الموضوع: نيسان قشقاي ٢٠١٢ مشكلة تم توضيحها وحلها

المشاركة الأصلية كتبت بواسطة loai-omar

ودا ايلي قالهولي
انا مش مقتنع بكل دا

بس ايلي قالهولي هوا ايلي عمل التمثيليه الهبطانه دي
لو دي الحقيقة

فا انا اسف جدا

ياريت يا استاذ لؤى .. يكون التوضيح بصيغة اكبر .. وانقله بلسان نسيبك بالحرف بدون ما حضرتك تتدخل وتقول انا مش مقتنع ..
احنا عايزين نعرف .. هو اللى مقتنع ولا مش مقتنع .. مش حضرتك ! .. عايزين الكلام نقلا عنه هو شخصيا عشان الناس تحكم وتتاكد .. وياريت يكتبه فى ورقة وحضرتك تنقله عنه نقلا حرفيا وعلى صفحات القسم وفى موضوع منفصل افضل

شركة السبع ليهم حق عند حضرتك وعنده الان .. فياريت يكون التوضيح شامل القصة من البداية والحقيقة عن لسانه .. ولو السواق فعلا هو السارق .. يبقا يتمضن مع شرح القصة .. واعتذار منكم واضح .. زى ما كلنا اتعاطفنا معاك .. فى كل الصفحات .. وكل الاعضاء تعاطفوا .. واكيد منهم اللى قرا الموضوع ومرجعوش يتابعه تفاصيله واخدوا خلاص انطباع سيئ عن الشركة وعننا كمتحيزين .. فياريت تقدر النقطة دى

مينفعش الحكاية تتحكى فى سطر .. لازم الناس تعرف وتتطمن على نسيب حضرتك وعلى سمعة شركة السبع اللى كلنا بنتعامل معاها .. فالموضوع مش بسطر كدا ابدا
لانه بصراحة موضوع كبير .. والجميع يعلم بذلك .. سواء الاعضاء فى الموقع والمهتمين او الشركة او نسيب حضرتك واكيد كمان حضرتك شخصيا

انا لو اتنصب عليه زى ما حصل مع نسيب حضرتك .. وظلمت حد .. واتهمت حد فى سمعته بالباطلل .. مش حيجيلى نوم ابدا .. وخصوصا اننا فى شهر كريم .. ولازم انزل اعتذار فى كل مكان على الناس او الشخص اللى اتهمته ظلم .. لان هى دى اخلاق الفرسان .. وده حيعلى مكانتى فى المجتمع جدا

اما الحرامى اللى مثل التمثلية دى اللى هو سواق نسيب حضرتك اللى ممسوك فى قسم الشرطة .. ده مينفعش معاه اى رحمة .. عشان كان حينصب عليكم .. وكان حيستغل سمعة شركة فى الموضوع ده .. فلازم ياخد جزاءه ويكون عبره ..

اما الاعضاء اللى اتهمونا بالتحيز لطرف ما .. احنا فى شهر كريم .. وسامحنا كل من اتهمنا .. وبنعذرهم .. لانهم مش ملاك لسيارات نيسان .. فمن الطبيعى لم يتعاملوا مع وكلاء نيسان بالاخص مثلنا .. ولا بنوا قسم مثل قسمنا من تعب وحب مع الاعضاء والوكلاء فى خدمة الجميع بدون مقابل... وحولنا الواقع الافتراضى الى واقع وعالم حقيقى .. نحصل منه كعملاء نيسان على خدمات كثيرة
ومن خلال تعاملنا الهادئ ودخولنا هذه المراكز قدرنا نحكم من البداية ان فى حلقة مفقودة .. وحبينا نعلم من المصدر نفسه .. واتصلنا بيه وتاكدنا .. ولا نحكم بعاطفة على شى ولا بتسرع .. ولابد ان نصل ونعلم الحقيقة من جميع الاطراف

وهذا ما تعودنا عليه داخل بيتنا الكبير وموقعنا نايل موتورز .. اللى يعتبر قسم نيسان جزء منه لا يتجزا عنه .. ويخضع لقوانيه .. ويخضع الى اسلوبه المحترم فى نقد الموضوعات وطرحها والبحث عن الحقيقة دائما .. والنظر اليها بهدوء وعقلانية .. وهذا الاسلوب ناتج من اعضائه اللذين يمثلونه .. وينشرون حالة الحب والود بينهم وبين بعضهم البعض .. مع الجميع داخل الموقع وخارجه

تحياتى للجميع

بصراحة هو ده اللى كنا منتظرينه .. من حضرتك يا باشمهندس محمد .. ورد من حضرتك شخصيا
وبنتشرف بيك .. وبالناس المحترمة اللى مثل حضرتك اللى بيتحلوا باخلاق الفرسان

لان دى سمعة شركة .. مش صغيرة .. وشركة كبيرة جدااااا .. وكلنا كعملاء نيسان وملاك للسيارة .. اتعملنا معاهم .. ونعمل مدى احترامهم

وبردك ده .. رجعت الحق للاصحابه .. سواء للشركة ولكل الاعضاء اللى واثقين فيها .. ورديت على كل اللى شكك فى نزاهتم .. واللى مفروض يدخلوا يعتذروا للشركة ولينا

وكان لابد من توضيح سيادتكم .. على كل التفاصيل بسرد واضح ومستفيض .. لان الموضوع اتطرح فى اكبر موقع متخصص فى السيارات فى الشرق الاوسط .. وقسم نيسان جزء هام فى الموقع .. واستطاع هذا القسم بكل حب وود ان يخدم اعضائه وان يكون محط جذب وانتباه لشركة نيسان الام .. ووكلائها المعتمدين والمحترمين .. اللى بيبذلوا معنا كل طاقتهم فى حل مشاكل الاعضاء فى قسم نيسان .. ولذلك كنا منتظرين منكم توضيح بشكل اكبر

تحياتى ليك