دول بقى تقدر توصلهم يوميا عن طريق ال 6 وجات اللى اتكلمنا عليهم ولا مفر من التغذيه عشان انت بتطلب من جسمك انه يزيد وانت اصلا مش مديله حقه كغذاء فهيجيب منييييييييين وانت طبيعه جسمك نحيفة

المكملات عندك انضف حاجه الواى بروتين مكمل مصنوع من شرش اللبن يعنى مفيش قلق ركز فى المكمل ده ومتلغبطش نفسك فى اى اسامى تانية دلوقتى وصدقنى التمرين هيخليك تجوع وجسمك هيطلب منك بس انت ماتبخلش عليه ومتطلبش المستحيل الصبر ثم الصبر

المشاركة الأصلية كتبت بواسطة micromoud

انك تلعب كل يوم دى حاجه من اتنين يا انت عايز تحرق دهون وتهد نفسك يا انت بطل وبتجهز لبطولة وعايز تنزل وزن فى فترة زمنية محددة ..

موضوع الاكل دا بقى لازم تعرف ان كل جرام بروتين فى جسمك بيحتاج يوميا 2 جرام بروتين عشان النمو العضلى يعنى لو وزنك 60 كيلو فانت بتحتاج حوالى 120 جرام بروتين

دول بقى تقدر توصلهم يوميا عن طريق ال 6 وجات اللى اتكلمنا عليهم ولا مفر من التغذيه عشان انت بتطلب من جسمك انه يزيد وانت اصلا مش مديله حقه كغذاء فهيجيب منييييييييين وانت طبيعه جسمك نحيفة

المكملات عندك انضف حاجه الواى بروتين مكمل مصنوع من شرش اللبن يعنى مفيش قلق ركز فى المكمل ده ومتلغبطش نفسك فى اى اسامى تانية دلوقتى وصدقنى التمرين هيخليك تجوع وجسمك هيطلب منك بس انت ماتبخلش عليه ومتطلبش المستحيل الصبر ثم الصبر

هو انا تقريبا مش هقدر العب كل يوم انا بس الشهر ده هستمر كل يوم عشان انا مسافر اخر اسبوع ف مش هروح فيه الجيم
بالنسبه للأكل معلش اعرف منين اني اللي كلته انهارده مثلا 120 جرام بروتين ؟
بالنسبه للمكملات مينفعش زي مانا قولت ازود الجرعه ؟ عشان تغنيني عن الاكل ؟ ولا هيبقي غلط ؟ وبكام اصلا الواي بروتين وبجيبه بالكيلو ولا بأيه ؟ واجيبه منين الاصلي

المشاركة الأصلية كتبت بواسطة mohaakotb

هو انا تقريبا مش هقدر العب كل يوم انا بس الشهر ده هستمر كل يوم عشان انا مسافر اخر اسبوع ف مش هروح فيه الجيم
بالنسبه للأكل معلش اعرف منين اني اللي كلته انهارده مثلا 120 جرام بروتين ؟
بالنسبه للمكملات مينفعش زي مانا قولت ازود الجرعه ؟ عشان تغنيني عن الاكل ؟ ولا هيبقي غلط ؟ وبكام اصلا الواي بروتين وبجيبه بالكيلو ولا بأيه ؟ واجيبه منين الاصلي

عموما كل سنة وانت طيب رمضان داخل وانك تزيد جوا رمضان دا موضوع صعب جدا عشان كدا انا شايف انك تمارس الرياضه عادى جدا لغايه ماجسمك ياخد على الحديد هيكون رمضان خلص تقدر تبتدى بعدها فى النظام الغذائى اما بالنسبه للمكمل الغذائى فأكيد مش هتاخد الكمية كلها فى يوم واحد عشان كده هيخلص منك بسرعه وهتضطر انك تشترى تانى بعد مدة صغيرة عشان كده اسمه مكمل غذائى مش مصدر غذائى حاول بقى وانت على النت تدور على المواقع وتقرا شوية عن البروتين ومصادره اما الاسعار فانا معنديش معلومه عشان انا بعيد عن التدريب بقالى فترة ممكن تسأل الكابتن فى الجيم او تروح العزبى وتسأل :))

المشاركة الأصلية كتبت بواسطة micromoud

عموما كل سنة وانت طيب رمضان داخل وانك تزيد جوا رمضان دا موضوع صعب جدا عشان كدا انا شايف انك تمارس الرياضه عادى جدا لغايه ماجسمك ياخد على الحديد هيكون رمضان خلص تقدر تبتدى بعدها فى النظام الغذائى اما بالنسبه للمكمل الغذائى فأكيد مش هتاخد الكمية كلها فى يوم واحد عشان كده هيخلص منك بسرعه وهتضطر انك تشترى تانى بعد مدة صغيرة عشان كده اسمه مكمل غذائى مش مصدر غذائى حاول بقى وانت على النت تدور على المواقع وتقرا شوية عن البروتين ومصادره اما الاسعار فانا معنديش معلومه عشان انا بعيد عن التدريب بقالى فترة ممكن تسأل الكابتن فى الجيم او تروح العزبى وتسأل :))

رمضان هيبقي صعب ؟ دانا املي كله في رمضان :) هروح يوميا في رمضان بليل كده وهيبقي عندي وقت فاضي كتير في رمضان غير الشهور التانيه
وانا مش قصدي طبعا اخد الكميه كلها من المكمل الغذائي في يوم واحد بس يعني بدل ما اخد كبسوله اخد اتنين وهكذا عشان يبان عليا التغيير بسرعه ده القصد يعني انجز في الوقت عشان الجيش والفيلم ده

اكيد الصيام بيأثر تأثير سلبى على نمو العضلات يعنى اى لاعب كمال اجسام بيخرج من شهر رمضان وهو محتفظ بوزنه بيقول الحمد لله .... وانك تلعب بعد الفطار هو دا الصح

ثانيا الواى بروتين بودر مش كبسوله ,, ماتاخدش بروتين على هيئة برشام عشان على افتراض ان الكبسوله 2 جرام شوف بقى عشان تاخد 40 جرام هتاخد كام كبسولة ...

الخلاصة العب براحتك ياباشا مفيش احلى من الرياضه جسمك هيتظبط كتير عن الاول بس ماتنتظرش زيادة جوا شهر رمضان :))