الموضوع: للأسف مشكلة التزييق فى الصنى الجديدة.. لا حل لها

المشاركة الأصلية كتبت بواسطة fbiahmed

عادي الصني الشكل القديم كان فيها عيب بيعمل خبطه ورا مع المطبات ناحية السقف و و الموديلات من اول 2010 و العيب ده هو ان لحام قايم الشأسيه مع السقف بيفك و بتروح العربيه المصنع يتلحم القايم ده و ممكن مع المطبات يفك تاني. نصيحتي كبر دماغك. و كمان 105000 مش رقم هاتلي عربيه فيها الامكانيات دي بالرقم ده و مفيش حاجه كامله كبر مخك

يا سيدى الفاضل يمكن 102000 ده رقم مش كتير بالنسبة لحضرتك انما بالنسبة ليا ولناس كتير ده رقم كبير جدا ومش بنلاقيه فى الشارع وكل جنيه فيه جاى بتعب وجهد فياريت ما نستهونش بامكانيات الناس.

وان كان ده سعر كويس للعربيه مقابل الامكانيات ( وده الى مقتنع بيه طبعا والا ماكنتش اشتريتها) ده مش معناه ان العربية تبقى معيوبة

أكبر مخى دى حضرتك تقولهالى لما اكون شارى عربية 131 موديل 85 ب 15000 جنيه !! انما لما اشترى عربية زيرو من شركة مفروض انها يابانى ومحترمة يبقى ماينفعش أكبر دماغى ابدا و لو هرفع عليهم قضية بسبب الصوت ده وربنا معايا ان شاء الله

و تحياتى لحضرتك

المشاركة الأصلية كتبت بواسطة hamed190000

انا عامل 3000 كيلو ورحت السبع 3 مرات علشان مشكله التزييق دي
وعملت شكوي فى نيسان وبرضه مافيش فايده لدرجه انى فكرت ابيعها

يا سيدى الفاضل لا تيأس وانا ان شاء الله اتصل بيك و نصعد الموضوع ده لو ما اتحلش وان شاء الله نجيب حقنا

انا خارج مصر و هرجع ان شاء الله فى شهر نوفمبر و هبعت لحضرتك رسالة على الخاص عشان نتكلم ونشوف هنعمل ايه وأكيد هيبقى فى ناس تانيه معانا ان شاء الله

وياريت حضرتك تبقى تبلغنا بالتطورات عشان نشوف الموضوع هيتحل ولا لأ

المشاركة الأصلية كتبت بواسطة Dr_MaTrix

انتوا قلقتوا الواحد كده صراحة........!!!!!!!!!!!!!!!!!!!!!!!!!!!!!!!! !!1

لا يا باشا ماتقلقش ولا حاجة بس لو لسه هتستلم ابقى خد معاك عفشجى يكشف على العربية

لا بجد هى العربية كويسة بس الموضوع ده رخم قوى

المشاركة الأصلية كتبت بواسطة حماده المصري

انا شايف ان العربيه اساسا من البدايه غلطه وده احساسي من ساعه ما شوفتها

كلها استرخاص في استرخاص صناعه هندي تقفيل مصري ومش هتلاقي فيها حاجات كتير ياباني وفي الغالب مش هنعرف نفهم التصنيع ده مكوناته ايه بس انا اعتقد ان العربيه ممكن لا صله لها باليابان في حاجات كتير هي صناعه هندي الله اعلم المتور تقفيله ايه ولا الجير بوكس ولا انظمه التعليق او التوجيه

استرخاص في نظام التعليق الخلفي وفي العربيات الهيونداي في مشاكل مشابهه ليه من ناحيه التخبيط وفي الغالب المشكله هتلاقي حلها في اضافه جلب للسوست من فوق وتحت او للمساعدين من فوق وتحت او الاتنين مع بعض

استرخاص في الداخليه بتاعه العربيه والمواد بتاعتها

حتى المتور طلع من الفئه الي كان فيها

استرخاص حتى في التصميم

وكمان مسترخصين في الكاوتش الى موصلش لدرجه الكومهو والهانكوك الي هما اساسا على قد حالهم


انا اعرف ان نيسان متفوقه في فئات كتير من العربيات وفي تركيز على كاتيجريهات تانيه

بس بصراحه دلوقتي بقت العربيات الصغيره عليها تركيز كبير او اليومين دول وتنافس بشع ما بين الجولف والجيتا والاوكتافيا والسيفيك والكورولا والسيراتو والالنترا والمازدا 3 والفورد فوكس والشركات دي بتحاول على قد ما تقدر تقوي العربيات دي وتخلي الاقبال عليها شديد ثبات مواتير عفشات انتريور وتصميمات تحف

انما نيسان بتدمرالفئه دي عايزه تدمرها ماشي بس لازم تواكب التطور الي بيحصل على الاقل في نظيرتها لو طلعناها من فئه الالنترا والسيفيك والجو ده ودخلنااه في فئه السيتي والاكسنت والريو هي فييين منهم ؟؟؟؟

أختلف معاك فى الرأى يا باشا

عن تجربة العربية ممتازة فى كل حاجة و العيب الى بتكلم فيه ده هو الحاجة الوحيده و بكرر الوحيده الى مضايقانى فى العربية غير كده العربية تستاهل كل مليم

المشاركة الأصلية كتبت بواسطة peaceman

أنا شايف ان البدائل 100% .. بس لو حصل ان حد اشتري البديل و لقي مشكلة .. هل الوكيل هيعبر المستهلك زي ما توكيل نيسان المحترم بيقدر العميل ؟؟؟؟؟؟

نفسى والله يا استاذ بيشوى الوكيل يهتم بالموضوع ده ويحله

العربية عاجبانى جدا ومفيش أى شكوى منها على الاطلاق الا الموضوع البايخ ده وانا اشتريت العربية بناءا على السمعة الطيبة للوكيل الى حضراتكم نقلتوهالنا ونفسى الوكيل مايخزلناش وانا حاسس ان الحل سهل بس حد يهتم