الموضوع: للأسف مشكلة التزييق فى الصنى الجديدة.. لا حل لها

المشاركة الأصلية كتبت بواسطة moha4tec

السلام عليكم
انا قابلتنى مشاكل تزييق و اصوات فى السيراتو و الحمد لله كلها بسيطه و اتحلت كلها

لو الصوت جى من السوسته و انت متاكد هتعمل الاتى و باذن الله المشكله تتحل

ممكن حضرتك تشترى حاجه زى الخرطوم و هتتلف على لفات السوسته دى هتخلى لفات السوسته متعملش اصوات احتكاك مع بعض
كمان ممكن تشترى صدادات كوتش اسبور من عند حماده غوزى او اى حد بتاع اكسسوار و تركبها عندك و باذن الله ده يقضى على اصوات مختلفه من ارتطام قاعدة السوسته
ممكن تجيب حته عازل صوت و تركبها من قاعدة السوسته عشان الكوتشه تخبط فيها بدل ما تخبط فى الصج بتاع قاعدة السوسته . و دى كده اخر حاجه ممكن تتعمل فى انك تشيل اى صوت للسوست
او الافضل :
تعالى مقابله كيا و نيسان و هيونداى و شيفروليه و كلنا هنبصلك على المشكله و مش هسيبك تمشى الا و المشكله محلوله باذن الله بس انت فكرنى برساله على الخاص او اتصل بى عشان اجيب لحضرتك معايا حتة عازل صوت .
01000989080
محمد مصطفى

السلام عليكم
يتشرف قسم كيا بدعوة اعضاء قسم نيسان على مقابله مجمعه لكل الاقسام فى الرحاب يوم الجمعه القادم باذن الله .
http://www.nilemotors.net/nile/307397-14-9-2012-a.html (مقابلة نمور كيا السادسة 14/9/2012 ......مين قال جى)

يا باشا انا مش عارف اشكرك ازاى على ردك واهتمامك وتطمينك ليا برغم ان حضرتك معاك عربية تانية خالص والصراحة انا بجد سعيد بيك و بمشاركتك و ان شاء الله هكون حريص انى أقابلك فى يوم من الايام.

أعتزر عن عدم الحضور يوم الجمعة لأنى خارج مصر الأن بس ان شاء الله لما ارجع هكلمك حتى عشان أتعرف عليك وأشكرك بنفسى

ألف شكر ليك يا باشا

المشاركة الأصلية كتبت بواسطة moha4tec

اهم حاجه متقلقش ده صوت فقط و مش مؤثر على اى شىء خالص .
و باذن الله اجبلك حل ليها
و حاول تستمتع بعربيتك الجديده و متركزش مع الاصوات دى . و عيش حياتك و توكيل نيسان محترم جدا جدا
محلوله باذن الله

أنا فعلا حاسس ان دى مشكله حلها بسيط جدا انا بس مفروس من الوكيل انه سايبها كده ومحير الناس الوقت ده كله