الموضوع: للأسف مشكلة التزييق فى الصنى الجديدة.. لا حل لها

المشاركة الأصلية كتبت بواسطة peaceman

يا جماعة الصبر .. الصبر جميل صدقوني
اكيد نيسان هتحل المشكلة ديه بأقصي سرعة و غير كده اكيد هيبقي الحل اكسكلوسيف في الاول لقسم نيسان نايل موتورز
نيسان دايما بتحل مشاكلها زي ما حلت مشكلة العربيات الشكل القديم زي مثلا ً سحب البنزين عن طريق حساس الاكسجين اللي زودوه و كمان العربية مكانتش بتنزل بفلتر تكييف .. قامت عملت حملة مجانيه و اخدنا فلتر التكييف ببلاش .. متقلقوش الحل موجود دائما ً

طيب ما دى نازلة بدون فلتر تكييف

المشاركة الأصلية كتبت بواسطة ahmed.tv

استاذ انس .. ازى حضرتك .. قلبى معاك .. انا عارف الواحد نفسه يدفع كل قرش ويلاقيه فى محله
انا حجاوبك .. على استفساراتك على قدر علمى ..
بس المهم انك لازم تصبر

انا واحد من الناس بسمع تنزيق فى الطابوه بتاع التيدا على فترات .. وفى عربيات كورى فيها تزيق وبى ام وبورا كمان اللى فى الكراسى واللى فى البلاستيك واللى كذا مكان فى العربية .. فحاول متركز معاه الفترة دى عقبال ما يتحل

بخصوص اوتو ايجيبت .. واى مركز خدمة اخر .. بيحاولوا يحلوا المشكلة بقدر ما بيتوفر من امكانيات قطع غيار عنده .. هما بيركبوا كاوتشة التيدا .. لان دى اقرب حاجة .. ومعنى انهم ركبوا كاوتشة التيدا .. يبقا اكيد فى كاوتشة للصنى باذن الله .. بس هى مش متوفرة عندهم ولا فى امركز خدمة .. فهما حيعلموا ايه !! فبيحالوا يتصرفوا

وبعدين بالنسبة للمصنع .. فى خط انتاج جديد وشغالين فيه بقوة فى الانتاج .. ولدرجة انهم بينتجوا اكتر من الخطة الانتاجية عشان يقدروا يحققوا طلبات العملاء .. العملاء اللى اكيد عاملة ضغط عليهم .. والكل عايز يستلم فى اقرب وقت لدرجة انهم بينتجوا 1800 سيارة فىا لشهر .. بعد ما كان من المخطط انهم ينتجوا 900 سيارة فقط

المهم ما علينا مش دى القصة ولا المشكلة كمان .. معروف اى قطعة غيار فى نيسان مش موجودة وبتيجى من بره مصر بتاخد وقت .. واسالنى انا فى قطعة غيار جتلى بعد 3 شهور

فهما اكيد بيتاكدوا ان المشكلة من الكاوتشة دى .. وحيبعتوا يجبوها من بره للناس .. وخالى بالك العربية بقالها شهور ومحدش اصلا كمان لحق عمل بيها 20 الف كيلو

وده خط انتاج جديد فى مصر .. ومتقلقش اللى مش متوفر حاليا حيكون متوفر بكمية وكثرة قدام .. عشان عايزين يثبتوا للعملاء ان كل حاجة فيها متوافرة .. وان نجاح العربية من توفر قطع غيارها

غير كدا المشكلة فى التزيق ده مش عاملة مشكلة ميكانيكة يكون منها قلق او ياثر على اداء العربية
الصبر بس وان شاء الله اكيد حيكون ليها حل .. بس الناس تصبر .. واكيد فى امل

وبخصوص البطارية .. بردوا انا شايفها انها حاجة جميلة .. وبالاخص للناس اللى حتستلم .. وبعدين زى ما قولنا .. دى حاجة تحسب لنيسان .. انها بتطور وبتضيف كل حاجة كويسة .. ويمكن مش انت بس اللى تتضايق ده مفروض ان ملاك التيدا كمان يزعلوا لان بطاريتهم سائلة ههههههههه

على العموم السائلة والجافة .. الاتنين فيهم ضمان .. واى مشكلة بتظهر فى السائلة وارد تظهر فى الجافة .. وكمان الاتنين زى ما قولتلك عليهم ضمان

اومال حتعلموا ايه لو لقيتوا مثلا ان الكاوتش اتغير وبقا بريدج ستون

ربنا يباركلك فيها .. واصبر واهدى وان شاء الله خير .. وارجع تانى لاوتو ايجيبت وقولهم الحل المؤقت ده مظبطش معايا .. وهما مش حيتاخروا ابدا

وان شاء الله خير

وربنا يعطيك خيرها ويكفيك شرها

تحياتى ليك يا جميل

اوبااااا ومعلومة الكاوتش دى تخمين ولا اقرار واقع ؟؟؟؟؟؟

انا عامل 3000 كيلو ورحت السبع 3 مرات علشان مشكله التزييق دي
وعملت شكوي فى نيسان وبرضه مافيش فايده لدرجه انى فكرت ابيعها

المشاركة الأصلية كتبت بواسطة FBIAhmed

عادي الصني الشكل القديم كان فيها عيب بيعمل خبطه ورا مع المطبات ناحية السقف و و الموديلات من اول 2010 و العيب ده هو ان لحام قايم الشأسيه مع السقف بيفك و بتروح العربيه المصنع يتلحم القايم ده و ممكن مع المطبات يفك تاني. نصيحتي كبر دماغك. و كمان 105000 مش رقم هاتلي عربيه فيها الامكانيات دي بالرقم ده و مفيش حاجه كامله كبر مخك

لحام وبيفك !!!!!!!!!!!







ده عيب خطير مش بسيط وفى صلب العربيه

المشاركة الأصلية كتبت بواسطة peaceman

لو مش نازلة بفلتر تكييف .. عادي جدا جدا ممكن يكون لسة موصلش الفلاتر للمصنع و اكيد لما المصنع يفوق من موضوع الضغط في تجميع العربية ممكن يعملوا برده حملة مجانيه و يوزعوا الفلاتر مجانا ً زي ما حصل معانا

بس فيه اخ لينا هنا فى المنتدى بقول ان عربيته فيها فلتر